Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
Un momento da intervención de Ramón Sarmiento no Parlamento

CCOO pide no Parlamento orientar a capacidade pública das Administracións cara unha base produtiva sólida

  • O sindicato propón crear unha Axencia Galega de Planificación e Avaliación das políticas públicas
27.11.2020.

Comisións Obreiras (CCOO) pediu o xoves no Parlamento de Galicia orientar a capacidade pública das diferentes Administracións cara unha base produtiva sólida e mobilizar e estimular a capacidade de investimento privado. Así o expresou o seu secretario xeral, Ramón Sarmiento, na súa intervención na comisión especial sobre a reactivación económica

Un momento da reunión do diálogo social. En primeiro termo pola esquerda, o secretario xeral de CCOO

CCOO esíxelle á Xunta de Galicia o reforzamento dos servizos públicos nos orzamentos do 2021

  • O sindicato insta o Goberno autonómico a dar un «xiro de cento oitenta graos» na planificación estratéxica para «optar con éxito» aos fondos europeos
13.11.2020.

O xoves tivo lugar en Santiago de Compostela unha nova reunión no marco do proceso de diálogo social entre a Xunta de Galicia, a patronal e os sindicatos. Neste encontro analizouse a situación económica e o cadro macro dos orzamentos da Xunta para 2021, pero tamén as oportunidades para a reconstrución que abren os fondos Next Generation para a recuperación da zona euro.

Sede da Xunta de Galicia, en Santiago de Compostela | Foto: Google Street View

CCOO valora positivamente a creación cunha Consellaría de Emprego, pero serían necesarios máis cambios no ámbito da xestión económica

07.09.2020.

O Sindicato Nacional de CCOO de Galicia valora positivamente a creación cunha Consellaría de Emprego, «pero serían necesarios máis cambios no ámbito da xestión económica da Xunta», sinala o secretario xeral, Ramón Sarmiento.

17 de Maio, Día das Letras Galegas

17 Maio de 2020: Día das Letras Galegas

15.05.2020.

O 17 de Maio celebramos o Día das Letras Galegas, dedicado este ano ao escritor e filólogo Ricardo Carvalho Calero (Ferrol, 1910-Santiago de Compostela, 1990). Este insigne ferrolán consagrou a súa vida a dignificar a lingua e a literatura galegas, tanto desde a faceta investigadora (destaca a súa 'Historia da literatura galega contemporánea'), como a docente —foi o primeiro catedrático de Lingüística e Literatura Galega— ou a artística —cultivou con éxito todos os xéneros literarios.

De esq. a der., Palmyre Ros, Plácido Cal e Berta Trigo

Premios 10 de Marzo 2020: Berta Trigo, Plácido Cal e Palmyre Ros

28.02.2020.

O vindeiro sábado, 7 de marzo, CCOO e a súa fundación entregarán en Santiago de Compostela os Premios 10 de Marzo, cos que anualmente se homenaxean traxectorias de loita sindical e compromiso polas liberdades. Desta vez, as persoas homenaxeadas serán Berta Trigo, Plácido Cal e Palmyre Ros.

Un momento da entrevista na Televisión de Galicia

Ramón Sarmiento, secretario xeral de CCOO: «Hai que construír unha nova normativa laboral de forma pactada»

  • O dirixente sindical cualificou de «demoledores» os efectos da reforma laboral do 2012, que facilitou o despedimento de traballadoras e traballadores de baixa médica
  • O secretario xeral de CCOO reivindica que Galicia poida planificar unha transición ecolóxica «xusta» e esixiu a implicación do sector público
16.12.2019.

O secretario xeral do Sindicato Nacional de Comisións Obreiras de Galicia, Ramón Sarmiento, foi entrevistado este luns no espazo 'Bos Días' da Televisión de Galicia. O dirixente sindical respondeu a preguntas relacionadas co diálogo social, a situación da industria electrointensiva, a reforma laboral, o sistema público de pensións e o salario mínimo.

O AGAL é unha «imprescindible ferramenta» para avanzar na modernización das relacións laborais

Asinada a modificación do AGA, que estende a súa eficacia aos conflitos individuais

  • O secretario xeral de CCOO, Ramón Sarmiento, cualifica este mecanismo de «imprescindible ferramenta» para avanzar na modernización e mellora das relacións laborais en Galicia
29.11.2019.

O xoves, 28 de novembro, produciuse o asinamento da modificación do Acordo interprofesional galego sobre procedementos extraxudiciais e solución de conflitos de traballo (AGA), cuxa primeira versión data de hai case trinta anos (1992). Pactado ao abeiro do artigo 83.3 do Estatuto dos traballadores, o AGA foi un dos primeiros acordos asinados no Estado nesta materia, e supoñía unha aposta pola autonomía colectiva como camiño axeitado para construír un sistema de relacións laborais adaptado ás peculiaridades e intereses propios da realidade socioeconómica e laboral galega.

A cuarta parte da poboación galega cobra unha pensión

CCOO e UGT dirixen ao Parlamento unha proposta de declaración institucional en defensa do sistema público de pensións

  • O texto destaca a importancia das pensións públicas como «principal instrumento do benestar e a protección social» e lembra que a cuarta parte da poboación galega é xa pensionista
08.10.2019.

O Sindicato Nacional de Comisións Obreiras de Galicia (CCOO) e a Unión Xeral de Traballadores de Galicia (UGT) dirixen ao Parlamento galego unha proposta de declaración institucional en defensa do sistema público de pensións. Tras os contactos mantidos a semana pasada, os sindicatos fixéronlles chegar aos cinco grupos parlamentarios unha proposta de texto para a súa aprobación. Cómpre lembrar que as declaracións institucionais requiren da unanimidade de todos os grupos para saíren adiante.

De esq. a der., Alberto Varela (pte. FEGAMP), Ignacio Cascón (UGT) e Gregorio Bermejo (CCOO)

CCOO e UGT piden que as Administracións «suban ao tren do consenso» para reactivar o ferrocarril galego

  • Ambos os dous sindicatos mantiveron este martes unha reunión co presidente da FEGAMP para pedir a implicación das entidades locais
24.11.2020.

Representantes dos sectores ferroviarios de CCOO e de UGT reuníronse este martes co presidente da Federación Galega de Municipios de Provincias (FEGAMP), Alberto Varela, para tratar o déficit en infraestruturas e servizos de ferrocarril que padece Galicia. Gregorio Bermejo (CCOO) e Ignacio Cascón (UGT) chamaron a definir un modelo ferroviario útil, eficaz e integrado nunha rede de transporte que vertebre o desprazamento de persoas e atenda as necesidades empresariais. É «crucial» para Galicia, máis aínda no momento actual.

O asinamento da Declaración tivo lugar na Cidade da Cultura, en Santiago de Compostela

Acordo para afondar no diálogo social e sentar as bases para saír desta crise

  • Os axentes sociais asinaron co Goberno galego a Declaración para a reactivación económica e social de Galicia
23.09.2020.

O Sindicato Nacional de CCOO de Galicia, UGT, a patronal CEG e a Xunta asinaron este mércores a Declaración para a reactivación económica e social de Galicia. O obxectivo é afondar no diálogo social e sentar as bases para saír da crise provocada pola pandemia da COVID-19.

De esq. a der., Manuel Villares, Ramón Sarmiento e Lois Uxío Taboada

CCOO reúnese coa Plataforma de Galicia en Apoio ao Programa de Goberno Progresista

06.07.2020.

O secretario xeral de CCOO, Ramón Sarmiento, reuniuse esta mañá con Manuel Villares e Lois Uxío Taboada, representantes da Plataforma de Galicia en Apoio ao Programa de Goberno Progresista, que explicaron as reivindicacións que formulan no actual momento social e político.

Fotografía de familia da organización do acto coas persoas homenaxeadas

Entrega dos Premios 10 de Marzo: «Sodes un referente para a mocidade galega»

  • O secretario xeral de CCOO, Ramón Sarmiento, fixo un chamamento á mobilización tanto o 8 coma o 10 de marzo
  • O dirixente sindical apuntou tamén que Galicia se «xoga moito» nas eleccións ao Parlamento de Galicia do vindeiro 5 de abril
07.03.2020.

O Sindicato Nacional de Comisións Obreiras de Galicia (CCOO) e a Fundación 10 de Marzo entregaron este sábado os galardóns cos que cada ano homenaxean tres traxectorias de loita sindical e compromiso social. Este ano, os Premios 10 de Marzo foron para Berta Trigo Culler, Plácido Cal Faraldo e Palmyre Ros Ramos.

CCOO considera que a proposta promovida por ABANCA «non vai cubrir ningunha eiva» do sistema público

CCOO promove o asinamento dun acordo programático en defensa do Sistema Universitario Galego

  • O sindicato considera que a proposta promovida por ABANCA «non vai cubrir ningunha eiva nin complementar a oferta actual» pública
12.02.2020.

O Sindicato Nacional de CCOO de Galicia promove o asinamento dun acordo programático en defensa do Sistema Universitario Galego ao conxunto de forzas políticas, organizacións sindicais e órganos de goberno das tres universidades públicas. Para isto, no día de hoxe vén de remitirlles unha resolución ao PP, PSOE, BNG, EU, Podemos, Anova e En Marea, así como a UGT, CIG e reitores das tres universidades.

Asinados os novos acordos do diálogo social

CCOO asina os acordos do diálogo social para avanzar cara a unha Galicia máis igualitaria e sostible

  • Ramón Sarmiento, secretario xeral de CCOO: «seremos esixentes e contundentes co seguimento do asinado e coa execución do orzamento que acompaña este pacto»
10.12.2019.

O Sindicato Nacional de Comisións Obreiras de Galicia (CCOO) asinou hoxe «Acordos para avanzar cara a unha Galicia máis igualitaria e sostible», froito de dez meses de negociacións no ámbito do diálogo social tripartito coa Xunta de Galicia, a UGT e a patronal galega. O acto formal de asinamento tivo lugar esta mañá no pazo de Raxoi, en Santiago de Compostela.

O Parlamento de Galicia convértese no primeiro do Estado en aprobar unha declaración neste senso

O Parlamento de Galicia aproba unha declaración institucional en defensa do sistema público de pensións promovida por CCOO e UGT

  • A proposta obtivo a adhesión unánime dos cinco grupos parlamentarios, cos que previamente tiveran unha rolda de contactos ambos os dous sindicatos
  • O texto destaca a importancia das pensións públicas como «principal instrumento do benestar e a protección social» e lembra que a cuarta parte da poboación galega é xa pensionista
  • A galega é a primeira Cámara autonómica en aprobar unha declaración deste tipo
09.10.2019.

O Parlamento de Galicia aprobou hoxe unha declaración institucional, promovida por CCOO e UGT, en defensa do sistema público de pensións. A proposta dirixiuse o martes á Cámara autonómica após os contactos mantidos o pasado 2 de outubro entre os sindicatos e os cinco grupos parlamentarios (PP, PSdeG-PSOE, BNG, Grupo Común da Esquerda e Grupo Mixto).

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Igualdade
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros