Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus
Sede do Concello da Coruña | Foto: Wikipedia

CCOO pide que a Xunta e outras Administracións sigan o exemplo do Concello da Coruña para manter o emprego

  • O consistorio coruñés aprobou instrucións para minorar o impacto sobre os postos de traballo das medidas urxentes para frear a pandemia
25.03.2020.

A Secretaría de Emprego de CCOO de Galicia aplaude a decisión do Concello da Coruña, que acaba de aprobar novas instrucións en materia de prestacións contractuais do sector público municipal, coas que procura minorar o impacto no ámbito laboral das medidas urxentes extraordinarias para facer fronte ao coronavirus.

CCOO publica un cadro resumindo os principais aspectos da nova prestación

Nova prestación de seguridade social para traballadores/as afectados por coronavirus (COVID-19)

12.03.2020.

Real decreto lei 6/2020, do 10 de marzo, regula no seu artigo quinto unha nova prestación da seguridade social que é de aplicación para raballadores/as afectados por coronavirus (COVID-19).

Anuncio no Diario Oficial de Galicia

Avaliación de competencias clave no ámbito da Consellaría de Economía, Emprego e Industria

27.02.2020.

Resolución de 13 de febreiro de 2020 da Dirección Xeral de Orientación e Promoción Laboral, pola que se convocan probas de avaliación en competencias clave para acceder aos certificados de profesionalidade de nivel 2 e 3 de cualificación.

Maica Bouza, secretaria de Emprego de CCOO

Os datos da última EPA reflicten a desaceleración da actividade económica no ano 2019 e a crise de importantes sectores

  • CCOO insta a Xunta a exercer as súas competencias en materia de emprego e política industrial para mudar a tendencia «antes de que sexa demasiado tarde»
28.01.2020.

Os datos da enquisa de poboación activa (EPA) do cuarto trimestre do 2019, coñecidos hoxe, reflicten a desaceleración da actividade económica no ano que rematou e a crise de importantes sectores de actividade. Comisións Obreiras (CCOO) pídelle ao presidente Feijóo que «abandone a campaña electoral permanente» e insta a Xunta de Galicia a exercer as súas competencias en materia de emprego e política industrial para mudar a tendencia «antes de que sexa demasiado tarde».

Acreditación de competencias profesionais adquiridas pola experiencia

19.12.2019.

Informamos sobre a Orde do 29 de novembro de 2019 pola que se convoca o proceso de acreditación de competencias profesionais adquiridas a través da experiencia laboral, na comunidade autónoma de Galicia, en determinadas unidades de competencia do catálogo nacional de cualificacións profesionais.

Convocatoria 2020 para a acreditación de competencias profesionais adquiridas a través da experiencia laboral

29.11.2019.

A Consellería de Economía, Emprego e Industria convoca no seu ámbito de competencias o procedemento para a avaliación e acreditación das competencias profesionais adquiridas polas persoas a través da experiencia laboral ou de vías non formais de formación para un total un total de 1800 prazas, nas unidades de competencia que se indican no anexo I (un total de 6475) nas cualificacións profesionais que se indican a seguir.

Oficina de emprego en Galicia

Malos datos para Galicia: sobe o paro e baixa a ocupación

  • O paro rexistrado é o máis alto dun mes de outubro desde o 2013, polo que CCOO coida confirmada a «tendencia á desaceleración do emprego en Galicia»
05.11.2019.

Os datos publicados hoxe consolidan a tendencia iniciada en xullo de desaceleración na creación de emprego. O paro aumentou en Galicia en 7323 persoas, unha suba do 4,66 % respecto do mes de setembro que, ademais, é 1,5 puntos superior á media estatal. Este incremento é o máis alto dun mes de outubro desde 2013 e o terceiro consecutivo, polo que CCOO coida confirmada a «tendencia á desaceleración do emprego en Galicia».

O modelo produtivo galego está esgotado, afirma CCOO

CCOO alerta de que a tendencia negativa do emprego en Galicia continúa: sobe o paro e cae a ocupación

  • Os datos confirman que o actual modelo produtivo está «esgotado», segundo o sindicato
02.10.2019.

Comisións Obreiras (CCOO) alerta de que continúa a tendencia negativa do emprego en Galicia. Os datos coñecidos hoxe, como xa avanzaban os de xullo e agosto, «amosan serias luces vermellas» sobre o mercado laboral galego: medra o paro e redúcese o emprego, o que se manifesta en importantes conflitos laborais nos sectores industriais e de servizos de Galicia. Segundo os datos do paro rexistrado, no último mes sobe o desemprego e cae a ocupación. Respecto do mes de agosto, en setembro aumentou o paro en 3164 persoas (2,06 % máis), incremento que supera en case cinco veces a media estatal.

Protocolo de actuación sindical

Protocolo de actuación sindical en caso discrepancias en materia de seguridade e saúde nas empresas en relación co coronavirus

16.03.2020.

As empresas teñen o deber de garantir a seguridade e a saúde dos traballadores e traballadoras ao seu servizo en todos os aspectos relacionados co traballo.

De esq. a der., Maica Bouza, Ramón Sarmiento e Xan María Castro

CCOO presentou os actos do Día da Clase Obreira Galega coa ollada posta na grave crise industrial que padece o país

  • O sindicato e a súa fundación homenaxearán as traxectorias de compromiso e loita de Palmyre Ros, Berta Trigo e Plácido Cal
28.02.2020.

O Sindicato Nacional de CCOO de Galicia presentou hoxe os actos conmemorativos do 10 de Marzo, Día da Clase Obreira Galega. O secretario xeral, Ramón Sarmiento, apuntou que este ano se desenvolverá nun contexto singular, marcado por unha profunda crise industrial e pola convocatoria de eleccións ao Parlamento galego.

Oficina do Servizo Público de Emprego na Coruña

CCOO lamenta que 2020 comece con malos datos para o emprego e insta a reverter os «aspectos máis lesivos» da reforma laboral

  • O sindicato demándalle á Xunta de Galicia que goberne «consonte as súas competencias, acompañando con política industrial e de emprego as medidas que se acorden no ámbito estatal»
04.02.2020.

Comisións Obreiras (CCOO) lamenta que o ano 2020 comece con malos datos para o emprego en Galicia. O desemprego medra e a afiliación redúcese en moita maior proporción, o que constitúe un reflexo do menor crecemento da actividade e a incerteza das persoas sobre a posibilidade de atoparen un emprego. «Unha temporalidade do 90 % nos contratos rexistrados en xaneiro demostra os efectos nocivos da reforma laboral, que se traduce en precariedade», afirma a secretaria de Emprego de CCOO, Maica Bouza.

Oficina do Servizo Público de Emprego en Santiago de Compostela

CCOO augura un «ano difícil» para o emprego en Galicia, pois 2019 pecha con datos «moi preocupantes» no mercado laboral

  • A afiliación á Seguridade Social baixa decontino desde o mes de agosto, ata chegarmos a decembro con case 17.000 persoas afiliadas menos
03.01.2020.

Comisións Obreiras (CCOO) augura un «ano difícil» para o emprego en Galicia, xa que 2019 pecha con datos «moi preocupantes» no mercado laboral galego. O paro diminuíu no mes de decembro, como sucedeu nos dous anos anteriores, pero con moita menor intensidade, ata deixar en 165.308 o número de persoas desempregadas. Remata 2019 co desemprego practicamente estancado: só 351 persoas menos ca en novembro (un 0,21 % menos). Como adoita ser tendencia, o desemprego evoluciona peor en Galicia que no conxunto do Estado, onde a redución é do 1,08 %.

Segue caendo a afiliación á Seguridade Social

O paro aumenta en Galicia por cuarto mes consecutivo e presenta o peor dato en tres anos

  • CCOO urxe a adoptar medidas no emprego e no tecido produtivo «para evitar que a desaceleración troque en recesión»
03.12.2019.

Os datos do paro rexistrado publicados hoxe consolidan a tendencia de destrución de postos de traballo iniciada hai catro meses, alerta Comisións Obreiras (CCOO). A secretaria de Emprego do sindicato, Maica Bouza, apunta que, se ben a tendencia é similar á de anos anteriores, diferénciase na súa intensidade pois o dato é o peor desde o 2016 e non agoira boas perspectivas para o próximo ano 2020.

O secretario xeral presenta o informe perante o Consello Nacional

O Consello Nacional de CCOO cuestiona o proxecto de orzamentos da Xunta para o 2020

  • Non aproveita a medra da actividade para reverter os recortes da fase aguda da austeridade
13.11.2019.

O Consello Nacional de Comisións Obreiras de Galicia (CCOO) aprobou hoxe o informe do secretario xeral, no que se recolle o cuestionamento desta organización ao proxecto de orzamentos da Xunta. Para o sindicato, son uns orzamentos continuístas dos de anos anteriores, insuficientes para afrontar a desaceleración da actividade económica e a grave crise industrial que sofre o noso país.

Oficina do Servizo Público de Emprego na Coruña

A EPA constata que o mercado laboral galego non mellorou no último ano e amosa unha «ralentización»

  • CCOO afirma que Galicia debe apostar polo emprego industrial e polos servizos de alta calidade, xa que o modelo vixente está intimamente ligado á conxuntura
24.10.2019.

O Sindicato Nacional de CCOO de Galicia amosa a súa preocupación polos datos da enquisa de poboación activa (EPA) do terceiro trimestre do ano, xa que se constata a unha «ralentización» respecto doutros anos. Desde Comisións tamén manifestan a súa preocupación porque o crecemento da economía non se está trasladando ao mercado de traballo: este ano é do 2 %, porén, a creación de emprego é do 0,63 %.

Buscar noticias anteriores

Buscar noticias anteriores

Data: