Sindicato Nacional de CCOO de Galicia

Sindicato Nacional de CCOO de Galicia
Afíliate a Comisións Obreiras
Novidades Seguridade Social 2019

Novidades en materia de Seguridade Social do 2019

  • Salario mínimo, bases de cotización e pensións mínimas
  • Prestacións de desemprego, familiares e asistenciais
10.01.2019.

Xuntamos a esta nota informativa dous documentos resumindo as principais novidades en materia de Seguridade Social para 2019, recollidas no Real decreto lei 28/2018, de 28 de decembro.

CCOO lamenta que o decreto que desenvolve a lei teña catro anos de atraso

CCOO pídelle á Xunta modificar a Lei de inclusión e a RISGA, e reprocha que se está a vulnerar o disposto no texto legal

  • O sindicato, que no seu día asinou o pacto do que xorde a norma, defende cambiala para que cumpra os obxectivos cos que foi deseñada
11.12.2018.

O Sindicato Nacional de Comisións Obreiras (CCOO) pídelle á Xunta modificar a Lei de inclusión de Galicia para que cumpra os obxectivos cos que foi deseñada. Así mesmo, pide cambios na renda de inserción social (RISGA) para aumentar o número de persoas que poidan percibir esta prestación. Así o fixo constar CCOO na xuntanza deste martes do Consello Galego de Benestar Social.

O sindicato chama a atención sobre a «especial vulnerabilidade» no mercado laboral

CCOO esixe emprego digno para todas as persoas, sexan cales foren as súas capacidades

  • O sindicato chama a atención sobre a «especial vulnerabilidade» dos traballadores e traballadoras con discapacidade no mercado laboral
03.12.2018.

No Día Internacional das Persoas con Discapacidade, que se conmemora este luns, 3 de decembro, CCOO reclama emprego digno para todas as persoas, independentemente das súas capacidades. Ao tempo, chama a atención sobre a «especial vulnerabilidade» das traballadoras e traballadores con discapacidade no mercado laboral, que teñen maiores dificultades para atopar emprego e sofren en maior medida a precariedade. No caso das mulleres con discapacidade, a esta precariedade súmase a discriminación por razón de xénero.

O índice de pobreza en Galicia é do 18,7 %

CCOO reivindica máis gasto social e traballo decente para erradicar a pobreza

  • O sindicato pide aumentar os recursos para a RISGA, pois só 10.000 persoas se benefician dela malia que en 33.900 fogares galegos non entra ingreso ningún
17.10.2018.

Ante o Día Internacional para a Erradicación da Pobreza, que se conmemora mañá, CCOO reivindica máis gasto social e traballo decente para erradicar a pobreza. Despois de máis de dez anos de políticas antisociais, a poboación en risco de pobreza continúa en niveis elevados e sen visos de descender ás cifras acordadas por España no marco da Estratexia Europa 2020.

Na folla informativa de CCOO explícanse os requisitos necesarios

Incremento da pensión de viuvez do 52% ata o 60% da base reguladora

06.09.2018.

A Secretaría de Emprego e Previsión Social de CCOO edita unha folla informativa sobre o incremento da pensión de viuvez do 52% ata o 60% da base reguladora. Trátase dunha mellora aprobada na Reforma de pensións de 2011, a última reforma negociada no marco do Pacto de Toledo cuxa entrada en vigor levaba suspendida máis de seis anos.

Publicado o real decreto que regula o incremento da base reguladora

O incremento das pensións de viuvez ata o 60 % da base reguladora podería beneficiar a 35.000 galegos e galegas

  • As melloras nas contías aplicaranse de oficio a quen sexan pensionistas de viuvez o 1 de agosto e cumpran os requisitos; quen acceda á prestación posteriormente, deberá solicitalo
27.07.2018.

A Lei de orzamentos xerais do Estado para o 2018 incorporou un incremento das porcentaxes da base reguladora coas que se calculan as pensións de viuvez. A decisión emana do último grande acordo de pensións asinado no marco do diálogo social, coa participación de CCOO, pero a súa entrada en vigor fora suspendida polo Goberno. Esta semana, o Boletín Oficial do Estado (BOE) publicou o real decreto que desenvolve esta medida, que beneficiará unhas 500.000 persoas en toda España e unhas 35.000 en Galicia, segundo estimacións de CCOO.

CCOO denuncia que a Xunta non ten interese nas políticas sociais

CCOO critica o desinterese da Xunta nas políticas sociais e esixe unha reunión do Consello Galego de Benestar

  • O sindicato denuncia que o Goberno galego marxina o Consello e pide a creación da Mesa Galega de Servizos Sociais
24.05.2018.

O Sindicato Nacional de Comisións Obreiras de Galicia (CCOO) critica o desinterese da Xunta no relacionado coas políticas sociais e esixe a reunión do Consello Galego de Benestar Social. A petición de CCOO vén motivada polas últimas informacións en relación con esta área, como as referidas á listaxe de espera para a valoración da discapacidade ou a renda de integración social (RISGA).

Maica Bouza (esq.) e Silvia Parga (der.), na presentación do estudo

CCOO critica que o 17,64 % das persoas dependentes non reciban a súa prestación e pide mellorar o financiamento

  • O sindicato censura que o Estado reducise nos últimos anos a súa achega ao sistema de atención á dependencia (SAAD): en vez de sufragar a metade, como marca a lei, só cobre a cuarta parte
09.04.2018.

​O 17,64 % das persoas dependentes non recibiron en 2017 a prestación a que tiñan dereito. É un dos datos máis salientables do estudo que o Sindicato Nacional de CCOO de Galicia presentou esta mañá en conferencia de prensa. A secretaria de Emprego e Previsión Social, Maica Bouza Seoane, e a economista do sindicato Silvia Parga Rodríguez, debullaron a exhaustiva análise elaborada por Comisións.

De esquerda a dereita, Carlos Mella, Ramón Sarmiento e Julián Gutiérrez

CCOO propón melloras para o sistema de pensións e a rede de atención ás persoas maiores

  • As prestacións en Galicia sitúanse entre as máis baixas do Estado, ao tempo que a comunidade autónoma ten unha das peores 'ratios' de prazas en residencias da terceira idade
18.12.2018.

Comisións Obreiras (CCOO) presentou hoxe as principais conclusións do 'Observatorio social de las personas mayores 2018', elaborado pola Federación estatal de Pensionistas e Xubilados do sindicato. Tamén propuxo melloras tanto para o sistema público de pensións, como para toda a rede de atención ás persoas maiores, con especial énfase nas prazas en residencias da terceira idade.

A Axencia Tributaria habilitou un espazo específico para realizar o trámite en liña

O Ministerio de Facenda fai público o procedemento para regularizar o IRPF das prestacións de maternidade e paternidade

04.12.2018.

O Ministerio de Facenda fixo público esta semana o procedemento para regularizar o IRPF das prestacións de maternidade e paternidade, co obxectivo de cumprir co ditaminado na sentenza do Tribunal Supremo do pasado 3 de outubro.

CCOO presentou propostas para mellorar o servizo de axuda a domicilio en Ourense

CCOO preséntalle á oposicion do Concello de Ourense as súas achegas para mellorar o servizo de axuda a domicilio

28.11.2018.

Comisións Obreiras (CCOO) presentoulles aos grupos da oposición no Concello de Ourense as súas propostas para mellorar tanto o próximo prego de condicións do servizo de axuda a domicilio como o servizo en si. O sindicato agradece a boa acollida que tiveron as súas achegas, pero lamenta que o grupo de goberno se negase a recibir os seus representantes.

CCOO coida pouco ambiciosos os orzamentos da Xunta | Foto: pixabay.com

CCOO coida «pouco ambiciosos» os orzamentos que proxecta a Xunta de Galicia

  • A secretaria de Emprego e Previsión Social do sindicato afirma que a proposta do Goberno galego sitúa o noso país lonxe das cifras do 2009, malia que o PIB medrou
11.10.2018.

Comisións Obreiras (CCOO) coida «pouco ambiciosos» os orzamentos que proxecta a Xunta para o ano 2019, presentados polo conselleiro de Facenda, Valeriano Martínez, aos voceiros dos principais sindicatos. Tendo en conta as cifras, CCOO lamenta que a proposta da Administración autonómica sitúe a Galicia lonxe do nivel orzamentario do ano 2009, malia que o PIB galego medrou desde aquela. As principais críticas céntranse en catro aspectos: emprego público, políticas sociais, políticas de emprego e fiscalidade.

Portada da publicación

A contía media das pensións galegas é 11 % inferior á estatal e catro de cada dez están por baixo da pensión mínima

  • Segundo datos do 2016, máis de trescentos mil galegos e galegas tiveron que vivir con pouco máis de 700 euros mensuais polo exiguo das súas prestacións
30.07.2018.

A contía media das pensións galegas, 12.273 euros, é un 11 % inferior á media estatal. Ademais, catro de cada dez están por baixo da pensión mínima. Isto significa que, segundo datos do 2016, 310.793 persoas que tiveron que vivir con pouco máis de 700 euros ao mes, concretamente 8449 euros anuais. Estes son algúns dos principais datos que destaca a Secretaría de Emprego de CCOO de Galicia no estudo 'As pensións galegas segundo as fontes tributarias'.

Aplicación da sentenza do Tribunal Constitucional no subsidio para maiores de 55 anos

Aplicación da sentenza do Tribunal Constitucional no subsidio para maiores de 55 anos

27.07.2018.

A sentenza do Tribunal Constitucional (STC) 61/2018, do 7 de xuño, declara inconstitucional a modificación dos requisitos de carencia de rendas para o acceso ao subsidio de desemprego de maiores de 55 anos, considerando as rendas familiares.

O sindicato remitiulle ao conselleiro Rey Varela unha copia do traballo presentado o pasado luns

CCOO insta a Xunta a abordar as «eivas» no sistema de atención á dependencia

  • O sindicato fíxolle chegar ao conselleiro de Política Social unha copia do estudo presentado o pasado luns, no que Comisións analiza a situación do SAAD en Galicia
12.04.2018.

O Sindicato Nacional de CCOO de Galicia solicítalle á Xunta a constitución dunha comisión de seguimento da lei de dependencia ou, se non, a convocatoria do Consello Galego de Benestar Social para tratar esta cuestión. O sindicato presentou o pasado luns un estudo en que constata «eivas» no sistema de atención á dependencia en Galicia, boa parte delas motivadas por un financiamento «insuficiente».

Buscar noticias anteriores

Buscar noticias anteriores

Data: