Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO

domingo 10 de xuño de 2018

CCOO estivo presente na manifestación contra a mina de Touro-O Pino

Comisións Obrieras (CCOO) estivo presente na multitudinaria manifestación que este domingo rexeitou a reapertura da mina que Cobre San Rafael ten entre os concellos de Touro e O Pino.

Militantes de Comisións Obreiras na manifestación deste domingo

Militantes de Comisións Obreiras na manifestación deste domingo

O plan mineiro conta coa oposición dos sindicatos maioritarios da comarca, que meses atrás fixeron público un pronunciamento unitario contra este proxecto de megaminaría a ceo aberto que ocasionará un serio prexuízo ás actividades agrícolas, gandeiras e forestais.

Desde a Unión Intercomarcal Santiago-Barbanza de CCOO lembran que a mina vai afectar a case 500 hectáreas de terreos agrícolas e forestais que son a base produtiva de moitas explotacións agrarias dos núcleos máis próximos á explotación. Xunta as catro cortas existentes, vanse escavar seis novas que darán lugar a outras tantas zonas mineiras, coa eliminación definitiva do uso destes solos para as actuais e futuras actividades agrogandeiras ou forestais.

CCOO reitera o seu apoio á Plataforma veciñal «Mina Touro-O Pino, non», compartindo a esixencia á Xunta de Galicia de rexeitar o proxecto, a solicitude ao Goberno galego para que denegue a reapertura, e a demandar da Xunta de Galicia que obrigue o titular da concesión a restaurar os solos e augas, subterráneas e superficiais, contaminadas pola anterior actividade mineira.

CCOO estivo presente na manifestación contra a mina de Touro-O Pino

domingo 10 de xuño de 2018

Ligazóns de interese relacionadas

http://www.ccoo.gal/webgalicia/O_teu_sindicato:Unions_Territoriais:Santiago_Barbanza:Actualidade:1030959--Os_sindicatos_maioritarios_da_comarca_de_Compostela_rexeitan_a_reapertura_da_mina_de_Touro-O_P

Áreas temáticas relacionadas

O teu sindicato - Unións Territoriais - Santiago Barbanza - Actualidade
Áreas - Saúde Laboral - Medio Ambiente

  • Zona de afiliados
  • Afiliate a CCOO
  • Lista de locais do SN de CCOO
  • Gabinetes de saúde laboral
  • Fixemos, facemos, faremos historia
  • Resumo de prensa
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia