Sindicato Nacional de CCOO de Galicia
venres 27 de novembro de 2020
- O sindicato achegoulle o estudo que analiza a situación do sector da atención á dependencia en Galicia, no que se detallan as carencias de persoal, recursos e condicións de traballo
Comisións Obreiras (CCOO) dirixiuse ás patronais das residencias de maiores privadas, Agarte e Acolle, para expoñer a necesidade dun marco de diálogo social tripartito que permita mellorar as condicións laborais das case 15.000 persoas que traballan no sector. O sindicato apoiou a súa petición no estudo presentado esta mesma semana, 'O sistema de atención á dependencia en Galicia: prestacións e emprego', do que lles achegou copia ás propias asociacións empresariais para facelas partícipes das conclusións.
Subsidio especial por desemprego (novembro 2020)
- Poderase solicitar entre os días 6 e 30 deste mes de novembro
Resumo das condicións do subsidio especial por desemprego de tres meses de duración e 430,27 euros de contía, que poderán solicitar as persoas que esgotasen a cobertura por desemprego entre o 14 de marzo de 2020 e o 30 de xuño de 2020, ambos inclusive. Poderá solicitarse entre os días 6 e 30 de novembro de 2020.
CCOO pide centralizar en Sanidade a coordinación sociosanitaria da atención ás persoas dependentes
- O obxectivo é garantir unha prestación universal dos servizos para que todo o mundo poida acceder ao mesmo nivel de atención
O Sindicato Nacional de CCOO de Galicia pide integrar na Consellaría de Sanidade a coordinación sociosanitaria da atención ás persoas dependentes. Segundo a organización sindical, a crise da COVID-19 puxo de manifesto «as limitacións e falta de medios» en moitas áreas, pero especialmente na sanitaria e no ámbito da dependencia. «Quen sufriu as peores consecuencias da crise foron as persoas máis vulnerables», insiste o sindicato, que avoga por «abordar de maneira efectiva» o modelo de coordinación sociosanitaria previsto na Lei de dependencia, «e que chega xa con máis dunha década de atraso».
A Consellaría de Política Social «improvisa» na apertura das escolas infantís, denuncia CCOO
- O departamento autonómico non previu o reforzamento de recursos materiais e humanos nuns centros que levan pechados desde o mes de marzo
A Federación de Servizos á Cidadanía de CCOO de Galicia (FSC-CCOO) non comparte a «falta de previsión» coa que a Consellaría de Política Social ten pensado comezar o curso 2020-2021 nas escolas infantís da súa competencia, adscritas tanto á Axencia de Servizos Sociais como ao Consorcio Galego de Servizos de Igualdade. Desde o sindicato lembran que estes centros están sen atención nin persoas usuarias desde o pasado mes de marzo, cando se viron obrigadas a pechar pola declaración de estado de alarma e a emerxencia sanitaria da COVID-19.
O pasado venres, 12 de xuño, publicáronse no DOG as ordes relativas ás bases das axudas a través do Bono Coidado extraordinario, con dúas liñas e procedementos diferentes: un destinado ao coidado de menores de 12 anos e outro para persoas dependentes.
Guía explicativa do ingreso mínimo vital (IMV)
A Secretaría de Emprego e Previsión Social de CCOO edita esta breve guía explicativa do ingreso mínimo vital (IMV), recentemente aprobado.
CCOO congratúlase pola entrada en vigor da renda mínima
- O sindicato pídelle á Xunta que destine o orzamento da Risga a complementar as prestacións de inferior contía
O Sindicato Nacional de CCOO de Galicia congratúlase pola entrada en vigor do ingreso mínimo vital, unha reivindicación histórica do movemento sindical que reforza o estado do benestar. Esta renda mínima, ademais de completar un baleiro de cobertura na rede estatal de protección social, era imprescindible xa desde o inicio da crise provocada pola COVID-19.
CCOO pídelle á Xunta un plan para a recuperación social e económica de Galicia
- O sindicato coida necesario abrir un «proceso extraordinario de concertación» coas organizacións sindicais máis representativas, a patronal e os partidos con representación no Parlamento
O Sindicato Nacional de Comisións Obreiras de Galicia pídelle á Xunta un plan para a recuperación social e económica do país. Unha representación de CCOO reuniuse esta mañá por videoconferencia con Alberto Núñez Feijóo para propoñerlle varias medidas con esta finalidade. Na xuntanza co presidente participaron o secretario xeral do sindicato, Ramón Sarmiento, a coordinadora da Área Pública, Emilia Lamas, o secretario xeral da Federación de Industria, Víctor Ledo, e a secretaria xeral da Federación de Servizos, Lucía Trenor.
CCOO demanda un plan de choque para reforzar o sistema de atención á dependencia en Galicia
- O sindicato coida necesario abrir un marco de diálogo social tripartito co obxectivo de debater as medidas que se han adoptar para mellorar o sistema, especialmente polo impacto da covid-19
O Sindicato Nacional de CCOO de Galicia demanda un plan de choque «con recursos abondos» para restituír a calidade e suficiencia das prestacións do sistema de atención á dependencia (SAAD) e mellorar as condicións laborais dun sector que emprega a case 40 000 persoas na comunidade autónoma. Así o expresaron esta mañá en Santiago de Compostela portavoces do sindicato na presentación do estudo 'O sistema de atención á dependencia en Galicia: prestacións e emprego'.
- Solicitan tamén medidas para protexer as persoas maiores da COVID-19
Co gallo do Día Internacional das Persoas de Idade, que se celebra o 1 de outubro, as federacións de pensionistas e xubilados de CCOO e UGT piden incrementar o gasto sanitario, reforzar a atención á dependencia e revalorizar as pensións. Os sindicatos salientan tamén o impacto da pandemia, que segundo os datos oficiais provocou a morte de polo menos 20.000 persoas maiores no Estado español.
A Federación de Pensionistas e Xubilados de CCOO alerta sobre a situación das residencias de maiores
- A pandemia puxo de manifesto as «graves deficiencias» do actual sistema de atención á dependencia, especialmente no caso das residencias
A Federación de Pensionistas e Xubilados de CCOO de Galicia (FPX-CCOO) alerta sobre a situación das residencias de maiores. Segundo o seu secretario xeral, Carlos Mella, a COVID-19 puxo de manifesto as «graves deficiencias» do actual sistema de atención á dependencia, de xeito especial nestes centros, que concentran sete de cada dez mortes polo novo coronavirus.
O persoal de Política Social entrega sinaturas na Xunta
O persoal dos centros residenciais que dependen da Consellaría de Política Social protagoniza o xoves, día 9, a súa sétima semana de mobilizacións. Cadrando coa xornada reivindicativa polos seus dereitos laborais, entregarán no Rexistro xeral da Xunta de Galicia as sinaturas de apoio que recolleron.
A Xunta de Galicia incorpora as propostas de CCOO ás medidas de conciliación
O Goberno galego recolle a proposta de CCOO de compensar con 500 euros mensuais a perda de salario das traballadoras e traballadores que se acolleron a reducións de xornada ou excedencias pola crise sanitaria
CCOO emenda o paquete de medidas extraordinarias de conciliación presentado pola Xunta de Galicia
- O sindicato insta o Goberno galego a compensar as reducións de salario das traballadoras e traballadores que se acolleron a excedencias ou reducións de xornada pola crise sanitaria
O Sindicato Nacional de CCOO de Galicia emenda o paquete de medidas extraordinarias de conciliación presentado o mércores pola Xunta de Galicia aos axentes sociais mediante videoconferencia.
CCOO esixe un plan de inspección para as residencias de maiores e de persoas con discapacidade
- O sindicato trasladoulles ás Consellarías de Sanidade e Política Social un documento con achegas ao proxecto da Xunta de Galicia
Comisións Obreiras (CCOO) esixe un plan de inspección e comprobación dos plans de continxencia das residencias de maiores e de persoas con discapacidade, previo á reactivación dos centros prevista pola Xunta de Galicia. Isto deberase facer de acordo coa representación legal dos traballadores e das traballadoras, aclara o sindicato, que xa lles trasladou ás Consellarías de Sanidade e Política Social as súas achegas ao proxecto do Goberno autonómico, un documento que en termos xerais é «correcto», pero deixa sen concretar diversos aspectos que Comisións considera «fundamentais».
.png)
- CCOO lamenta o falecemento do compañeiro Serafín Rodal
- O Concello de Ourense asume a «folla de ruta reivindicativa» da sección sindical de CCOO
- Concentracións de apoio ao Sáhara nas sete cidades galegas
- CCOO e UGT piden que as Administracións «suban ao tren do consenso» para reactivar o ferrocarril galego
- 25N: Mobilizacións unitarias do feminismo galego
- 13.11.2020, 14:41. CCOO esíxelle á Xunta de Galicia o reforzamento dos servizos públicos nos orzamentos do 2021
- 22.06.2020, 9:29. Comisión Executiva e datos de contacto da Unión Intercomarcal de CCOO de Santiago-Barbanza (2020)
- 30.01.2020, 9:53. Comisión Executiva e datos de contacto da Unión Intercomarcal de CCOO de Ourense-Valdeorras (2020)
- 30.01.2020, 9:50. Comisión Executiva e datos de contacto da Unión Comarcal de CCOO de Lugo (2018)
- 29.01.2020, 9:00. Comisión Executiva, datos de contacto e web da Federación de Servizos (2020)
No cookies founds
X
Esta web utiliza cookies propias y de terceros para optimizar su navegación. Si continúa navegando está dando su consentimiento para su aceptación y nuestra politica de cookies, haga click aqui para más información y ver cómo desactivarlas.