Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus

luns 29 de xuño de 2020

Galicia mobilizouse a prol dun pacto para unha reconstrución social do país que non deixe a ninguén atrás

O Sindicato Nacional de CCOO de Galicia e UGT-Galicia convocaron para a fin de semana oito mobilizacións coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír».

Pancarta da mobilización de Vigo

Pancarta da mobilización de Vigo

Case todas as mobilizacións foron o domingo, 28 de xuño, e nelas as reivindicacións a prol deste pacto confluíron tamén coas propias do Día do Orgullo LGBTI. Na Coruña, con todo, a acción reivindicativa adiantouse un día, para confluír coa manifestación que xa había convocada en defensa dos sectores industriais galegos.

Recoñecemento para a clase traballadora

Na presentación destas mobilizacións, o pasado día 25, o secretario xeral de CCOO, Ramón Sarmiento, destacaba o «compromiso da clase traballadora» durante a pandemia, especialmente dos milleiros de traballadoras e traballadores «que continuaron traballando para que unha parte moi relevante da sociedade puidese confinarse». Por esta razón, as concentracións da fin de semana deberían ser tamén «un recoñecemento» a estas persoas «que seguiron traballando, moitas veces sen as proteccións axeitadas», labor realizado, fundamentalmente, en sectores altamente feminizados e precarios.

CCOO e a UGT reclaman das forzas políticas un consenso que xa existe na sociedade civil para saír nas mellores circunstancias desta crise. O futuro pasa polo fortalecemento dos servizos públicos, que son a gran ferramenta da que se dispuxo para loitar contra a COVID-19. Así, hai que desmontar a falacia das privatizacións que se nos vendeu e pola que case se afunde este país. Hai que insistir en demandar uns servizos públicos de calidade, con empregos de calidade e con financiamento suficiente. A día de hoxe estase lonxe dos obxectivos de converxencia coa UE: o gasto sanitario é o 6 % do PIB galego, fronte ao 7,9 % do resto da UE.

Galicia mobilizouse a prol dun pacto para unha reconstrución social do país que non deixe a ninguén atrás

luns 29 de xuño de 2020

Ligazóns de interese relacionadas

Galería de imaxes
Oito mobilizacións reivindicarán en Galicia un pacto para unha reconstrución social do país que non deixe a ninguén atrás
Manifesto [PDF]

Áreas temáticas relacionadas

Información - Novas
O teu sindicato - Unións Territoriais - A Coruña - Actualidade
O teu sindicato - Unións Territoriais - Ourense Valdeorras - Actualidade
O teu sindicato - Unións Territoriais - Ferrol - Actualidade
O teu sindicato - Unións Territoriais - Lugo - Actualidade
O teu sindicato - Unións Territoriais - A Mariña - Actualidade
O teu sindicato - Unións Territoriais - Pontevedra - Actualidade
O teu sindicato - Unións Territoriais - Arousa - Actualidade
O teu sindicato - Unións Territoriais - Vigo - Actualidade
O teu sindicato - Unións Territoriais - Santiago Barbanza - Actualidade