Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO

xoves 12 de xullo de 2018

O sector do Mar de CCOO lamenta o afundimento do 'Dorneda' e esixe unha investigación

O sector do Mar de CCOO de Galicia lamenta o afundimento do barco conxelador arrastreiro 'Dorneda' en augas arxentinas e transmite a súa solidariedade á familia do tripulante falecido e máis do desaparecido. O sindicato insta a empresa armadora, Freiremar, a contribuír a aclarar o sucedido, a tempo que pide que actúe «con urxencia» a comisión de investigación de accidentes marítimos e incidentes marítimos para determinar as causas e previr novos sinistros.

Barcos de pesca | Foto: pixabay

Barcos de pesca | Foto: pixabay

A tripulación do 'Dorneda' estaba composta por 27 persoas, das que 25 foron rescatadas con vida polo pesqueiro arxentino 'Farruca', que fora enviado á zona xunto con outros buques pesqueiros.

Segundo sindicatos arxentinos e a International Transport Worker's Federation (ITF), as autoridades arxentinas comunicaron que posiblemente a causa fose a entrada dun golpe de mar pola rampla de recolleita da arte de arrastre.

Segundo o sector do Mar de CCOO sinala entre as prioridades a repatriación dos sobreviventes e do corpo do pescador falecido, a atención psicolóxica dos directamente afectados e dos seus familiares e a activación dos recursos previstos para dar cobertura e protección aos familiares do falecido.

O sector do Mar de CCOO lamenta o afundimento do 'Dorneda' e esixe unha investigación

xoves 12 de xullo de 2018

Áreas temáticas relacionadas

Áreas - Saúde Laboral - Actualidade
Información - Novas