Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus

venres 3 de xullo de 2020

CCOO denuncia a represión sindical na Once

  • Xuízo polo despedimento dunha delegada deste sindicato en Lugo

Comisións Obreiras (CCOO) segue denunciando a represión sindical na Once. Unha das vítimas destas prácticas é unha delegada de CCOO en Lugo, á que non lle renovaron o contrato malia que a empresa estaba obrigada a convertela en traballadora indefinida. Nos últimos meses, o sindicato convocou varias accións de protesta para poñer de manifesto a precariedade laboral na entidade e o silenciamento das voces críticas.

Un momento da concentración de hoxe en Lugo

Un momento da concentración de hoxe en Lugo

No que vai de ano, Comisións puxo en coñecemento público en diversas ocasións a precariedade laboral das vendedoras e vendedores do cupón, que padecen unha elevada temporalidade. Tamén, que a empresa continúa derivando a venda de produtos a canles complementarias —como oficinas de Correos—, ao tempo que despide persoal por non chegar ás vendas mínimas fixadas.

Este venres ten lugar o xuízo polo despedimento da delegada sindical. Por esta razón, o sindicato convocou unha concentración para amosarlle o seu apoio. Nela participaron, entre outros, o secretario xeral de CCOO, Ramón Sarmiento, o secretario de Acción Sindical, Roi Fernández, o secretario xeral da FSC-CCOO, José Manuel Ramos, e o responsable da sección sindical estatal, Raúl López.

CCOO denuncia a represión sindical na Once

venres 3 de xullo de 2020

Áreas temáticas relacionadas

Información - Novas
O teu sindicato - Unións Territoriais - Lugo - Actualidade