Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus

venres 10 de xaneiro de 2020

CCOO faise con todo o comité no SAD de Padrón

A Federación de Construción e Servizos de CCOO conseguiu toda a representación nas eleccións sindicais de Servizos Sociais Ulla Sar, empresa concesionaria do servizo de axuda a domicilio (SAD) de Padrón. O sindicato segue sumando resultados positivos e avanzando como primeira forza do sector en Galicia.

Un momento das votacións

Un momento das votacións

Desde CCOO salientan que, por vez primeira, o SAD de Padrón vai contar cunha representación legal das traballadoras, e será grazas ás cinco delegadas elixidas baixo as siglas deste sindicato.

Nas asembleas previas, Comisións Obreiras comprometeuse a traballar por mellorar as actuais condicións laborais. O traballo sindical viuse recompensado con este resultado, nunhas votacións en que participou o 65 % do persoal.

Desde Construción e Servizos agradecen o apoio das traballadoras e, de xeito particular, a decisión das compañeiras que deron un paso á fronte para formaren parte deste primeiro comité de empresa.

CCOO faise con todo o comité no SAD de Padrón

venres 10 de xaneiro de 2020

Áreas temáticas relacionadas

Información - Novas
O teu sindicato - Eleccións Sindicais - Actualidade
O teu sindicato - Unións Territoriais - Santiago Barbanza - Actualidade