Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!

venres 9 de outubro de 2020

CCOO insta a patronal do metal de Pontevedra a «abandonar as mensaxes derrotistas» e esixe «responsabilidade» para reactivar a economía

Após a terceira mesa de negociación do convenio do metal da provincia de Pontevedra, a Federación de Industria de CCOO insta a patronal a «abandonar as mensaxes derrotistas». O sindicato tamén esixe «responsabilidade» de todas as partes para impulsar a reactivación da economía, que ha ir por un camiño diferente aos recortes do 2008, «que só serviron para eliminar dereitos».

CCOO esixe recoñecer o esforzo das traballadoras e traballadores do sector do metal

CCOO esixe recoñecer o esforzo das traballadoras e traballadores do sector do metal

Nesta terceira xuntanza, as empresas do sector centráronse en indicar o impacto negativo da pandemia e chamaron a negociar un convenio «rápido», xa que o ano 2020 está rematando, e cunha vixencia de dous anos.
 
CCOO repróchalle á patronal a falta de «formulacións innovadoras» que permitan situar este convenio «á cabeza de todos os convenios», e que teimen «no de sempre», que é eliminar a exoneración nas xubilacións parciais e a limitación no recurso ás empresas de traballo temporal.
 
Desde CCOO-Industria coidan que a aposta polos sectores industriais debe comezar «por dignificalos», e iso obriga a «poñer en valor o esforzo das persoas que traballan neles».
 
A vindeira xuntanza da mesa negociadora está fixada para o vindeiro mércores, 14 de outubro, en Vigo.

CCOO insta a patronal do metal de Pontevedra a «abandonar as mensaxes derrotistas» e esixe «responsabilidade» para reactivar a economía

venres 9 de outubro de 2020

Áreas temáticas relacionadas

Áreas - Acción sindical - Actualidade
Información - Novas
O teu sindicato - Unións Territoriais - Vigo - Actualidade