Sindicato Nacional de CCOO de Galicia

Sindicato Nacional de CCOO de Galicia
#QueNonChaXoguen co salario mínimo

venres 21 de xuño de 2019

CCOO colabora unha vez máis con Acampa pola Paz e o Dereito a Refuxio

Entre o 20 e o 22 de xuño ten lugar na Coruña a terceira edición de Acampa pola Paz e o Dereito a Refuxio. Trátase dunha iniciativa cidadá sen fins de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucións e empresas con responsabilidade social. Como nas anteriores edicións, en Acampa 2019 colabora Comisións Obreiras a través da Unión Comarcal coruñesa.

Fotografía de familia das entidades colaboradoras do ano 2018

Fotografía de familia das entidades colaboradoras do ano 2018

Este ano, o eixe central son as mulleres. Durante os tres días de Acampa 2019 desenvolveranse todo tipo de actividades cun enfoque eminentemente feminista como, por exemplo, obradoiros, exposicións, proxeccións audiovisuais ou conferencias.

Hoxe venres, 21 de xuño, a secretaria de Organización de CCOO de Galicia, Mabel Pérez, dirixirá un obradoiro de apoderamento feminino, autoestima e liderado. A sindicalista é especialista en igualdade de xénero, técnicas de comunicación e relacións laborais. Esta actividade está limitada a quince prazas e require inscrición previa aquí. Será ás 17 horas no Kiosco Alfonso.

Segundo Pérez, apoderarse é a «individualización e reforzamento» dos poderes vitais e da autoestima. «Cada persoa é un ser único, independente, con personalidade de seu, con capacidade para decidir e actuar». Partindo desta premisa, a sociedade precisa que as mulleres se apoderen porque promove cambios de valores e dota a democracia dun sentido substantivo; promove un desenvolvemento das sociedades e establece comunidades máis xustas e menos xerárquicas.

CCOO colabora unha vez máis con Acampa pola Paz e o Dereito a Refuxio

venres 21 de xuño de 2019

Ligazóns de interese relacionadas

Inscrición no obradoiro de apoderamento das mulleres
Programa de Acampa 2019

Áreas temáticas relacionadas

Áreas - Internacional - Actualidade
Información - Novas
O teu sindicato - Unións Territoriais - A Coruña - Actualidade

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros