Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus
A última vítima era un traballador de Quicelco, no polígono da Granxa (O Porriño)

CCOO lamenta un mes de xuño «fatídico» que «tinguiu de loito» o mercado laboral galego

  • Os principais sindicatos xa solicitaron o xoves a convocatoria do Consello Galego de Seguridade e Saúde no Traballo para analizar a situación
19.06.2020.

O Sindicato Nacional de CCOO de Galicia lamenta un mes de xuño «fatídico» que «tinguiu de loito» o mercado laboral galego. O secretario de Saúde Laboral, Roi Fernández, explica que, no que vai de mes, polo menos seis traballadores e traballadoras perderon a vida nos seus postos de traballo. O último sinistro mortal produciuse onte mesmo nun polígono industrial do Porriño (Pontevedra).

A mellor vía para garantir que se implantan as medidas axeitadas é unha certificación

CCOO esíxelles ás patronais da hostalaría que garantan a seguridade do persoal e da clientela

  • O sindicato sinala que a mellor vía para garantir que nun establecemento se implantan as medidas de prevención axeitadas é mediante unha certificación, que non pode basearse só nunha avaliación inicial
17.06.2020.

A Federación de Servizos de CCOO esíxelles ás patronais de hostalaría de Galicia que garantan a seguridade e saúde dos traballadores e traballadoras e da clientela no actual escenario de emerxencia sanitaria, certificando que no establecemento están implantadas medidas de prevención adecuadas para asegurar que non existen riscos para a saúde.

Os sindicatos piden maior control por parte da Inspección para «non perder a vida traballando»

Manifestación do sector naval de Vigo polo falecemento dun operario da industria auxiliar

  • Os sindicatos piden maior control por parte da Inspección de Traballo para «non perder a vida traballando»
09.06.2020.

Centos de traballadores do sector naval de Vigo manifestáronse esta mañá para amosar o seu pesar polo falecemento, o luns, dun operario da industria auxiliar e esixir máis medidas de prevención. O sindicatos CCOO, UGT e CIG, que convocaron a protesta, esixen máis medidas de prevención.

O 38,04% de casos activos de COVID-19 sen entre persoal da sanidade pública

CCOO-Sanidade esíxelle ao Sergas un estudo sobre as causas da alta incidencia da COVID-19 entre o persoal sanitario

  • Case catro de cada dez casos activos de coronavirus están relacionados con traballadoras e traballadores da sanidade pública
25.05.2020.

A Federación de Sanidade de CCOO de Galicia esíxelle ao Sergas un estudo sobre as causas da alta incidencia de COVID-19 entre o persoal da sanidade pública. Ao tempo que os datos de contaxios na poboación xeral amosan unha tendencia decrecente, aumentan cando se trata de traballadores e traballadoras da saúde, alerta o sindicato. «Dous meses e medio despois da declaración do estado de alarma, o Sergas debe explicar por que os profesionais deste ámbito se contaxian a un ritmo maior ca o resto», apuntan desde o sindicato.

Galicia sitúase á cabeza da sinistralidade laboral malia o estado de alarma, denuncia CCOO

Galicia sitúase á cabeza da sinistralidade laboral malia o estado de alarma, denuncia CCOO

  • Malia que a comunidade autónoma ten aproximadamente o 5,3 % da poboación traballadora de todo o Estado, rexistra o 9,72 % dos sinistros laborais con resultado de morte
14.05.2020.

Segundo o avance dos datos de sinistralidade do primeiro trimestre publicados polo Ministerio de Traballo, a tendencia continúa sendo a mesma que denunciaba CCOO o pasado 28 de abril, con motivo do Día Internacional da Seguridade e a Saúde no Traballo.

Educación non distribuirá entre o persoal equipamentos de protección como as máscaras

A Consellaría de Educación abandona o persoal á súa sorte no comezo da desescalada

08.05.2020.

A partir do día 11 de maio restablécese o prazo do procedemento de admisión do alumnado e organizarase a tramitación das axudas e préstamos de libros de texto. Para isto, a Consellaría de Educación decide incrementar a presenza de traballadoras e traballadores nos centros educativos, facendo que coincidan no recinto escolar o persoal docente e non docente da Consellaría coas familias que acudan a formalizar a matrícula e xestionar os préstamos dos libros.

A Inspección de Traballo constata a falta de equipos de protección no CAPD da Coruña e faille un novo requirimento a Política Social

  • A dirección do Centro de Atención a Persoas Dependentes negoulle os EPI necesarios ao seu persoal, denuncia CCOO
28.04.2020.

A raíz da denuncia presentada por CCOO o pasado 14 de abril, a Inspección de Traballo faille un novo requirimento á Consellaría de Política Social pola situación no Centro de Atención a Persoas Dependentes (CAPD) da Coruña. A autoridade laboral considera que a dirección do centro incumpriu a obriga de posta a disposición dos equipos de protección individual (EPI), tal como lle obrigaba o protocolo de avaliación de riscos, deixando desprotexido a maioría do persoal.

#28AbrilStopCOVID19

28 de Abril 2020, Día Internacional da Saúde e a Seguridade no Traballo

  • A epidemia de COVID-19 revela a debilidade da prevención de riscos laborais en España
21.04.2020.

A finais dos anos oitenta do pasado século, os sindicatos estadounidenses elixiron o 28 de Abril como día para honrar a memoria das persoas vítimas de accidentes de traballo ou de enfermidades de orixe laboral. Co paso dos anos, esta data de lembranza estendeuse ao conxunto do movemento sindical internacional.

Luz López e José Fuentes na conferencia de prensa desta mañá

CCOO-Ensino esíxelle á Consellaría que constitúa comisións de traballo para garantir a seguridade no vindeiro curso escolar

  • «Non se pode planificar o próximo curso como un setembro calquera, porque estamos nunhas circunstancias especiais», sinala Luz López, secretaria xeral da Federación do Ensino
17.06.2020.

A Federación do Ensino de CCOO de Galicia esíxelle á Consellaría de Educación que constitúa comisións de traballo para garantir a seguridade no vindeiro curso escolar e evitar que sexan os equipos directivos e o resto do persoal educativo os que asuman esta responsabilidade. O sindicato coida que esta tarefa é unha competencia da Administración e así o afirmou publicamente nunha conferencia de prensa este mércores.

Cómpre un aumento de cultura preventiva no tecido produtivo

CCOO alerta sobre a sinistralidade laboral, «síntoma de precariedade laboral»

  • Semana tráxica en Galicia polas mortes en accidentes laborais
10.06.2020.

O Sindicato Nacional de CCOO de Galicia alerta sobre os accidentes laborais mortais e graves na comunidade autónoma, que constitúen un «síntoma da precariedade» do mercado de traballo. O secretario de Saúde Laboral, Roi Fernández, lamenta o «goteo incesante de sinistros» no que vai de ano. De feito, esta mesma semana «temos que lamentar polo menos o falecemento de dous traballadores: un operario do naval en Vigo e un transportista en Lugo».

CCOO lamenta o accidente ferroviario en que perdeu a vida un maquinista galego

CCOO lamenta o accidente ferroviario en que perdeu a vida un maquinista galego

  • Fillo dun compañeiro ferroviario, Comisións Obreiras transmítelles as súas condolencias a familiares, compañeiros e amizades do falecido
02.06.2020.

O sector Ferroviario de CCOO de Galicia lamenta o accidente rexistrado hoxe á tarde na provincia de Zamora, no que perdeu a vida un maquinista galego, fillo dun profesional do sector. Comisións Obreiras transmítelles as súas condolencias a familiares, compañeiros e amizades, amais de desexar a pronta e completa recuperación do outro maquinista ferido, actualmente en estado grave, así como dos pasaxeiros.

Biblioteca e Arquivo de Galicia, na Cidade da Cultura

CCOO e UGT reprochan que Cultura e Turismo actúa con «irresponsabilidade» na reincorporación do persoal de bibliotecas, arquivos e museos

  • Ambos os dous sindicatos presentarán unha denuncia na Inspección de Traballo polos reiterados incumprimentos desta Consellaría
18.05.2020.

CCOO e UGT presentarán unha denuncia ante a Inspección de Traballo polos reiterados incumprimentos da Consellaría en materia de prevención de riscos, co obxecto de garantir a saúde e seguridade dos traballadores e traballadoras dos arquivos, bibliotecas e museos

Representación dunha molécula de ozono

CCOO advirte de que a desinfección ambiental con ozono non é un procedemento avalado polas autoridades sanitarias

  • O sindicato considera máis eficaz actuar preventivamente polas diferentes vías que poden ocasionar un contaxio de COVID-19
08.05.2020.

O Sindicato Nacional de CCOO de Galicia advirte de que a desinfección ambiental con ozono non é un procedemento avalado polas autoridades sanitarias. Os produtos desinfectantes autorizados e rexistrados en España, con eficacia demostrada fronte a este coronavirus, aparecen nas listaxes publicadas polo Ministerio de Sanidade. Pero non é o caso deste gas, sinalan desde a Secretaría de Saúde Laboral de CCOO e o seu Gabinete de Saúde Laboral.

Roi Fernández, secretario de Saúde Laboral de CCOO

Cómpre un cambio na cultura preventiva

28.04.2020.

Hoxe é o Día Internacional da Seguridade e a Saúde no Traballo. Por desgraza, malia todo o que está a ocorrer por culpa da pandemia do COVID-19, as reivindicacións non distan moito das que levamos facendo hai tempo. A necesidade de cambiar a cultura preventiva xa era evidente ao analizar os datos de sinistralidade dos últimos anos, tanto polo número de accidentes laborais, que amosaban ás claras que algo estaba fallando, como pola falta de solucións para unha situación tan grave como o escaso recoñecemento de enfermidades profesionais.

De esq. a der., Roi Fernández e Ramón Sarmiento

Ramón Sarmiento: «O que máis vos protexe no voso centro de traballo é o voso sindicato»

  • CCOO presentou un informe sobre a sinistralidade laboral en Galicia e as reivindicacións con motivo do Día Internacional da Seguridade no Traballo e do Primeiro de Maio
24.04.2020.

Coa vista posta no 28 de abril, Día Internacional da Seguridade e a Saúde no Traballo, o Sindicato Nacional de Comisións Obreiras de Galicia presentou esta mañá un informe coa análise da sinistralidade do ano precedente. Segundo o secretario de Saúde Laboral do sindicato, Roi Fernández, «a realidade que nos toca vivir dános a razón: é necesario investir en prevención de riscos». Canda el compareceu o secretario xeral, Ramón Sarmiento, quen, amais de insistir na importancia da prevención, expuxo as principais reivindicacións con motivo do Primeiro de Maio, Día Internacional do Traballo.

Buscar noticias anteriores

Buscar noticias anteriores

Data: