Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!

FORMULARIO EN LIÑA. Contacta con CCOO

01.08.2020.

Podes contactar co Sindicato Nacional de CCOO de Galicia mediante o noso formulario en liña.

Os servizos xurídicos de CCOO lograron unha importante sentenza

O TSXG estima a demanda de CCOO sobre o dereito a carreira profesional do persoal dos entes instrumentais da Xunta

  • A sentenza abre a porta a que milleiros de traballadoras e traballadores públicos esixan o recoñecemento deste dereito
21.10.2020.

O Tribunal Superior de Xustiza de Galicia (TSXG) estima a demanda dos servizos xurídicos de Comisións Obreiras (CCOO) e recoñécelle a carreira profesional ao persoal dos entes instrumentais da Xunta. En concreto, a sentenza declara o dereito dunha traballadora laboral fixa do Consorcio Galego de Servizos da Igualdade e Benestar a percibir o complemento de carreira profesional. Percibirá o grao I da devandita carreira con efectos retroactivos desde o 1 de xaneiro de 2019.

Un momento da conferencia de prensa

CCOO esixe a modernización de Navantia-Ferrol para non pór en perigo a viabilidade do estaleiro

  • O sindicato critica que a empresa pública non solicite os fondos europeos dispoñibles, o que fará que «corran risco» diversos proxectos
14.10.2020.

A Federación de Industria de CCOO de Galicia esixe a modernización do estaleiro público de Navantia en Ferrol para non pór en perigo a súa viabilidade. O sindicato insta a implicación da dirección da empresa e do ámbito político, porque só así haberá «garantías de futuro» para reducir os custos e os prazos de execución dos traballos.

O Gabinete de Igualdade de CCOO está ao servizo da clase traballadora

Xornadas didácticas organizadas polo Gabinete de Igualdade de CCOO de Galicia

14.10.2020.Gabinete de Igualdade

Desde a súa creación, este Gabinete esforzouse por promover unha formación especializada das persoas que compoñen as delegacións das CCOO nas empresas galegas. Todas as federacións tiveron acceso a esta formación presencial. A pandemia freou as nosas aspiracións de levar os conceptos básicos sobre igualdade e plans de igualdade á maior cantidade de delegados e delegadas de CCOO, pero os resultados obtidos nas xornadas dos primeiros meses do 2020 foron esperanzadores e lévannos a organizalas de novo (terán lugar este outono).

CCOO-Sanidade esixe mellores condicións laborais nas residencias de maiores

08.10.2020.
Un momento da concentración de hoxe

A Federación de Sanidade de CCOO de Galicia esixe mellores condicións laborais nas residencias de maiores, unha axeitada repartición da carga de traballo e a protección da saúde laboral. Con este obxectivo, o sindicato concentrouse este mediodía diante da sede da Xunta.

A fraude da igualdade laboral: cando os plans de igualdade son un mero trámite

09.10.2020.Gabinete de Igualdade de CCOO
O Gabinete de Igualdade de CCOO está ao servizo da clase traballadora

Moitos plans de igualdade que están a presentar no REGCON as empresas galegas son meras sinaturas dun documento a través do cal ter acceso a algún tipo de axuda ou ao concurso para prover servizos á Administración pública, pero non representan un verdadeiro compromiso coa implantación da igualdade e a erradicación das discriminacións de xénero no mundo laboral.

CCOO coida urxente un plan de recuperación económica e social para afrontar a destrución de emprego por mor da pandemia

  • Malia que en setembro caeu o paro rexistrado en 377 persoas, perdéronse case mil afiliacións á Seguridade Social
02.10.2020.
Maica Bouza, secretaria de Emprego e Previsión Social de CCOO

Comisións Obreiras (CCOO) coida «urxente» un plan de recuperación económica e social para que Galicia recupere a actividade e o emprego perdido pola pandemia da COVID-19 e dar resposta aos 176.574 parados e paradas galegas. Malia que os datos do paro rexistrado do mes de setembro indican que hai 377 persoas desempregadas menos, perdéronse 995 afiliacións á Seguridade Social, o que se suma a un modelo de contratación «eminentemente precario» —nove de cada dez contratos son temporais.

O sábado haberá unha manifestación en Lugo

O comité de Alcoa-San Cibrao acode á Xustiza para paralizar o ERE

  • O sábado, 24 de outubro, haberá unha manifestación en Lugo
17.10.2020.

O comité de empresa de Alcoa-San Cibrao presentou no Tribunal Superior de Xustiza de Galicia (TSXG) unha solicitude para que o expediente de regulación de emprego (ERE) sexa paralizado cautelarmente.

Un momento da concentración de hoxe

O comité de Alu Ibérica denunciará na Fiscalía o proceso de venda da factoría

  • O persoal insiste en reclamar que o Estado interveña a fábrica
15.10.2020.

O persoal de Alu Ibérica volveuse mobilizar esta tarde na Coruña para rexeitar a «persecución sindical» por parte da actual dirección e para denunciar, tamén, os incumprimentos do Grupo Riesgo. Neste sentido, o comité de empresa avanzou que está a preparar unha denuncia na Fiscalía sobre o proceso de venda de Alcoa a Parter e, posteriormente, do grupo suízo a Riesgo.

Dezaseis xornadas de loita do persoal da Consellaría de Política Social esixindo negociación

15.10.2020.
Unha das concentracións deste xoves

O persoal laboral da Consellaría de Política Social chegou este xoves, 15 de outubro, ás dezaseis semanas de mobilización diante dos centros de traballo para esixir unha negociación sobre as súas condicións laborais. A Consellaría, porén, négase nin sequera a escoitar as reivindicacións.

Real decreto de igualdade retributiva e Real decreto sobre plans de igualdade

14.10.2020.Gabinete de Igualdade
Os documentos aprobáronse o martes no Consello de Ministros e Ministras

O martes 13 de outubro aprobáronse no Consello de Ministros e de Ministras dous regulamentos imprescindibles para a conquista da igualdade e a eliminación da discriminación das mulleres no mercado laboral; negociáronos e asináronos CCOO e UGT xunto cos ministerios de Traballo e Igualdade, o pasado xullo.

CCOO insta a patronal do metal de Pontevedra a «abandonar as mensaxes derrotistas» e esixe «responsabilidade» para reactivar a economía

09.10.2020.
CCOO esixe recoñecer o esforzo das traballadoras e traballadores do sector do metal

Após a terceira mesa de negociación do convenio do metal da provincia de Pontevedra, a Federación de Industria de CCOO insta a patronal a «abandonar as mensaxes derrotistas». O sindicato tamén esixe «responsabilidade» de todas as partes para impulsar a reactivación da economía, que ha ir por un camiño diferente aos recortes do 2008, «que só serviron para eliminar dereitos».

Consulta na nosa web información sobre o coronavirus

INFORMACIÓN SOBRE O CORONAVIRUS

30.03.2020.

Consulta na nosa web toda a información sobre o coronavirus no ámbito laboral. Documentación de prevención, lexislación, etc.