Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus
Cartaz

Folga indefinida do persoal técnico de prevención de incendios forestais a partir do 1 de agosto

29.07.2020.

A folga atinxe ao persoal enxeñeiras e enxeñeiros técnicos forestais e de montes da Consellaría do Medio Rural que reivindica un novo acordo que regule as súas condicións de traballo

O COVID 19 ten un impacto catastrófico para o emprego en Galicia

Galicia precisa dun plan urxente de recuperación económica e social

28.07.2020.

27-7-20.- Comisións Obreiras (CCOO) esixe ao Goberno Autonómico un plan de recuperación económico e social. Segundo a secretaria de Emprego e Previsión social do sindicato, «o emprego de calidade é a mellor protección social» por iso é necesario un plan de país que poña as persoas e o emprego no seu centro para que todos os galegos e galegas poidan vivir con dignidade. Galicia non pode permitirse 38.900 fogares nos que non entra ningún ingreso.

O TRIBUNAL SUPREMO CONDENA A MÉDICOS SIN FRONTEIRAS POR ABUSO LABORAL

22.07.2020.
-

A sala do social do Alto Tribunal confirma a nulidade por cláusula abusiva do rendemento dos captadores de socios e socias de Médicos sen Fronteiras en Galicia.

Protesta diante da Xunta para pedir a destitución da conselleira de Política Social

  • CCOO, CIG, CSIF e UGT concentráronse diante da sede do Goberno galego e dos centros que dependen do departamento de Fabiola García
16.07.2020.
Os sindicatos piden a destitución da conselleira de Política Social

Os sindicatos CCOO, CIG, CSIF e UGT concentráronse hoxe diante da sede da Xunta para pedir a destitución da conselleira de Política Social, Fabiola García. Así mesmo, por oitava semana consecutiva houbo concentracións diante dos centros de traballo que dependen deste departamento.

CCOO chama a «acordos amplos» en Galicia porque a próxima lexislatura «vai ser determinante»

  • Ramón Sarmiento critica a «falta de dinamismo» da política industrial da Xunta e insta a aproveitar o talento dos nosos campus
14.07.2020.
No centro, Ramón Sarmiento apoiando os traballadores de Alcoa o pasado 1 de xullo, en Santiago

O secretario xeral de CCOO, Ramón Sarmiento, considera que cómpre un cambio de estilo no Goberno galego que «aposte por buscar acordos amplos». Na súa opinión, a sociedade demanda un espazo de acordo que responda ao difícil momento industrial, social e laboral. «Debemos atinar, sobre todo na primeira parte da lexislatura», explicou o sindicalista na entrevista concedida este mediodía a Radio Vigo-Cadena SER.

Aprobadas as normas do 12.º Congreso Nacional de CCOO de Galicia

  • Terá lugar os días 6 e 7 de maio de 2021
14.07.2020.
Un momento do Consello Nacional, que se desenvolveu por videoconferencia

O Consello Nacional de CCOO, reunido hoxe, aprobou as normas que regulan o 12.º Congreso Nacional de CCOO de Galicia, que terá lugar os días 6 e 7 de maio de 2021.

CCOO denuncia a Administración paralela da Consellaría de Cultura para as intervencións no patrimonio

  • O sindicato rexeita a privatización deste servizo público e critica que se utilicen fondos públicos para realizar labores que debería acometer o persoal propio da Xunta
13.07.2020.
Laxe da Forneiriña, Campo Lameiro | Foto: Amaianos (Flickr)

Comisións Obreiras (CCOO) denuncia a existencia dunha «custosa Administración paralela» que opera ininterrompidamente desde hai dous anos na Consellaría de Cultura para as intervencións no patrimonio cultural galego. Neste tempo, a Xunta de Galicia gastou, como mínimo, un millón de euros nos anos 2019 e 2020 —o sindicato non posúe os datos de 2018— para privatizar un servizo público «de xeito que nin sae máis barato nin se garante un traballo de mellor calidade».

O persoal técnico de prevención de incendios forestais irá á folga desde o 1 de agosto

10.07.2020.
Concentración do persoal técnico deste servizo o pasado mes de xuño, diante da sede da Xunta

Ante o nulo avance das negociacións dun novo acordo que regule as condicións de traballo, o persoal técnico de prevención de incendios forestais (Consellaría do Medio Rural) irá á folga a partir do 1 de agosto. Así o acordou a asemblea de traballadoras e traballadores, co apoio de CCOO, CIG, CSI-F e UGT.

Axudas a persoas traballadoras afectadas por ERTE ETOP

  • Destinadas a paliar a perda de ingresos ás persoas afectadas pola suspensión de contrato de traballo ou redución da xornada por causas económicas, técnicas, organizativas e/ou de produción (ETOP)
01.07.2020.
As axudas foron publicadas no DOG do 1 de xullo

CCOO edita unha folla informativa resumindo as axudas a persoas traballadoras afectadas por ERTE ETOP, publicadas no DOG de hoxe, 1 de xullo.

Maica Bouza. Secretaria de Emprego e Previsión Social

Recupérase afiliación e redúcese o paro pero estamos moi lonxe de 2019

  • Recuperar a actividade e o emprego perdidos deben ser as prioridades do novo Goberno da Xunta
04.08.2020.

O Sindicato Nacional de CCOO de Galicia considera que o novo Goberno da Xunta debe priorizar a recuperación da actividade e a creación de emprego. Os datos publicados hoxe de aumento do emprego e redución do desemprego, aínda que son positivos, agochan as debilidades do mercado laboral galego: o emprego creado segue a ser de moi baixa calidade (79.926 contratos temporais asinados no último mes) e se concentra nos servizos de baixo valor engadido, o desemprego descende un 5,06% mentres que a afiliación só medra un 2%.

Contacta, consulta, denuncia

FORMULARIO DE CONTACTO CON CCOO DE GALICIA

30.03.2020.

O Sindicato Nacional de CCOO de Galicia habilita un formulario en liña para atender as consultas laborais relacionadas co coronavirus.

Non máis mortes no traballo

15.07.2020.ROI FERNÁNDEZ. Secretario de Saúde Laboral de CCOO
Cando coñezamos as cifras de xuño, comprobaremos, por desgraza, que se mantén a tendencia

A COVID-19 está a ocupar grandes espazos nos medios de comunicación, deixando moitas veces nun segundo plano noticias tamén moi relevantes, como é o caso das mortes no traballo. O Ministerio de Traballo e Economía Social acaba de facer público o avance dos datos de sinistralidade ata o mes de maio, e permítenos constatar que neses cinco meses perderon a vida 288 traballadoras e traballadores, vinte deles en Galicia. Esta mesma semana temos que lamentar unha nova vítima mortal, desta vez na Mariña.

O Grove volveu saír á rúa para evitar o peche da conserveira Thenaisie Provoté

06.07.2020.
Un momento da manifestación do domingo

Unha multitudinaria manifestación volveu ateigar o domingo as rúas do Grove para evitar o peche da conserveira Thenaisie Provoté, inmersa nun proceso concursal. Desde CCOO esíxese a mediación da Xunta, que «non pode mirar para outro lado» e debe implicarse «para salvar o tecido industrial» de Galicia.

CCOO-Ensino esixe medidas para iniciar con garantías o vindeiro curso

  • O sindicato coida «neglixente» a actitude da Consellaría de Educación
10.07.2020.
CCOO coida «neglixente» a actitude da Consellaría de Educación

A Federación de Ensino de CCOO esíxelle á Consellaría de Educación que adopte medidas para poder iniciar con garantías o vindeiro curso académico. O sindicato acusa o departamento autonómico de estar «centrado exclusivamente nas eleccións» do 12 de xullo, «igual ca o resto do Goberno galego».

CCOO asina un acordo para reforzar as medidas preventivas e compensar o persoal de Lidl polo esforzo realizado durante o estado de alarma

  • O pacto beneficia a uns oitocentos traballadores e traballadoras en Galicia
03.07.2020.
Concentración nun Lidl de Vigo durante a xornada de folga do 4 de xuño

Tras a folga convocada en solitario por CCOO-Servizos, a dirección de Lidl España rectificou e decidiu sentar a negociar co sindicato. O resultado é un acordo que reforza as medidas de prevención nos centros de traballo da cadea de supermercados e compensa tamén o esforzo realizado polo persoal desde que se estableceu o estado de alarma.

Apuntamentos sobre a igualdade

10.07.2020.
Apuntamentos elaborados polo Gabinete de Igualdade de CCOO de Galicia

A nova normalidade supón a fin da cita semanal do Gabinete de Igualdade de CCOO de Galicia na web do Sindicato a través da sección de «Apuntamentos sobre a igualdade». Entendemos que resultou moi útil pero, co retorno á actividade laboral normal, xa cumpriu o seu obxectivo.

A presión sindical obriga a BorgWarner a retirar o ERE en Vigo

  • Suspéndese a folga indefinida que ía comezar o luns, día 13
10.07.2020.
Concentración do comité de empresa diante da delegación da Xunta de Galicia en Vigo

A presión sindical obrigou a BorgWarner a retirar polo de agora o ERE previsto para as súas instalacións de Zamáns, en Vigo. Os sindicatos que integran o comité de empresa, entre eles CCOO, ameazaran cunha folga indefinida a partir do 13 de xullo como reacción á pretensión da empresa.

Consulta na nosa web información sobre o coronavirus

INFORMACIÓN SOBRE O CORONAVIRUS

30.03.2020.

Consulta na nosa web toda a información sobre o coronavirus no ámbito laboral. Documentación de prevención, lexislación, etc.

Axudas a maiores de 55 anos con contrato extinguido dunha empresa en crise

30.06.2020.
CCOO editou unha folla informativa sobre estas axudas

A Secretaría de Emprego e Previsión Social edita unha folla informativa sobre as axudas a maiors de 55 anos con contrato extinguido que procedan dunha empresa en crise. Bases publicadas no DOG n.º 123, do martes 23 de xuño.