Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
O asinamento da Declaración tivo lugar na Cidade da Cultura, en Santiago de Compostela

Acordo para afondar no diálogo social e sentar as bases para saír desta crise

  • Os axentes sociais asinaron co Goberno galego a Declaración para a reactivación económica e social de Galicia
23.09.2020.

O Sindicato Nacional de CCOO de Galicia, UGT, a patronal CEG e a Xunta asinaron este mércores a Declaración para a reactivación económica e social de Galicia. O obxectivo é afondar no diálogo social e sentar as bases para saír da crise provocada pola pandemia da COVID-19.

O secretario xeral de CCOO foi entrevistado pola Televisión de Galicia

Ramón Sarmiento: «Galicia precisa acordos para afrontar os desafíos desta complexa conxuntura»

  • O secretario xeral de CCOO foi entrevistado sobre cuestións de actualidade como o diálogo social, a prórroga dos ERTE, o teletraballo e os desafíos industriais
03.09.2020.

«Galicia precisa non só diálogo, senón un necesario acordo», porque «é o que demanda o conxunto da sociedade». Así o expresou o mércores o secretario xeral do Sindicato Nacional de CCOO, Ramón Sarmiento, na entrevista concedida ao programa Bos Días, da Televisión de Galicia. Desde os estaleiros Vulcano (Vigo), onde posteriormente participou nunha asemblea cos extraballadores, o dirixente sindical explicou a posición de Comisións Obreiras sobre cuestións de actualidade como o diálogo social, a prórroga dos ERTE, o teletraballo e os desafíos industriais.

O programa ofrecerá formación en distintas competencias dixitais

Aberto o prazo para solicitar as axudas do novo programa de formación dixital dirixido persoas desempregadas maiores de 45 anos

  • O programa Sénior dixital, creado ao abeiro dos Acordos do Diálogo Social, podería chegar a beneficiar a unhas seiscentas persoas
13.08.2020.

Esta semana abriuse o prazo para solicitar as axudas do novo programa de formación Sénior dixital, dirixido a persoas desempregadas de longa duración maiores de 45 anos. O proxecto nace ao abeiro dos Acordos do Diálogo Social, asinados en decembro entre os sindicatos CCOO, UGT, Xunta de Galicia e a patronal CEG. Trátase dunha iniciativa piloto para a atención personalizada a un colectivo dos que presenta maiores dificultades de inserción laboral. Avaliarase o seu funcionamento para, no futuro, implementar un programa máis ambicioso e con máis recursos.

O COVID 19 ten un impacto catastrófico para o emprego en Galicia

Galicia precisa dun plan urxente de recuperación económica e social

28.07.2020.

27-7-20.- Comisións Obreiras (CCOO) esixe ao Goberno Autonómico un plan de recuperación económico e social. Segundo a secretaria de Emprego e Previsión social do sindicato, «o emprego de calidade é a mellor protección social» por iso é necesario un plan de país que poña as persoas e o emprego no seu centro para que todos os galegos e galegas poidan vivir con dignidade. Galicia non pode permitirse 38.900 fogares nos que non entra ningún ingreso.

O paro reduciuse no mes de xuño, como adoita suceder cada ano

O paro rexistrado experimenta unha mellora conxuntural que precisa medidas de apoio á actividade e ao emprego

  • Para a Secretaría de Emprego de CCOO, o balance de once anos de Goberno de Feijóo é «unha Galicia avellentada, sen emprego, cunha fráxil estrutura produtiva e entregada a mans privadas»
02.07.2020.

O paro reduciuse en Galicia no mes de xuño, como adoita suceder cada ano, ata deixar en 184 654 o número de persoas desempregadas, que son 6428 menos que en maio (un 3,36 % menos), pero 29 405 máis ca hai un ano. Neste mes, o desemprego evoluciona mellor en Galicia ca no conxunto do Estado, onde o paro medra un 0,13 %. Para CCOO, os datos son «positivos pero conxunturais», e evidencian a necesidade de medidas de apoio á actividade e á creación de emprego, aos sectores produtivos e de protección social complementarias ás que está a desenvolver o Goberno central.

CCOO editou unha folla informativa sobre estas axudas

Axudas a maiores de 55 anos con contrato extinguido dunha empresa en crise

30.06.2020.

A Secretaría de Emprego e Previsión Social edita unha folla informativa sobre as axudas a maiors de 55 anos con contrato extinguido que procedan dunha empresa en crise. Bases publicadas no DOG n.º 123, do martes 23 de xuño.

Axudas á xubilación parcial con contrato de remuda

Axudas á xubilación parcial con contrato de remuda

19.06.2020.

A Secretaría de Emprego e Previsión Social edita unha folla informativa sobre as axudas á xubilación parcial con contrato de remuda, ao abeiro da Orde publicada no DOG nº 118, do mércores 18 de xuño.

Un momento da reunión que tiveron hoxe a delegación de CCOO e o presidente da Xunta

CCOO pídelle á Xunta un plan para a recuperación social e económica de Galicia

  • O sindicato coida necesario abrir un «proceso extraordinario de concertación» coas organizacións sindicais máis representativas, a patronal e os partidos con representación no Parlamento
13.05.2020.

O Sindicato Nacional de Comisións Obreiras de Galicia pídelle á Xunta un plan para a recuperación social e económica do país. Unha representación de CCOO reuniuse esta mañá por videoconferencia con Alberto Núñez Feijóo para propoñerlle varias medidas con esta finalidade. Na xuntanza co presidente participaron o secretario xeral do sindicato, Ramón Sarmiento, a coordinadora da Área Pública, Emilia Lamas, o secretario xeral da Federación de Industria, Víctor Ledo, e a secretaria xeral da Federación de Servizos, Lucía Trenor.

O secretario xeral de CCOO foi entrevistado pola Radio Galega

Ramón Sarmiento: «O acordo sobre o teletraballo equilibra as relacións laborais»

  • O secretario xeral de CCOO foi entrevistado a noite do martes no programa 'A Crónica' da Radio Galega
23.09.2020.

O secretario xeral de CCOO, Ramón Sarmiento, aplaude o acordo sobre o teletraballo ao que chegaron onte o Goberno e os axentes sociais. «Na nosa opinión, equilibra as relacións entre empresarios e traballadores; establece normas, tanto de dereitos como de obrigas polas dúas partes e vai facilitar a seguridade xurídica», explicou o dirixente sindical en declaracións á Radio Galega.

A actividade económica minora en Galicia, polo que CCOO esixe un plan de actuación

O paro rexistrado de agosto constata a finalización da contratación de temporada e a minoración da actividade

  • No último mes fixéronse nove contratos por cada nova alta á Seguridade Social; en Galicia, a contratación é un 25 % menor ca no mes anterior e un 31 % inferior á de hai un ano
02.09.2020.

Os datos publicados reflicten un aumento do desemprego de 1640 persoas, ao tempo que a afiliación medra en 7126. A precariedade e a intensa rotación no emprego explican esta situación, o que se pon de manifesto especialmente no feito de que se formalizaran 64 399 contratos para esa cifra de afiliación. Noutras palabras, no último mes concertáronse nove contratos por cada alta na seguridade social.

Maica Bouza. Secretaria de Emprego e Previsión Social

Recupérase afiliación e redúcese o paro pero estamos moi lonxe de 2019

  • Recuperar a actividade e o emprego perdidos deben ser as prioridades do novo Goberno da Xunta
04.08.2020.

O Sindicato Nacional de CCOO de Galicia considera que o novo Goberno da Xunta debe priorizar a recuperación da actividade e a creación de emprego. Os datos publicados hoxe de aumento do emprego e redución do desemprego, aínda que son positivos, agochan as debilidades do mercado laboral galego: o emprego creado segue a ser de moi baixa calidade (79.926 contratos temporais asinados no último mes) e se concentra nos servizos de baixo valor engadido, o desemprego descende un 5,06% mentres que a afiliación só medra un 2%.

-

O TRIBUNAL SUPREMO CONDENA A MÉDICOS SIN FRONTEIRAS POR ABUSO LABORAL

22.07.2020.

A sala do social do Alto Tribunal confirma a nulidade por cláusula abusiva do rendemento dos captadores de socios e socias de Médicos sen Fronteiras en Galicia.

As axudas foron publicadas no DOG do 1 de xullo

Axudas a persoas traballadoras afectadas por ERTE ETOP

  • Destinadas a paliar a perda de ingresos ás persoas afectadas pola suspensión de contrato de traballo ou redución da xornada por causas económicas, técnicas, organizativas e/ou de produción (ETOP)
01.07.2020.

CCOO edita unha folla informativa resumindo as axudas a persoas traballadoras afectadas por ERTE ETOP, publicadas no DOG de hoxe, 1 de xullo.

Actualizada a oferta de FP para o próximo curso

Ciclos formativos de FP para o curso 2020-2021

26.06.2020.

Publicadas no 'Diario Oficial de Galicia' as ordes de oferta presencial e modular de ciclos formativos de Formación Profesional para o curso 2020-2021.

Maica Bouza, secretaria de Emprego de CCOO

CCOO sinala que os datos do paro son «conxunturalmente positivos» pero pídelle á Xunta «políticas de estímulo»

  • O paro diminúe en maio en 547 persoas en Galicia e medra a afiliación media mensual en 1604 persoas; con todo, os contratos creados son a terceira parte dos rexistrados hai un ano
02.06.2020.

Os datos publicados hoxe polos servizos públicos de emprego indican que en Galicia hai 191 082 persoas en desemprego, 547 menos que en abril, pero 30 277 máis ca no mesmo mes do 2019. O desemprego redúcese un 0,29 % en Galicia, mentres no Estado medra un 0,69 %. Trátase duns datos «conxunturalmente positivos», que responden tanto á especialización produtiva galega, cunha menor dependencia do sector turístico, como ao regreso á actividade pola desescalada.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Igualdade
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros