Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!

FORMULARIO EN LIÑA. Contacta con CCOO

01.08.2020.

Podes contactar co Sindicato Nacional de CCOO de Galicia mediante o noso formulario en liña.

Na fotografía, concentración a pasada semana en Santiago de Compostela

Concentracións de apoio ao Sáhara nas sete cidades galegas

26.11.2020.

Ante a persistencia das agresións de Marrocos contra o Sáhara, e dada a pasividade da comunidade internacional, particularmente do Goberno español, Solidariedade Galega co Pobo Saharauí (SOGAPS) convoca para hoxe novas accións de solidariedade. Deste xeito, este xoves haberá concentracións nas sete cidades galegas, todas elas ás 19:30 horas.

Este ano produciuse un accidente mortal e outro grave no saneamento veterinario

Sinistralidade laboral en tempos de pandemia

20.11.2020.ROI FERNÁNDEZ, secretario de Saúde Laboral de CCOO de Galicia

A crise sanitaria está a repercutir en todos os estamentos sociais e, como cabía esperar, tamén no mundo do traballo. Isto impídenos facer unha análise obxectiva dos datos de sinistralidade: é imposible comparar 2020 cos anos anteriores.

Os sindicatos reprochan a falta de vontade negociadora da patronal

CCOO, UGT e CIG instan a patronal do metal de Pontevedra a se afastar de posición «rancias e obsoletas»

23.11.2020.

Despois de nove xuntanzas da mesa negociadora do convenio provincial do metal de Pontevedra, CCOO, UGT e CIG repróchanlle á patronal a «nula vontade» para conseguir un acordo. Os sindicatos lembran que fixeron un «esforzo común» ao consensuar as propostas e así desbloquear a negociación para conseguir un convenio que volva ser «referente» no sector.

Plan de rescate para persoas traballadoras autónomas

19.11.2020.
Hai axudas específicas para sectores cuxa actividade estivese especialmente paralizada

Poden solicitar esta axuda as persoas autónomas dadas de alta no RETA ou réxime especial do mar como persoas autónomas por conta propia con domicilio fiscal en Galicia. As persoas autónomas encadradas nun sector cunha actividade que estivera especial­mente paralizada poderán acceder a unha axuda específica.

CCOO mobilizouse en apoio ao pobo saharauí

20.11.2020.
Ramón Sarmiento, xunto a Carlos Pardo e Laura Cereijo, da Unión Santiago-Barbanza de CCOO

Unha representación do Sindicato Nacional de CCOO de Galicia participou na concentración convocada en Santiago de Compostela para amosar a solidariedade co pobo saharauí ante as agresións de Marrocos.

CCOO demanda un plan de choque para reforzar o sistema de atención á dependencia en Galicia

  • O sindicato coida necesario abrir un marco de diálogo social tripartito co obxectivo de debater as medidas que se han adoptar para mellorar o sistema, especialmente polo impacto da covid-19
17.11.2020.
De esq. a der., Carmen Villar, Maica Bouza e Alfonso García, na presentación deste estudo

O Sindicato Nacional de CCOO de Galicia demanda un plan de choque «con recursos abondos» para restituír a calidade e suficiencia das prestacións do sistema de atención á dependencia (SAAD) e mellorar as condicións laborais dun sector que emprega a case 40 000 persoas na comunidade autónoma. Así o expresaron esta mañá en Santiago de Compostela portavoces do sindicato na presentación do estudo 'O sistema de atención á dependencia en Galicia: prestacións e emprego'.

CCOO esíxelle á Xunta de Galicia o reforzamento dos servizos públicos nos orzamentos do 2021

  • O sindicato insta o Goberno autonómico a dar un «xiro de cento oitenta graos» na planificación estratéxica para «optar con éxito» aos fondos europeos
13.11.2020.
Un momento da reunión do diálogo social. En primeiro termo pola esquerda, o secretario xeral de CCOO

O xoves tivo lugar en Santiago de Compostela unha nova reunión no marco do proceso de diálogo social entre a Xunta de Galicia, a patronal e os sindicatos. Neste encontro analizouse a situación económica e o cadro macro dos orzamentos da Xunta para 2021, pero tamén as oportunidades para a reconstrución que abren os fondos Next Generation para a recuperación da zona euro.

O persoal de Política Social non se rende: «conselleira, dimisión!»

  • Os sindicatos alertan de que «algo non funciona» se nesta segunda vaga da pandemia «temos os mesmos problemas ca en marzo»
12.11.2020.
O persoal pide a dimisión da conselleira, Fabiola García

O persoal dos centros que dependen da Consellaría de Política Social protagonizou este xoves a 19.ª concentración en defensa dos seus dereitos laborais. Malia durar o conflito xa cinco meses, a conselleira négase a recibir os sindicatos. Desde os sectores da Administración autonómica de CCOO, UGT, CIG e CSIF lémbranlle a Fabiola García que estas organizacións son «os lexítimos representantes» das traballadoras e traballadores.

#25NViolenciaS

25 de Novembro de 2020. Un contexto de especial dificultade

23.11.2020.Gabinete de Igualdade de CCOO

Chegamos ao 25 de novembro nun contexto de especial dificultade para toda a sociedade, pero especialmente para as vítimas de violencia de xénero, que non pode parar as nosas reivindicacións. O estado de alarma dificultou o seu acceso á protección, mantívoas pechadas nas casas cos seus agresores. Agora, a ameaza da crise económica preséntase con posibles consecuencias na súa inserción laboral e a empregabilidade.

25 de Novembro de 2020. Día Internacional para a Eliminación da Violencia contra as Mulleres

25 de Novembro de 2020. Día Internacional para a Eliminación da Violencia contra as Mulleres

  • CCOO E UGT INSTAN A ERRADICAR AS VIOLENCIAS MACHISTAS e reclámanlle ao Goberno a ratificación dos Convenios 189 e 190 da OIT
19.11.2020.

As confederacións sindicais de Comisións Obreiras (CCOO) e da Unión Xeral de Traballadores (UGT) queremos facer un chamamento este 25 de Novembro de 2020, Día Internacional para a Eliminación da Violencia contra as Mulleres, ao conxunto de traballadoras e traballadores e a toda a cidadanía en xeral, para que se sumen á denuncia e repulsa de todos os actos de violencia machista, dos máis graves e dramáticos e daqueloutros que permanecen invisibles pero igualmente danan a saúde, a liberdade, a seguridade, a autonomía e a dignidade de todas as mulleres.

O Concello de Ourense asume a «folla de ruta reivindicativa» da sección sindical de CCOO

26.11.2020.
Membros da sección sindical de CCOO no Concello de Ourense

Comisións Obreiras (CCOO) congratúlase de que o Concello de Ourense asumise, case integramente, a «folla de ruta reivindicativa» proposta pola sección sindical desta organización. Deste xeito, cuestións como a carreira profesional, a cita previa ou os plans de estabilización de emprego formarán parte do calendario de negociación colectiva do Goberno local.

CCOO e UGT piden que as Administracións «suban ao tren do consenso» para reactivar o ferrocarril galego

  • Ambos os dous sindicatos mantiveron este martes unha reunión co presidente da FEGAMP para pedir a implicación das entidades locais
24.11.2020.
De esq. a der., Alberto Varela (pte. FEGAMP), Ignacio Cascón (UGT) e Gregorio Bermejo (CCOO)

Representantes dos sectores ferroviarios de CCOO e de UGT reuníronse este martes co presidente da Federación Galega de Municipios de Provincias (FEGAMP), Alberto Varela, para tratar o déficit en infraestruturas e servizos de ferrocarril que padece Galicia. Gregorio Bermejo (CCOO) e Ignacio Cascón (UGT) chamaron a definir un modelo ferroviario útil, eficaz e integrado nunha rede de transporte que vertebre o desprazamento de persoas e atenda as necesidades empresariais. É «crucial» para Galicia, máis aínda no momento actual.

CCOO-Servizos insta a acordar en diálogo social medidas para o emprego na hostalaría e no comercio

  • O sindicato considera que estas axudas deben estar equilibradas, é dicir, que existan axudas directas tanto para empresas como para os sectores e as persoas traballadoras.
24.11.2020.
CCOO-Servizos insta a acordar en diálogo social medidas para o emprego na hostalaría e no comercio

A Federación de Servizos de CCOO de Galicia, que engloba os sectores de hostalaría e comercio, especialmente afectados pola pandemia, propón que todas as Administracións poñan en marcha medidas para soster o emprego e o tecido produtivo, e reclámalle tamén ao Goberno de España melloras na coordinación.

CCOO diríxese ás patronais das residencias para mellorar as condicións das case 15.000 persoas que traballan no sector

  • O sindicato achegoulle o estudo que analiza a situación do sector da atención á dependencia en Galicia, no que se detallan as carencias de persoal, recursos e condicións de traballo
20.11.2020.
Unha soa empresa privada, DomusVi, xestiona tantas residencias de maiores como a Xunta de Galicia

Comisións Obreiras (CCOO) dirixiuse ás patronais das residencias de maiores privadas, Agarte e Acolle, para expoñer a necesidade dun marco de diálogo social tripartito que permita mellorar as condicións laborais das case 15.000 persoas que traballan no sector. O sindicato apoiou a súa petición no estudo presentado esta mesma semana, 'O sistema de atención á dependencia en Galicia: prestacións e emprego', do que lles achegou copia ás propias asociacións empresariais para facelas partícipes das conclusións.

Consulta na nosa web información sobre o coronavirus

INFORMACIÓN SOBRE O CORONAVIRUS

30.03.2020.

Consulta na nosa web toda a información sobre o coronavirus no ámbito laboral. Documentación de prevención, lexislación, etc.