Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
Un momento da concentración fronte ás instalacións da empresa

Teleperformance «aproveita a crise para explotar o persoal», denuncian os sindicatos

01.12.2020.

Traballadoras e traballadores de Teleperformance concentráronse na mañá do luns fronte ás instalacións da empresa no polígono coruñés da Agrela, ao tempo que progatonizaron paros parciais nas diferentes quendas horarias. Con esta acción quixeron denunciar publicamente a situación laboral neste centro de chamadas, que emprega a case oitocentas persoas e dá servizo a varias multinacionais que operan en Galicia.

Serafín Rodal, nunha manifestación en Vigo

CCOO lamenta o falecemento do compañeiro Serafín Rodal

26.11.2020.

O Sindicato Nacional de CCOO de Galicia lamenta o falecemento do compañeiro Serafín Rodal Araújo (Vigo, 1961) con só 59 anos. Afiliado ás Comisións Obreiras desde moi novo, desenvolveu toda a súa vida laboral en Campsa Red.

CCOO-Servizos insta a acordar en diálogo social medidas para o emprego na hostalaría e no comercio

CCOO-Servizos insta a acordar en diálogo social medidas para o emprego na hostalaría e no comercio

  • O sindicato considera que estas axudas deben estar equilibradas, é dicir, que existan axudas directas tanto para empresas como para os sectores e as persoas traballadoras.
24.11.2020.

A Federación de Servizos de CCOO de Galicia, que engloba os sectores de hostalaría e comercio, especialmente afectados pola pandemia, propón que todas as Administracións poñan en marcha medidas para soster o emprego e o tecido produtivo, e reclámalle tamén ao Goberno de España melloras na coordinación.

De esq. a der., Carmen Villar, Maica Bouza e Alfonso García, na presentación deste estudo

CCOO demanda un plan de choque para reforzar o sistema de atención á dependencia en Galicia

  • O sindicato coida necesario abrir un marco de diálogo social tripartito co obxectivo de debater as medidas que se han adoptar para mellorar o sistema, especialmente polo impacto da covid-19
17.11.2020.

O Sindicato Nacional de CCOO de Galicia demanda un plan de choque «con recursos abondos» para restituír a calidade e suficiencia das prestacións do sistema de atención á dependencia (SAAD) e mellorar as condicións laborais dun sector que emprega a case 40 000 persoas na comunidade autónoma. Así o expresaron esta mañá en Santiago de Compostela portavoces do sindicato na presentación do estudo 'O sistema de atención á dependencia en Galicia: prestacións e emprego'.

O persoal pide a dimisión da conselleira, Fabiola García

O persoal de Política Social non se rende: «conselleira, dimisión!»

  • Os sindicatos alertan de que «algo non funciona» se nesta segunda vaga da pandemia «temos os mesmos problemas ca en marzo»
12.11.2020.

O persoal dos centros que dependen da Consellaría de Política Social protagonizou este xoves a 19.ª concentración en defensa dos seus dereitos laborais. Malia durar o conflito xa cinco meses, a conselleira négase a recibir os sindicatos. Desde os sectores da Administración autonómica de CCOO, UGT, CIG e CSIF lémbranlle a Fabiola García que estas organizacións son «os lexítimos representantes» das traballadoras e traballadores.

CCOO procurará unha solución urxente para a actualización salarial

CCOO procurará unha solución «urxente» para actualizar os salarios de 2020 do convenio provincial de limpeza da Coruña

  • A maioría sindical, representada por CCOO e CIG, rexeita a actitude «obstrucionista» da UGT
09.11.2020.

A Federación de Construción e Servizos de CCOO de Galicia afirma que procurará unha solución «urxente» para actualizar os salarios de 2020 do convenio provincial de limpeza da Coruña, sen que iso signifique deixar de lado a negociación íntegra do texto. «Queremos negociar un novo convenio, pero cremos tamén que é necesario atopar unha vía de actualizarmos as remuneracións deste ano», sinala Ricardo Santos, secretario de Acción Sindical da federación.

CCOO denuncia a conxelación salarial no convenio provincial

CCOO non asina o convenio de serradoiros da Coruña porque conxela os salarios malia o aumento dos prezos

  • O sindicato critica a actitude de CIG e UGT, pois «condena» o persoal a perder poder adquisitivo polo menos dous exercicios
06.11.2020.

A Federación de Construción e Servizos de CCOO rexeitou asinar o convenio de serradoiros da Coruña, ratificado por CIG e UGT, por «condenar» o persoal á perda de poder adquisitivo polo menos durante dous exercicios, pois o texto asinado remata a vixencia a finais de 2021. O novo convenio conxela os salarios, critica CCOO, malia que os prezos aumentaron no último ano na maior parte de produtos e servizos de primeira necesidade.

A conselleira négase a recibir os representantes do persoal

O persoal de Política Social suma 19 semanas de protesta sen que a conselleira acceda a dialogar

05.11.2020.

O persoal dos centros que dependen da Consellaría de Política Social sumou este xoves 19 semanas de protesta en defensa dos seus dereitos laborais. Porén, a conselleira nin sequera accedeu a dialogar. Os sindicatos CCOO, UGT, CIG e CSIF lémbranlle a Fabiola García que son «os lexítimos representantes» das traballadoras e traballadores.

Un momento da intervención de Ramón Sarmiento no Parlamento

CCOO pide no Parlamento orientar a capacidade pública das Administracións cara unha base produtiva sólida

  • O sindicato propón crear unha Axencia Galega de Planificación e Avaliación das políticas públicas
27.11.2020.

Comisións Obreiras (CCOO) pediu o xoves no Parlamento de Galicia orientar a capacidade pública das diferentes Administracións cara unha base produtiva sólida e mobilizar e estimular a capacidade de investimento privado. Así o expresou o seu secretario xeral, Ramón Sarmiento, na súa intervención na comisión especial sobre a reactivación económica

Membros da sección sindical de CCOO no Concello de Ourense

O Concello de Ourense asume a «folla de ruta reivindicativa» da sección sindical de CCOO

26.11.2020.

Comisións Obreiras (CCOO) congratúlase de que o Concello de Ourense asuma, case integramente, a «folla de ruta reivindicativa» proposta pola sección sindical desta organización. Deste xeito, cuestións como a carreira profesional, a cita previa ou os plans de estabilización de emprego formarán parte do calendario de negociación colectiva do Goberno local.

Os sindicatos reprochan a falta de vontade negociadora da patronal

CCOO, UGT e CIG instan a patronal do metal de Pontevedra a se afastar de posición «rancias e obsoletas»

23.11.2020.

Despois de nove xuntanzas da mesa negociadora do convenio provincial do metal de Pontevedra, CCOO, UGT e CIG repróchanlle á patronal a «nula vontade» para conseguir un acordo. Os sindicatos lembran que fixeron un «esforzo común» ao consensuar as propostas e así desbloquear a negociación para conseguir un convenio que volva ser «referente» no sector.

Un momento da concentración ás portas de Alu Ibérica, na tarde do xoves

O comité de Alu Ibérica esíxelle a Alcoa a reversión da venda debido aos incumprimentos

  • Os representantes do persoal instan o Grupo Riesgo a «amosar as facturas» dos investimentos que afirma que acometeron na planta coruñesa
13.11.2020.

Os traballadores de Alu Ibérica volvéronse concentrar o xoves ás portas da empresa. Desde o comité de empresa esíxenlle a Alcoa a reversión da venda debido aos incumprimentos, especialmente pola falta dun proxecto industrial. Así mesmo, a representación legal do persoal insta o Grupo Riesgo a «amosar as facturas» dos investimentos que afirma que realizou na planta coruñesa.

Un momento da reunión de hoxe co Concello de Santiago de Compostela

O comité do SAF de Santiago reuniuse hoxe co Concello para abordar as melloras no servizo

  • A Administración local facilitaralle ao persoal do servizo unhas tarxetas identificativas e de aparcamento para facilitar o desprazamento entre domicilios no casco urbano
09.11.2020.

O comité do servizo de axuda no fogar (SAF) de Santiago de Compostela, do que forma parte CCOO, reuniuse este mediodía co Concello para abordar as melloras no servizo. Trátase da primeira xuntanza desde que o Tribunal Administrativo de Contratación Pública (TACP) estimou parcialmente a demanda de CCOO, obrigando a refacer os pregos no que respecta á dotación económica, «insuficiente» para poder aplicar os protocolos hixiénicos ante a COVID-19.

Un momento da conferencia de prensa de hoxe

O comité de Alcoa, disposto a reducir a presión se a empresa senta a negociar a venda

  • José Antonio Zan (CCOO) coida «vergoñento» que, pasado máis dun mes, non se reúna a prometida mesa multilateral
09.11.2020.

O comité de empresa de Alcoa-San Cibrao deu esta mañá unha conferencia de prensa para anunciar que os representantes dos traballadores e das traballadoras están dispostos a reducir a presión e «aliviar» as perdas para a compañía se a multinacional senta a negociar a venda. «Nós estamos comprometidos e é preciso que Alcoa tamén se comprometa coa sociedade e cunha solución a esta problemática», sentenciou o presidente do comité, José Antonio Zan (CCOO).

Un momento da concentración fronte á fábrica de Alu Ibérica, este xoves

O persoal de Alu Ibérica non se rende e esixe a intervención

06.11.2020.

Os traballadores de Alu Ibérica non se renden e volveron saír á rúa o xoves para denunciar os incumprimentos do grupo industrial Riesgo, que actualmente controla a fábrica coruñesa que no seu día pertenceu a Alcoa.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Igualdade
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros