Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Segue caendo a afiliación á Seguridade Social

O paro aumenta en Galicia por cuarto mes consecutivo e presenta o peor dato en tres anos

  • CCOO urxe a adoptar medidas no emprego e no tecido produtivo «para evitar que a desaceleración troque en recesión»
03.12.2019.

Os datos do paro rexistrado publicados hoxe consolidan a tendencia de destrución de postos de traballo iniciada hai catro meses, alerta Comisións Obreiras (CCOO). A secretaria de Emprego do sindicato, Maica Bouza, apunta que, se ben a tendencia é similar á de anos anteriores, diferénciase na súa intensidade pois o dato é o peor desde o 2016 e non agoira boas perspectivas para o próximo ano 2020.

O AGAL é unha «imprescindible ferramenta» para avanzar na modernización das relacións laborais

Asinada a modificación do AGA, que estende a súa eficacia aos conflitos individuais

  • O secretario xeral de CCOO, Ramón Sarmiento, cualifica este mecanismo de «imprescindible ferramenta» para avanzar na modernización e mellora das relacións laborais en Galicia
29.11.2019.

O xoves, 28 de novembro, produciuse o asinamento da modificación do Acordo interprofesional galego sobre procedementos extraxudiciais e solución de conflitos de traballo (AGA), cuxa primeira versión data de hai case trinta anos (1992). Pactado ao abeiro do artigo 83.3 do Estatuto dos traballadores, o AGA foi un dos primeiros acordos asinados no Estado nesta materia, e supoñía unha aposta pola autonomía colectiva como camiño axeitado para construír un sistema de relacións laborais adaptado ás peculiaridades e intereses propios da realidade socioeconómica e laboral galega.

Convocatoria 2020 para a acreditación de competencias profesionais adquiridas a través da experiencia laboral

29.11.2019.

A Consellería de Economía, Emprego e Industria convoca no seu ámbito de competencias o procedemento para a avaliación e acreditación das competencias profesionais adquiridas polas persoas a través da experiencia laboral ou de vías non formais de formación para un total un total de 1800 prazas, nas unidades de competencia que se indican no anexo I (un total de 6475) nas cualificacións profesionais que se indican a seguir.

CCOO e UGT rexeitan diante dos xulgados que se poida despedir un traballador ou traballadora por enfermar

  • O pasado 16 de outubro, o Tribunal Constitucional ditou unha sentenza que permite o despedimento obxectivo por ausencias intermitentes, aínda que sexan xustificadas
27.11.2019.
Fotografía da concentración da Coruña, na que tamén se esixiu a readmisión dun delegado sindical

CCOO e UGT convocaron este mércores concentracións diante das sedes xudiciais da Coruña, Santiago de Compostela, Lugo, Ourense, Pontevedra e Vigo para rexeitar que se poida despedir a alguén por enfermar. As protestas convocáronse como reacción á sentenza emitida o pasado 16 de outubro polo Tribunal Constitucional, que permite o despedimento obxectivo por ausencias intermitentes ao traballo, aínda que sexan xustificadas.

25N: Día Internacional para a eliminación da violencia contra as mulleres

  • Mobilizacións nas principais vilas e cidades de Galicia
22.11.2019.
Cartel de CCOO para o 25N

As confederacións sindicais de Comisións Obreiras e da Unión Xeral de Traballadores queremos facer un chamamento este 25N de 2019 ás traballadoras e os traballadores e á cidadanía en xeral, para que se sumen á denuncia e repulsa da violencia machista nas súas múltiples expresións.

Galicia sae á rúa en solidariedade con Bolivia e a democracia

  • CCOO implicouse na organización destas mobilizacións, nas que se esixiu a restauración da democracia en Bolivia
21.11.2019.
Un momento da manifestación da Coruña

O Sindicato Nacional de Comisións Obreiras de Galicia (CCOO) implicouse nas concentracións que houbo este xoves, 21 de novembro, en apoio ao pobo boliviano. O sindicato insiste en que o acontecido en Bolivia responde á definición de golpe de Estado, xa que o presidente lexítimo, Evo Morales, foi forzado polas forzas armadas a deixar o poder. Ao tempo, vulneráronse as normas legais para a sucesión, todo no medio dunha espiral de violencia e represión armada de calquera tipo de protesta.

Esíxenlle ao Concello de Ourense unha solución para o servizo de atención a domicilio

18.11.2019.
CCOO afirma que a situación é de «absoluta incerteza»

Un cento de traballadoras do servizo de atención a domicilio (SAD) do Concello de Ourense concentráronse hoxe diante da Casa Consistorial, na praza Maior. Esixen unha solución, xa que o concurso público quedou deserto e a actual concesionaria, Sacyr, informou de que cesará na prestación o 30 de novembro.

Fotografía de arquivo dunha protesta en Extel-A Coruña

CCOO denuncia un novo despedimento por enfermidade en Extel

05.12.2019.

Dende o pasado 29 de novembro, Extel despediu catro persoas na Coruña aproveitando a marxe legal da recente sentenza do Tribunal Constitucional. CCOO e os demais sindicatos decidiron convocar folga na empresa o vindeiro luns, 9 de decembro, así como unha concentración de 12 a 13 horas diante do centro de traballo.

CCOO avoga pola inserción laboral real deste colectivo

3 de decembro, Día Internacional das Persoas con Discapacidade

02.12.2019.

Cada 3 de decembro celébrase en todo o mundo o Día Internacional das Persoas con Discapacidade. A propósito deste día, CCOO, como axente central das relacións laborais e do mercado de traballo que representa a todos os traballadores e traballadoras, teñan ou non discapacidade, chama a atención sobre a situación en que se atopan miles de persoas en Galicia: a taxa de actividade laboral das persoas con discapacidade é do 28,2 %, mentres que a da poboación xeral é do 73,2 %, e a taxa de paro das persoas con discapacidade é maior en case 14 puntos.

CCOO e UGT levaron á Inspección de Traballo irregularidades no servizo de ambulancias da área sanitaria de Lugo

  • Os sindicatos denuncian que a situación empeorou tras o cambio de entidade concesionaria, que agora é unha unión temporal de empresas
03.12.2019.

CCOO e UGT denunciaron na Inspección de Traballo diversas irregularidades no servizo de ambulancias da área sanitaria de Lugo. Segundo o sector de Estradas e Loxística do sindicato, a situación empeorou tras o cambio de entidade concesionaria. Ata hai poucas semanas, a concesión recaía en Ambulancias Rubiero-Xirón. O pasado 16 de outubro licitouse a nova concesión, que asume a UTE Servicios Sanitarios de Monforte y Otros (Servicios Sanitarios de Monforte, Sanitaria Lucense de Transportes e Ambulancias Luis Iglesias Carreira).

CCOO gaña unha sentenza sobre o dereito dunha afiliada a percibir a carreira profesional no Consorcio de Igualdade e Benestar

03.12.2019.
A sentenza recoñécelle á afiliada de CCOO o dereito a percibir a carreira profesional no Consorcio

Comisións Obreiras (CCOO) informa dunha sentenza que acaba de gañar en primeira instancia, na que se lle recoñece a unha afiliada do sindicato o dereito a percibir a carreira profesional no Consorcio de Igualdade e Benestar.

CCOO pide modificacións organizativas e arquitectónicas para mellorar a saúde das traballadoras das residencias de maiores

  • O sindicato pon o foco sobre as condicións laborais, que causan un aumento no consumo de fármacos para tratar a dor e outros trastornos
28.11.2019.
De esq. a der., Alfonso García, Roi Fernández, Irene Álvarez e Pedro R. Valdés

Comisións Obreiras (CCOO) pide modificacións na organización do traballo, pero tamén na dotación e a arquitectura, para mellorar a saúde das traballadoras das residencias de persoas maiores. O sindicato celebra hoxe en Santiago de Compostela unha xornada que pon o foco sobre as condicións laborais que padece o persoal destes centros, orixe de numerosas patoloxías que se tratan cun consumo de fármacos cada vez maior.

CCOO celebra o «histórico» concurso de traslados, froito da concertación social sobre emprego público

  • Comisións salienta que as 1914 prazas ofertadas desmenten as críticas dalgún sindicato que axitaba o temor a que a funcionarización lle restase posibilidades de mobilidade ao persoal funcionario
28.11.2019.
Os acordos asinados por CCOO permiten seguir a recuperar dereitos no sector público

O sector da Administración autonómica de Comisións Obreiras de Galicia celebra o «histórico» concurso de traslados que pon en marcha a Xunta. CCOO lembra que esta medida chega como consecuencia da concertación social sobre o emprego público. Ademais, salienta que as 1914 prazas ofertadas desmenten as críticas dalgún sindicato que axitaba o temor a que a funcionarización lle restase posibilidades de mobilidade ao persoal funcionario.

CCOO gaña as eleccións sindicais na concesionaria do servizo de axuda a domicilio no Concello de Ourense

27.11.2019.
Os votos a CCOO aumentaron case un 44%, o que lle permite gañar estas eleccións

Comisións Obreiras acaba de gañar as eleccións sindicais na concesionaria do servizo de axuda a domicilio no Concello de Ourense. Estes comicios producíronse nun contexto complicado, a poucos días de cambio de concesionaria e en pleno conflito co Goberno local.

CCOO asina o convenio galego dos centros especiais de emprego e lamenta a «irresponsabilidade» da CIG

  • O sindicato nacionalista forzou o comezo das negociacións —malia estar pendente de publicación o convenio estatal—, participou activamente nelas e apoiou o acordo previo, pero desmarcouse do asinamento final
  • O asinamento do convenio estatal, negociado tamén por CCOO, permitiu desbloquear as negociacións do convenio galego, que estaban enquistadas
26.11.2019.
Asinado o novo convenio galego dos centros especiais de emprego

A Federación do Ensino de CCOO de Galicia asinou o III Convenio colectivo de centros especiais de emprego, que chega a bo porto após unhas longas negociacións iniciadas o pasado mes de febreiro. Desde Comisións Obreiras lamentan a «irresponsabilidade da CIG», xa que foi o sindicato que forzou o comezo das negociacións, participou activamente nelas e mesmo chegou a apoiar o acordo previo, pero no último momento desmarcouse do asinamento final.

A Xustiza recoñécelle a persoal de ETT a percepción dun complemento da empresa para a que prestaban servizos

  • CCOO denunciou xudicialmente o xigante Bida Farma para que lle recoñecese ese dereito ao persoal de ETT que traballaba en Cofaga, empresa absorbida en 2018
26.11.2019.
A sentenza é de aplicación a persoal de Cofaga (integrada en Bida Farma) contratado por ETT

A Xustiza dálle a razón a CCOO e recoñécelle a un colectivo de traballadoras e traballadores de empresas de traballo temporal (ETT) a percepción dun complemento propio da empresa para a que prestaban servizos. Neste caso, trátase de persoal de Cofaga, absorbida en 2018 polo xigante da distribución farmacéutica Bida Farma, con centros de traballo nas comarcas da Coruña e Compostela.

#ecoacciónCCOOGalicia
#ecoacciónCCOOGalicia
10 propostas para un xiro social en Galicia
10 propostas para un xiro social en Galicia
#AlcoaNonSePecha
#AlcoaNonSePecha
Acto fixemos, facemos, faremos historia
Acto fixemos, facemos, faremos historia
  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros