Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Fotografía de familia das entidades colaboradoras do ano 2018

CCOO colabora unha vez máis con Acampa pola Paz e o Dereito a Refuxio

21.06.2019.

Entre o 20 e o 22 de xuño ten lugar na Coruña a terceira edición de Acampa pola Paz e o Dereito a Refuxio. Trátase dunha iniciativa cidadá sen fins de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucións e empresas con responsabilidade social. Como nas anteriores edicións, en Acampa 2019 colabora Comisións Obreiras a través da Unión Comarcal coruñesa.

En primeiro plano, Juan Carlos López Corbacho, nun vídeo remitido desde o interior da Delegación

Peche do persoal de Alcoa na Delegación do Goberno na Coruña

18.06.2019.

Traballadores e traballadoras de Alcoa na Coruña iniciaron hoxe un peche na Delegación do Goberno para denunciar que o Executivo estatal se está a «desentender» dos compromisos adquiridos durante a negociación do ERE, principalmente no que atangue ás garantías sobre o emprego. O presidente do comité de empresa, Juan Carlos López Corbacho (CCOO), advirte que estarán pechados «o tempo que faga falta».

Un momento da manifestación na Coruña

Un milleiro de persoas esixen na Coruña solucións para a industria electrointensiva

08.06.2019.

Este sábado tivo lugar na Coruña unha nova manifestación para esixir futuro para a industria electrointensiva. Preto dun milleiro de persoas secundaron a convocatoria dos comités de empresa de Alcoa, Ferroatlántica e Celsa Atlantic a prol dunha eléctrica competitiva.

Concentración fronte á sede da Xunta na Coruña

Concentración do persoal de Isowat fronte á sede da Xunta na Coruña

06.06.2019.

Traballadores e traballadoras de Isowat desafiaron a chuvia concentráronse este xoves fronte á sede da Xunta na Coruña para esixir solucións que garantan o futuro da compañía e os postos de traballo.

CCOO denuncia que a concesionaria da axuda a domicilio de Betanzos volve pagar o salario mínimo sen que o Concello rescinda o contrato

23.05.2019.

A Federación de Construción e Servizos de CCOO de Galicia denuncia que a concesionaria da axuda a domicilio de Betanzos volve pagar o salario mínimo sen que o Concello rescinda o contrato. Segundo o sindicato, a empresa Tu Mayor Amigo modificou unilateralmente, á baixa e sen comunicación previa, os salarios do último mes. Deste xeito, paga unicamente o SMI. Ademais, nalgúns casos houbo rebaixas adicionais do salario de ata trescentos euros, práctica que xa aplicara a empresa en xuño do 2018 e polo que fora sancionada.

Pancarta principal da manifestación, pouco antes de comezar o percorrido

A industria electrointensiva maniféstase contra a «grande estafa eléctrica»

  • Denuncian a inacción dos Gobernos autonómico e central, e instan a Pedro Sánchez a aprobar de contado o estatuto para o sector
20.05.2019.

Traballadores e traballadoras das industrias electrointensivas galegas, arroupados por dirixentes sindicais e políticos, manifestáronse hoxe en Santiago de Compostela para reivindicar un marco enerxético estable e competitivo. A marcha, convocada polos comités de empresa de Alcoa da Coruña e San Cibrao, Celsa Atlantic e Ferroatlántica en Sabón e Cee-Dumbría, partiu ás 11 da mañá das proximidades do estadio de San Lázaro e rematou diante da sede da Xunta de Galicia.

CCOO-Ensino sitúase como primeiro sindicato da universidade galega

CCOO-Ensino gaña as eleccións na USC e comparte o primeiro lugar no sistema universitario galego

  • As candidaturas de Comisións Obreiras melloraron resultados en todas as universidades
13.05.2019.

A pasada semana celebráronse as eleccións sindicais nas tres universidades galegas. As candidaturas presentadas por CCOO-Ensino melloraron resultados e permitíronlle ao sindicato ser o único que aumentou a súa presenza. Comisións gañou na Universidade de Santiago de Compostela (USC) e obtivo bos resultados nas da Coruña (UDC) e Vigo (UVigo). Isto permítelle a CCOO colocarse, con 58 delegados e delegadas, como primeiro sindicato do sistema universitario galego, posición compartida coa CIG.

CCOO e UGT convocan manifestacións en toda Galicia o Primeiro de Maio

CCOO e UGT chaman á mobilización o Primeiro de Maio para reforzar a loita contra a precariedade e a desigualdade

  • Os dous sindicatos convocan varias manifestacións en Galicia baixo o lema «Primeiro as persoas»
30.04.2019.

O Sindicato Nacional de CCOO de Galicia e a Unión Xeral de Traballadores de Galicia fan un chamamento á mobilización o Primeiro de Maio para reforzar a loita contra a precariedade e a desigualdade. Os dous sindicatos convocan varias manifestacións na comunidade autónoma baixo o lema «Primeiro as persoas», coa intención de «encher as rúas a favor do emprego de calidade» e instar á conformación dun Goberno no Estado que aborde «con urxencia» unha axenda social. Nesta xornada reivindicativa, os secretarios xerais de ambas as organizacións participarán na marcha convocada na Coruña.

O persoal suspendeu o peche tras asumir o Goberno as súas reivindicacións

Levantado o peche do persoal de Alcoa na Delegación do Goberno na Coruña

19.06.2019.

Após asumir o Executivo estatal as súas reivindicacións, os traballadores e traballadoras de Alcoa na Coruña decidiron onte á noite levantar o peche na Delegación do Goberno. O peche comezara na mañá do martes tras constatarse que o Goberno do Estado se estaba a «desentender» dos compromisos adquiridos durante a negociación do ERE, principalmente no que referente ás garantías sobre o emprego.

Casa do Concello de Arteixo | Foto: Xosé Antonio (Wikipedia)

CCOO gaña as eleccións sindicais no Concello de Arteixo

17.06.2019.

A Federación de Servizos á Cidadanía informa da vitoria de CCOO nas eleccións sindicais do Concello coruñés de Arteixo. As súas candidaturas foron as máis votadas tanto entre o persoal laboral como o funcionario.

Cartel coa convocatoria da manifestación

Manifestación o sábado para esixir futuro para a industria electrointensiva

07.06.2019.

Mañá sábado, día 8 de xuño, terá lugar na Coruña unha nova manifestación para esixir futuro para a industria electrointensiva. A marcha partirá ás 12 horas da praza da Palloza.

Na imaxe, folga en Teleperformance o pasado mes de marzo

CCOO revalida a maioría en Teleperformance e amplía a súa representación

05.06.2019.

O martes, 4 de xuño, tiveron lugar as eleccións sindicais no centro de chamadas Teleperformance, na Coruña. Os traballadores e traballadoras volvéronlle dar a súa confianza a CCOO, que revalidou a maioría e ampliou a representación no comité de empresa.

Concentración hoxe de Extel na Coruña

Terceiro xoves de mobilizacións en Extel

23.05.2019.

Traballadoras e traballadores de Extel, na Coruña, protestaron hoxe por terceiro xoves consecutivo. Esixen condicións de traballo dignas e que rematen os abusos laborais e os despedimentos arbitrarios.

Cartel anunciador da manifestación

Manifestación da industria electrointensiva o 20 de maio

  • Desde o estadio Verónica Boquete ata San Caetano
13.05.2019.

Traballadores e traballadoras da industria electrointensiva galega manifestaranse o vindeiro luns, 20 de maio, en Santiago de Compostela, para esixir unha tarifa eléctrica competitiva.

Pancarta da manifestación central, na Coruña

Milleiros de persoas reclamaron nas rúas galegas que se mire polas súas necesidades e políticas que afronten as carencias sociais

02.05.2019.

Milleiros de persoas, convocadas por CCOO e UGT, saíron ás rúas das cidades e vilas galegas para celebrar este Primeiro de Maio. A cidadanía galega demandou nesta data que "primeiro as persoas" e a necesidade de que o novo Goberno acometa un cambio de políticas co obxecto de garantir máis dereitos, máis igualdade e máis cohesión.

Buscar noticias anteriores

Buscar noticias anteriores

Data: