Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
Un biombo separa as dúas zonas e unha toalla con lixivia serve para desinfectar o calzado | CCOO

A xerenta da área sanitaria Santiago-Barbanza pon en risco a saúde do persoal e da poboación no Hospital Clínico

  • Desde o pasado día 11, a cuarta planta do complexo é, ao mesmo tempo, zona COVID e non COVID, delimitadas ambas cun biombo e unha toalla con lixivia no chan
16.09.2020.

A Federación de Sanidade de CCOO denuncia que a xerenta da área sanitaria Santiago-Barbanza pon en risco a saúde do persoal e do resto da poboación no Hospital Clínico compostelán. Desde o pasado venres, 11 de setembro, a cuarta planta do complexo é, ao mesmo tempo, zona COVID e non COVID, delimitadas ambas por un biombo e unha toalla con lixivia no chan.

#NonMáisMortesNoTraballo

CCOO pídelle á nova conselleira de Emprego que poña o foco sobre a alta sinistralidade en Galicia

  • O Porriño rexistrou en xuño o 30 % dos accidentes laborais mortais da provincia de Pontevedra e o 11 % do total de Galicia
09.09.2020.

O Sindicato Nacional de CCOO de Galicia pídelle á nova conselleira de Emprego, María Jesús Lorenzana, que poña o foco sobre a alta sinistralidade no noso país. O secretario de Saúde Laboral da organización, Roi Fernández, lamenta a última morte rexistrada en Galicia nun accidente de traballo, ocorrida o martes nun polígono do Porriño (Pontevedra).

O orzamento só destina o 0,1% do total a afrontar o contexto da COVID-19

CCOO pide a paralización da licitación do servizo de axuda a domicilio de Santiago de Compostela

  • O sindicato alerta de que o orzamento da licitación non está adaptado ao contexto da COVID-19, o que representa un risco para a saúde das persoas traballadoras e usuarias
02.09.2020.

A Federación de Construción e Servizos de CCOO impugnou os pregos de licitación do servizo de axuda a domicilio (SAD) de Santiago de Compostela. Segundo o sindicato, o orzamento ten un desfasamento de case 200 000 euros anuais, contía que representa ao pé do 7 % do total, debido a varios erros de cómputo. Con todo, o máis grave é que a partida destinada a afrontar o contexto da COVID-19 supón só o 0,1 % do total, «o que representa un risco para a saúde das persoas usuarias e traballadoras».

Conferencia de prensa para anunciar as mobilizacións e a folga

Folga no ensino os días 10 e 16 de setembro para rexeitar o protocolo da Xunta contra a COVID-19

01.09.2020.

Os sindicatos Comisións Obreiras (CCOO), CIG, CSIF e STEG convocan mobilizacións e folga para os días 10 de setembro en educación infantil, primaria e educación especial, e o 16 de setembro no resto de niveis educativos, para rexeitar o protocolo da Xunta de Galicia contra a COVID-19.

CCOO e UGT esíxenlle á Dirección Xeral da Función Pública probas diagnósticas para todo o persoal de atención ao público

20.08.2020.

A Federación de Servizos á Cidadanía de CCOO e a Federación de Servizos Públicos de UGT esixen que se reforce a realización das probas diagnósticas a todo o persoal da Administración con atención directa ao público. Os sindicatos fundamentan a petición no incremento exponencial de contaxios de COVID-19 en Galicia, consonte os datos que diariamente comunican as autoridades sanitarias autonómicas.

Cando coñezamos as cifras de xuño, comprobaremos, por desgraza, que se mantén a tendencia

Non máis mortes no traballo

15.07.2020.ROI FERNÁNDEZ. Secretario de Saúde Laboral de CCOO

A COVID-19 está a ocupar grandes espazos nos medios de comunicación, deixando moitas veces nun segundo plano noticias tamén moi relevantes, como é o caso das mortes no traballo. O Ministerio de Traballo e Economía Social acaba de facer público o avance dos datos de sinistralidade ata o mes de maio, e permítenos constatar que neses cinco meses perderon a vida 288 traballadoras e traballadores, vinte deles en Galicia. Esta mesma semana temos que lamentar unha nova vítima mortal, desta vez na Mariña.

Luz López e José Fuentes na conferencia de prensa desta mañá

CCOO-Ensino esíxelle á Consellaría que constitúa comisións de traballo para garantir a seguridade no vindeiro curso escolar

  • «Non se pode planificar o próximo curso como un setembro calquera, porque estamos nunhas circunstancias especiais», sinala Luz López, secretaria xeral da Federación do Ensino
17.06.2020.

A Federación do Ensino de CCOO de Galicia esíxelle á Consellaría de Educación que constitúa comisións de traballo para garantir a seguridade no vindeiro curso escolar e evitar que sexan os equipos directivos e o resto do persoal educativo os que asuman esta responsabilidade. O sindicato coida que esta tarefa é unha competencia da Administración e así o afirmou publicamente nunha conferencia de prensa este mércores.

Cómpre un aumento de cultura preventiva no tecido produtivo

CCOO alerta sobre a sinistralidade laboral, «síntoma de precariedade laboral»

  • Semana tráxica en Galicia polas mortes en accidentes laborais
10.06.2020.

O Sindicato Nacional de CCOO de Galicia alerta sobre os accidentes laborais mortais e graves na comunidade autónoma, que constitúen un «síntoma da precariedade» do mercado de traballo. O secretario de Saúde Laboral, Roi Fernández, lamenta o «goteo incesante de sinistros» no que vai de ano. De feito, esta mesma semana «temos que lamentar polo menos o falecemento de dous traballadores: un operario do naval en Vigo e un transportista en Lugo».

CCOO insta a valorar o persoal especialmente sensible

CCOO-Ensino denuncia que a Consellaría atrasa sen data a valoración do persoal especialmente sensible á COVID-19

  • O sindicato rexistrou un escrito esixindo a inmediata valoración das solicitudes presentadas polas traballadoras e traballadores
15.09.2020.

A Federación do Ensino de CCOO de Galicia denuncia que a Consellaría de Educación atrasa sine die a valoración do persoal especialmente sensible á COVID-19. O sindicato rexistrou un escrito esixindo a inmediata valoración das solicitudes presentadas polas traballadoras e traballadores, así como a dispensa de acudiren de xeito presencial ao seu posto de traballo mentres non haxa unha resolución.

O orzamento só prevé un 0,1% de gasto para material de protección e hixiene

O Tribunal de Contratación acepta as medidas cautelares de CCOO e suspende a licitación do SAD de Santiago

  • O sindicato alertou de que o orzamento da licitación non está adaptado ao contexto da COVID-19, o que representa un risco para a saúde das persoas traballadoras e usuarias
08.09.2020.

A Federación de Construción e Servizos de CCOO congratúlase da decisión adoptada polo Tribunal Administrativo de Contratación Pública de Galicia. O organismo acepta as medidas cautelares solicitadas por este sindicato e suspende a licitación do servizo de axuda a domicilio (SAD) de Santiago de Compostela. Contra esta decisión non cabe recurso ningún, xa que é firme.

CCOO denuncia que o novo protocolo aínda é insuficiente

A Consellaría de Educación reacciona ante a convocatoria de folga, pero o novo protocolo segue sendo insuficiente

  • Anticipa unha semana a publicación do protocolo de adaptación ao contexto da COVID-19 e introduce cambios sobre o texto aprobado en xullo
02.09.2020.

A Consellaría de Educación reaccionou ante a convocatoria de folga os días 10 e 16 de setembro, datas de comezo do curso escolar nas diferentes etapas educativas. O departamento autonómico anticipou unha semana a publicación do protocolo de adaptación ao contexto da COVID-19 e introduciu cambios sobre o texto aprobado unilateralmente o pasado mes de xullo.

CCOO lembra que o de San Caetano é o maior complexo administrativo galego

CCOO esíxelle a Presidencia «medidas urxentes» ante os casos de COVID detectados nos centros administrativos da Xunta

  • O sindicato pide máis información, reforzar a prevención e prorrogar o teletraballo o tempo preciso para evitar un número elevado de traballadores e traballadoras nas instalacións públicas
27.08.2020.

O sector da Administración autonómica de CCOO de Galicia esíxelle á Consellaría da Presidencia «medidas urxentes» ante a sucesión de casos de COVID-19 detectados nos últimos días nos centros administrativos da Xunta. O sindicato tivo coñecemento —nunca de xeito oficial— de distintos gromos en instalacións públicas, tales como os servizos centrais da Xunta (San Caetano, en Santiago de Compostela), a residencia compostelá de Volta do Castro ou a Xefatura Territorial da Consellaría de Economía, Emprego e Industria da Coruña.

Escola infantil de titularidade autonómica en Vigo | Foto: Google Maps

A Consellaría de Política Social «improvisa» na apertura das escolas infantís, denuncia CCOO

  • O departamento autonómico non previu o reforzamento de recursos materiais e humanos nuns centros que levan pechados desde o mes de marzo
19.08.2020.

A Federación de Servizos á Cidadanía de CCOO de Galicia (FSC-CCOO) non comparte a «falta de previsión» coa que a Consellaría de Política Social ten pensado comezar o curso 2020-2021 nas escolas infantís da súa competencia, adscritas tanto á Axencia de Servizos Sociais como ao Consorcio Galego de Servizos de Igualdade. Desde o sindicato lembran que estes centros están sen atención nin persoas usuarias desde o pasado mes de marzo, cando se viron obrigadas a pechar pola declaración de estado de alarma e a emerxencia sanitaria da COVID-19.

A última vítima era un traballador de Quicelco, no polígono da Granxa (O Porriño)

CCOO lamenta un mes de xuño «fatídico» que «tinguiu de loito» o mercado laboral galego

  • Os principais sindicatos xa solicitaron o xoves a convocatoria do Consello Galego de Seguridade e Saúde no Traballo para analizar a situación
19.06.2020.

O Sindicato Nacional de CCOO de Galicia lamenta un mes de xuño «fatídico» que «tinguiu de loito» o mercado laboral galego. O secretario de Saúde Laboral, Roi Fernández, explica que, no que vai de mes, polo menos seis traballadores e traballadoras perderon a vida nos seus postos de traballo. O último sinistro mortal produciuse onte mesmo nun polígono industrial do Porriño (Pontevedra).

A mellor vía para garantir que se implantan as medidas axeitadas é unha certificación

CCOO esíxelles ás patronais da hostalaría que garantan a seguridade do persoal e da clientela

  • O sindicato sinala que a mellor vía para garantir que nun establecemento se implantan as medidas de prevención axeitadas é mediante unha certificación, que non pode basearse só nunha avaliación inicial
17.06.2020.

A Federación de Servizos de CCOO esíxelles ás patronais de hostalaría de Galicia que garantan a seguridade e saúde dos traballadores e traballadoras e da clientela no actual escenario de emerxencia sanitaria, certificando que no establecemento están implantadas medidas de prevención adecuadas para asegurar que non existen riscos para a saúde.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Igualdade
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros