Sindicato Nacional de CCOO de Galicia

Sindicato Nacional de CCOO de Galicia
25 de novembro, Día Internacional para a Eliminación da Violencia contra as Mulleres
CCOO asinou o novo convenio

CCOO asina o convenio colectivo do comercio vario da provincia da Coruña

  • Máis de 15.000 traballadores e traballadoras terán beneficios económicos e laborais grazas ao novo marco colectivo
30.11.2018.

A Federación de Servizos de CCOO de Galicia asinou o convenio colectivo do sector do comercio vario da provincia da Coruña. Grazas ao novo marco, máis de 15.000 traballadores e traballadoras terán beneficios económicos e laborais. Dentro ámbito forman parte o comercio téxtil, pel, material de construción, pinturas e vernices, material eléctrico e electrónico, ópticas, reloxaría, xoiaría, automóvil, ferretarías ou cadeas multiprezos. A vixencia do novo convenio será para os anos 2016-2019, con cláusula de ultraactividade e prórroga no caso de que ningunha das partes o denuncie.

Extractos do informe da Inspección de Traballo, ratificando as denuncias de CCOO

A Inspección de Traballo «deixa en evidencia as mentiras da xerencia de Proxecto Home», afirma CCOO

  • Un informe da autoridade laboral demostra que a Fundación Monte do Gozo-Proxecto Home Galicia incumpriu o convenio colectivo e tiña persoal facendo horas extras por riba do máximo legal
20.11.2018.

Comisións Obreiras (CCOO) asegura que a Inspección de Traballo Provincial da Coruña «deixa en evidencia as mentiras da xerencia de Proxecto Home». O sindicato acaba de recibir un oficio da autoridade laboral que «demostra que nós non falamos por falar» á hora de denunciar as «graves irregularidades» en materia laboral e de xestión de recursos humanos na Fundación Monte do Gozo-Proxecto Home Galicia.

Nova acción en defensa dos postos de traballo en Alcoa-A Coruña

Concentración na Torre de Hércules contra o peche de Alcoa

06.11.2018.

Para o próximo sábado, día 10 de novembro, está convocada unha nova acción en defensa dos postos de traballo en Alcoa-A Coruña. ÁS 12 horas, os traballadores e traballadoras reuniranse na rampla de acceso á Torre de Hércules e formarán a frase «peche non!!».

Piquete informativo de CCOO, xa a primeiras horas da mañá

Seguimento masivo da folga no sector de elaborados do mar

22.10.2018.

CCOO celebra o «seguimento masivo» da primeira xornada de folga no sector de elaborados do mar, que alcanza de media o 90 % e, no caso das principais empresas, o paro é «absoluto». A folga tivo especial incidencia en Galicia, onde se concentra o groso do sector. As cifras de seguimento tamén foron mellores que na media estatal, onde se situou no 75 %.

Foto de familia dalgunhas das persoas que participaron na xornada

CCOO-Industria organizou na Coruña unha xornada sobre a violencia machista

05.10.2018.

A Secretaría de Igualdade de CCOO-Industira organizou hoxe na Coruña unha xornada sobre a violencia machista, á que asistiron delegadas e delegados de toda Galicia. A actividade contou coa presenza como relatora da xornalista, política e escritora María Xosé Porteiro.

Concentración fronte á empresa

Concentración en Arteixo para apoiar o compañeiro despedido por Pescanova

02.10.2018.

A Federación de Industria de CCOO convocou hoxe unha concentración en Arteixo para apoiar o compañeiro despedido meses atrás pola antiga Bamajar Séptima, empresa do grupo Nueva Pescanova. O sindicato denuncia que este traballador perdeu o posto de traballo tras unha modificación «á carta» dun informe médico. Precisamente, p próximo venres, día 5 de outubro, está fixado o xuízo, no que están acusadas tanto Pescanova como a empresa en que subcontratou o servizo de prevención.

Paros e manifestación para esixir mellores condicións laborais en Atento na Coruña

07.09.2018.

O comité de empresa de Atento na Coruña intensifica as accións para esixir mellores condicións laborais. O vindeiro luns, día 10 de setembro, haberá un paro de dúas horas fronte ao centro de traballo, situado na rúa coruñesa de Juan Flórez. Pola tarde, ás 18 horas, partirá unha manifestación desde diante da propia empresa.

O comité de folga chegou a un acordo coa empresa para desconvocar os paros

Desconvocada a folga nos despachos de billetes de Renfe após a empresa aceptar as reivindicacións

  • O comité denunciara sobrecarga de traballo do persoal e reiterados fallos dos equipos informáticos, entre outras eivas
20.07.2018.

O comité de Renfe da provincia da Coruña chegou esta semana a un acordo coa empresa que permite desconvocar os trece días de folga nos despachos de billetes. Os paros ían comezar o próximo domingo, día 22, e continuarían durante varias datas entre os meses de xullo e setembro.

Protesta contra o peche de Alcoa-A Coruña

O persoal de Alcoa «dará a batalla» para garantir o emprego

  • Nova protesta, desta vez diante da Delegación do Goberno
27.11.2018.

O persoal de Alcoa volveu saír o luns á rúa para esixir a continuidade dos postos de traballo na factoría coruñesa de aluminio. Na protesta diante da Delegación do Goberno, o presidente do comité de empresa asegurou que darán «a batalla» para garantir o emprego. Juan Carlos López Corbacho, de CCOO, incidiu en que «se alguén pensaba que non ía ter batalla connosco, equivocábase».

Cartel anunciando a concentración

Concentración na Coruña contra o peche de Alcoa

16.11.2018.

Mañá sábado, día 17 de novembro, haberá unha concentración na Coruña contra o peche de Alcoa. Será ás 12:00 na praza de María Pita.

Pancarta principal da manifestación na Coruña

A Coruña bótase á rúa en defensa dos postos de traballo de Alcoa

  • A manifestación coincide co comezo do proceso emprendido polo comité de empresa europeo para denunciar a multinacional estadounidense por vulnerar a lexislación comunitaria
30.10.2018.

Unha multitudinaria manifestación percorreu o luns pola tarde varias rúas da Coruña para defender os postos de traballo en Alcoa, empresa do aluminio que pretende despedir os case 370 traballadores e traballadoras que ten na cidade herculina. A manifestación partiu da factoría e rematou diante da Delegación do Goberno, traxecto no que esixiron solucións para a tarifa eléctrica das industrias electrointensivas e berraron consignas contra o peche.

Corte de tráfico fronte á fábrica de Alcoa na Coruña

CCOO rexeita o peche de Alcoa na Coruña e apoia as mobilizacións en defensa dos postos de traballo

  • Manifestación o sábado, día 20 de outubro, desde a praza da Palloza ata a Delegación do Goberno
17.10.2018.

Comisións Obreiras (CCOO) rexeita o peche da factoría de Alcoa na Coruña, ao tempo que se solidariza cos compañeiros e compañeiras de Avilés (Asturias), aos que a multinacional anunciou a mesma medida. O sindicato alerta do grande impacto social dunha medida «desproporcionada e incomprensible», xa que a factoría coruñesa dá beneficios e emprega a case catrocentas persoas.

No centro, Juan Zas e Ramón Sarmiento (CCOO), acompañados por delegadas de persoal na Fundación

CCOO denuncia a explotación laboral en Proxecto Home Galicia

  • O sindicato lamenta que a dirección da Fundación manteña as persoas usuarias como «reféns» da mala xestión
  • A Inspección de Traballo obriga a Fundación a pagalles aos traballadores e traballadoras uns 14.000 euros en concepto de salarios e cotizacións sociais non percibidos durante as baixas médicas
04.10.2018.

Comisións Obreiras (CCOO) denuncia explotación laboral na Fundación Monte do Gozo (Proxecto Home Galicia) e reproba que a dirección utilice as persoas usuarias como «reféns» para presionar os seus propios traballadores e traballadoras. Segundo CCOO, ante a crecente mobilización interna en defensa dos dereitos laborais, a dirección da fundación reaccionou pechando dous centros de traballo, causando un grave prexuízo tanto ao seu persoal como ás persoas usuarias.

Continúan as mobilizacións en defensa das pensións

CCOO e UGT convocan concentracións para que se garantan os dereitos das persoas maiores

  • Con motivo do Día Internacional das Persoas Maiores, ambos os dous sindicatos esixen a revalorización das prestacións para combater o empobrecemento dos pensionistas
28.09.2018.

Co gallo do Día Internacional das Persoas Maiores, CCOO e UGT convocan a próxima semana concentracións en todo o Estado. En Galicia terán lugar o martes, 2 de outubro. Con esta acción, ambos os sindicatos denuncian que as medidas adoptadas para combater a crise só axudaron a empobrecer amplos sectores da poboación, especialmente as persoas de máis idade.

CCOO saúda o novo convenio

A Federación de Construción e Servizos de CCOO asina o convenio de derivados do cemento da Coruña 2017-2020

  • A suba salarial terá efectos retroactivos ao 1 de xaneiro do 2017 e os atrasos serán aboados após a publicación do convenio
27.07.2018.

A Federación de Construción e Servizos de CCOO asinou o convenio de derivados do cemento da provincia da Coruña para o período 2017-2020. Este convenio recolle melloras económicas por riba do IPC, amais de novidades en materia de licenzas, calendario laboral ou pólizas de accidentes.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros