Sindicato Nacional de CCOO de Galicia

Sindicato Nacional de CCOO de Galicia
#QueNonChaXoguen co salario mínimo

luns 10 de xuño de 2019

Galicia estivo presente na XXX Escola Confederal de Xuventude

O compañeiro José Carlos Taboada, delegado de CCOO na piscina da Estrada, foi un dos participantes galegos na XXX Escola Confederal de Xuventude, que tivo lugar a pasada semana en Barcelona. Esta trixésima edición centrouse na precariedade laboral, precisamente unha cuestión sobre a que afondou Taboada na súa intervención.

En primeiro termo, intervención de José Carlos Taboada na XXX Escola de Xuventude

En primeiro termo, intervención de José Carlos Taboada na XXX Escola de Xuventude

Na súa exposición, o delegado do sector de medios de comunicación e instalacións deportivas de CCOO sinalou como é posible facer un bo labor sindical malia que as condicións laborais sexan precarias e a empresa lle poña todo tipo de atrancos á representación legal dos traballadores e das traballadoras.

No caso da piscina da Estrada, houbo unha gran conflitividade coa empresa concesionaria Y Tú Qué Haces S. L.,  que mesmo motivou a convocatoria de folga. O delegado de CCOO lembrou que se produciron todo tipo de problemas, mesmo para celebrar as eleccións sindicais, que tiveron que realizarse nunha mesa situada no exterior das instalacións.

Pero incluso das situacións máis negativas e concretas se pode tomar nota para mellorar as condicións de traballo xerais. Precisamente, José Carlos Taboada é unha das persoas encargadas de negociar o convenio galego de instalacións deportivas, xa que moitos dos problemas da piscina da Estrada son comúns a outro tipo de centros do mesmo sector en Galicia.

Galicia estivo presente na XXX Escola Confederal de Xuventude

luns 10 de xuño de 2019

Áreas temáticas relacionadas

Áreas - Sociopolítica - Xuventude - Actualidade
Información - Novas
O teu sindicato - Unións Territoriais - Pontevedra - Actualidade

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros