Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus

xoves 19 de marzo de 2020

OBITUARIO

CCOO lamenta o falecemento do compañeiro José Luis Paz Pena

  • Traballador xubilado de Alcoa e exsecretario xeral da Unión Comarcal da Coruña

Comisións Obreiras lamenta o falecemento a causa do coronavirus do compañeiro José Luis Paz Pena. Traballador xubilado de Alcoa-A Coruña (actual Alu Ibérica LC), desempeñou diferentes responsabilidades no sindicato, tanto na Federación de Industria como na Unión Comarcal da Coruña, da que chegou a ser secretario xeral.

Paz Pena nunha manifestación en defensa dunha tarifa eléctrica xusta para as electrointensivas

Paz Pena nunha manifestación en defensa dunha tarifa eléctrica xusta para as electrointensivas

Infatigable compañeiro, non faltaba a unha mobilización, nin sequera desde que estaba xubilado. Paz Pena sempre será lembrado polo seu compromiso sindical, pois militaba nas Comisións Obreiras xa na clandestinidade, e contribuíu a constituír o Sindicato Nacional de CCOO de Galicia.

Debido a que na actual situación non se lle poderá tributar a homenaxe que merece, CCOO anima a todas as súas amizades a deixar unha mensaxe na páxina de Facebook da Unión Comarcal da Coruña, ou ben a través do correo electrónico comunicacion.coruna@galicia.ccoo.es.

CCOO lamenta o falecemento do compañeiro José Luis Paz Pena

xoves 19 de marzo de 2020

Áreas temáticas relacionadas

Información - Novas
O teu sindicato - Unións Territoriais - A Coruña - Actualidade