Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!

CCOO esíxelle ao Concello de Santiago a adopción de medidas inmediatas para axudar as pemes

  • O sindicato insta os 39 concellos das comarcas de Santiago e Barbanza a acordar medidas para o emprego na hostalaría e no comercio dos seus respectivos ámbitos territoriais
27.11.2020.

A Federación de Servizos de CCOO de Galicia, que engloba os sectores de hostalaría e comercio, especialmente afectados pola pandemia, e a Unión Intercomarcal de CCOO de Santiago-Barbanza, esíxenlle ao Cocnello de Santiago a adopción de medidas inmediatas para axudar as pemes. A proposta sindical realízase sen prexuízo do diálogo establecido no Consello Económico e Social e no Plan Compostela Móvese Covid-19.

Hai axudas específicas para sectores cuxa actividade estivese especialmente paralizada

Axudas para o emprego autónomo, pemes, micropemes e hostalaría

27.11.2020.

Recollemos nesta nota informativa tanto as axudas do plan de rescate para as persoas traballadoras autónomas, como as recentemente publicadas axudas para as persoas autónomas con persoal a cargo, para as pemes e micropemes, así como para a hostalaría. Para facilitar a comprensión, xúntase tamén un cadro resumo das axudas, todas elas compatibles entre si.

Membros da sección sindical de CCOO no Concello de Ourense

O Concello de Ourense asume a «folla de ruta reivindicativa» da sección sindical de CCOO

26.11.2020.

Comisións Obreiras (CCOO) congratúlase de que o Concello de Ourense asumise, case integramente, a «folla de ruta reivindicativa» proposta pola sección sindical desta organización. Deste xeito, cuestións como a carreira profesional, a cita previa ou os plans de estabilización de emprego formarán parte do calendario de negociación colectiva do Goberno local.

De esq. a der., Alberto Varela (pte. FEGAMP), Ignacio Cascón (UGT) e Gregorio Bermejo (CCOO)

CCOO e UGT piden que as Administracións «suban ao tren do consenso» para reactivar o ferrocarril galego

  • Ambos os dous sindicatos mantiveron este martes unha reunión co presidente da FEGAMP para pedir a implicación das entidades locais
24.11.2020.

Representantes dos sectores ferroviarios de CCOO e de UGT reuníronse este martes co presidente da Federación Galega de Municipios de Provincias (FEGAMP), Alberto Varela, para tratar o déficit en infraestruturas e servizos de ferrocarril que padece Galicia. Gregorio Bermejo (CCOO) e Ignacio Cascón (UGT) chamaron a definir un modelo ferroviario útil, eficaz e integrado nunha rede de transporte que vertebre o desprazamento de persoas e atenda as necesidades empresariais. É «crucial» para Galicia, máis aínda no momento actual.

CCOO-Servizos insta a acordar en diálogo social medidas para o emprego na hostalaría e no comercio

CCOO-Servizos insta a acordar en diálogo social medidas para o emprego na hostalaría e no comercio

  • O sindicato considera que estas axudas deben estar equilibradas, é dicir, que existan axudas directas tanto para empresas como para os sectores e as persoas traballadoras.
24.11.2020.

A Federación de Servizos de CCOO de Galicia, que engloba os sectores de hostalaría e comercio, especialmente afectados pola pandemia, propón que todas as Administracións poñan en marcha medidas para soster o emprego e o tecido produtivo, e reclámalle tamén ao Goberno de España melloras na coordinación.

#25NViolenciaS

25 de Novembro de 2020. Un contexto de especial dificultade

23.11.2020.Gabinete de Igualdade de CCOO

Chegamos ao 25 de novembro nun contexto de especial dificultade para toda a sociedade, pero especialmente para as vítimas de violencia de xénero, que non pode parar as nosas reivindicacións. O estado de alarma dificultou o seu acceso á protección, mantívoas pechadas nas casas cos seus agresores. Agora, a ameaza da crise económica preséntase con posibles consecuencias na súa inserción laboral e a empregabilidade.

Este ano produciuse un accidente mortal e outro grave no saneamento veterinario

Sinistralidade laboral en tempos de pandemia

20.11.2020.ROI FERNÁNDEZ, secretario de Saúde Laboral de CCOO de Galicia

A crise sanitaria está a repercutir en todos os estamentos sociais e, como cabía esperar, tamén no mundo do traballo. Isto impídenos facer unha análise obxectiva dos datos de sinistralidade: é imposible comparar 2020 cos anos anteriores.

25 de Novembro de 2020. Día Internacional para a Eliminación da Violencia contra as Mulleres

25 de Novembro de 2020. Día Internacional para a Eliminación da Violencia contra as Mulleres

  • CCOO E UGT INSTAN A ERRADICAR AS VIOLENCIAS MACHISTAS e reclámanlle ao Goberno a ratificación dos Convenios 189 e 190 da OIT
19.11.2020.

As confederacións sindicais de Comisións Obreiras (CCOO) e da Unión Xeral de Traballadores (UGT) queremos facer un chamamento este 25 de Novembro de 2020, Día Internacional para a Eliminación da Violencia contra as Mulleres, ao conxunto de traballadoras e traballadores e a toda a cidadanía en xeral, para que se sumen á denuncia e repulsa de todos os actos de violencia machista, dos máis graves e dramáticos e daqueloutros que permanecen invisibles pero igualmente danan a saúde, a liberdade, a seguridade, a autonomía e a dignidade de todas as mulleres.

CCOO denuncia no Parlamento o «maltrato» que representa para Galicia o «abandono industrial» na comarca de Ferrol

  • Ramón Sarmiento reivindica na Cámara autonómica o dique cuberto para que a construción naval ferrolá se desenvolva en «condicións óptimas» de eficiencia
27.11.2020.

Comisións Obreiras (CCOO) denunciou o xoves no Parlamento de Galicia o «maltrato» que representa para o país o «abandono industrial» que padece a comarca de Ferrol, exemplificado na situación no peche das centrais térmicas de Meirama (Cerceda) e das Pontes. Na súa intervención ante a comisión especial para a reconstrución económica, o secretario xeral de CCOO, Ramón Sarmiento, chamou a reflexionar sobre se «nos imos limitar a "consumir" a transición ecolóxica» ou, pola contra, se aposta en actividades perdurables que xeren emprego.

Serafín Rodal, nunha manifestación en Vigo

CCOO lamenta o falecemento do compañeiro Serafín Rodal

26.11.2020.

O Sindicato Nacional de CCOO de Galicia lamenta o falecemento do compañeiro Serafín Rodal Araújo (Vigo, 1961) con só 59 anos. Afiliado ás Comisións Obreiras desde moi novo, desenvolveu toda a súa vida laboral en Campsa Red.

Na fotografía, concentración a pasada semana en Santiago de Compostela

Concentracións de apoio ao Sáhara nas sete cidades galegas

26.11.2020.

Ante a persistencia das agresións de Marrocos contra o Sáhara, e dada a pasividade da comunidade internacional, particularmente do Goberno español, Solidariedade Galega co Pobo Saharauí (SOGAPS) convoca para hoxe novas accións de solidariedade. Deste xeito, este xoves haberá concentracións nas sete cidades galegas, todas elas ás 19:30 horas.

Mobilizacións convocadas para o mércores

25N: Mobilizacións unitarias do feminismo galego

24.11.2020.

O movemento feminista galego, do que forma parte CCOO, convoca mobilizacións en diferentes localidades galegas na tarde do 25 de novembro.

Os sindicatos reprochan a falta de vontade negociadora da patronal

CCOO, UGT e CIG instan a patronal do metal de Pontevedra a se afastar de posición «rancias e obsoletas»

23.11.2020.

Despois de nove xuntanzas da mesa negociadora do convenio provincial do metal de Pontevedra, CCOO, UGT e CIG repróchanlle á patronal a «nula vontade» para conseguir un acordo. Os sindicatos lembran que fixeron un «esforzo común» ao consensuar as propostas e así desbloquear a negociación para conseguir un convenio que volva ser «referente» no sector.

Unha soa empresa privada, DomusVi, xestiona tantas residencias de maiores como a Xunta de Galicia

CCOO diríxese ás patronais das residencias para mellorar as condicións das case 15.000 persoas que traballan no sector

  • O sindicato achegoulle o estudo que analiza a situación do sector da atención á dependencia en Galicia, no que se detallan as carencias de persoal, recursos e condicións de traballo
20.11.2020.

Comisións Obreiras (CCOO) dirixiuse ás patronais das residencias de maiores privadas, Agarte e Acolle, para expoñer a necesidade dun marco de diálogo social tripartito que permita mellorar as condicións laborais das case 15.000 persoas que traballan no sector. O sindicato apoiou a súa petición no estudo presentado esta mesma semana, 'O sistema de atención á dependencia en Galicia: prestacións e emprego', do que lles achegou copia ás propias asociacións empresariais para facelas partícipes das conclusións.

Ramón Sarmiento, xunto a Carlos Pardo e Laura Cereijo, da Unión Santiago-Barbanza de CCOO

CCOO mobilizouse en apoio ao pobo saharauí

20.11.2020.

Unha representación do Sindicato Nacional de CCOO de Galicia participou na concentración convocada en Santiago de Compostela para amosar a solidariedade co pobo saharauí ante as agresións de Marrocos.

Buscar noticias anteriores

Buscar noticias anteriores

Data: