Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Pancarta principal da manifestación, pouco antes de comezar o percorrido

A industria electrointensiva maniféstase contra a «grande estafa eléctrica»

  • Denuncian a inacción dos Gobernos autonómico e central, e instan a Pedro Sánchez a aprobar de contado o estatuto para o sector
20.05.2019.

Traballadores e traballadoras das industrias electrointensivas galegas, arroupados por dirixentes sindicais e políticos, manifestáronse hoxe en Santiago de Compostela para reivindicar un marco enerxético estable e competitivo. A marcha, convocada polos comités de empresa de Alcoa da Coruña e San Cibrao, Celsa Atlantic e Ferroatlántica en Sabón e Cee-Dumbría, partiu ás 11 da mañá das proximidades do estadio de San Lázaro e rematou diante da sede da Xunta de Galicia.

CCOO-Ensino sitúase como primeiro sindicato da universidade galega

CCOO-Ensino gaña as eleccións na USC e comparte o primeiro lugar no sistema universitario galego

  • As candidaturas de Comisións Obreiras melloraron resultados en todas as universidades
13.05.2019.

A pasada semana celebráronse as eleccións sindicais nas tres universidades galegas. As candidaturas presentadas por CCOO-Ensino melloraron resultados e permitíronlle ao sindicato ser o único que aumentou a súa presenza. Comisións gañou na Universidade de Santiago de Compostela (USC) e obtivo bos resultados nas da Coruña (UDC) e Vigo (UVigo). Isto permítelle a CCOO colocarse, con 58 delegados e delegadas, como primeiro sindicato do sistema universitario galego, posición compartida coa CIG.

CCOO e UGT convocan manifestacións en toda Galicia o Primeiro de Maio

CCOO e UGT chaman á mobilización o Primeiro de Maio para reforzar a loita contra a precariedade e a desigualdade

  • Os dous sindicatos convocan varias manifestacións en Galicia baixo o lema «Primeiro as persoas»
30.04.2019.

O Sindicato Nacional de CCOO de Galicia e a Unión Xeral de Traballadores de Galicia fan un chamamento á mobilización o Primeiro de Maio para reforzar a loita contra a precariedade e a desigualdade. Os dous sindicatos convocan varias manifestacións na comunidade autónoma baixo o lema «Primeiro as persoas», coa intención de «encher as rúas a favor do emprego de calidade» e instar á conformación dun Goberno no Estado que aborde «con urxencia» unha axenda social. Nesta xornada reivindicativa, os secretarios xerais de ambas as organizacións participarán na marcha convocada na Coruña.

O persoal comezou a facer a pé os traxectos

CCOO denuncia irregularidades da concesionaria do servizo de axuda a domicilio de Carral e Abegondo

  • Segundo o sindicato, a empresa deixou de pagar as nóminas ata que o persoal renuncien aos seus dereitos laborais
15.04.2019.

A Federación de Construción e Servizos de CCOO de Galicia denuncia as irregularidades que está a cometer Ende Ben Ordes, S. L., empresa concesionaria do servizo de axuda a domicilio dos concellos de Carral e Abegondo. Segundo o sindicato, a empresa deixoulles de pagar as nóminas ás traballadoras e aos traballadores ata que non renuncien por escrito aos seus dereitos laborais, polo que aínda non cobraron o mes de marzo.

Na manifestación participou o secretario xeral de CCOO de Galicia, Ramón Sarmiento (centro)

CCOO bótase ás rúas da Coruña en defensa da industria galega

11.04.2019.

Cadrando coa celebración do Consello Nacional da Federación nacional de Industria de CCOO de Galicia, delegadas e delegados do sindicato saíron hoxe ás rúas da Coruña en defensa dos sectores industriais galegos. Concretamente, nunha multitudinaria concentración que tivo lugar ás 13 horas fronte á Delegación do Goberno.

CCOO coida «inasumible» a oferta presentada pola patronal da sanidade privada da provincia da Coruña

  • Presenta como «novidade» medidas que xa están garantidas polo convenio, e propón cuestións que incluso empeoran o asinado
29.03.2019.

Comisións Obreiras (CCOO) coida «inasumible» a oferta presentada pola patronal da sanidade privada da provincia da Coruña na última mesa de negociación, tanto polos contidos como pola propia duración do convenio, de cinco anos, que «hipotecaría» as condicións de traballo durante un período «excesivo». Segundo CCOO, a parte empresarial chega incluso a presentar como «novidade» medidas que xa están garantidas polo convenio, como a «insuficiente» suba salarial do 1,6 %, pero tamén inclúe propostas que empeoran o asinado.

O secretario xeral de CCOO, Ramón Sarmiento, apoiará o persoal de Alcoa | Foto: Xosé Abad

Ramón Sarmiento apoiará mañá en Madrid os traballadores e traballadoras de Alcoa

  • O secretario xeral de CCOO de Galicia participará na concentración do persoal das factorías da Coruña e de Avilés diante do Congreso dos Deputados
27.03.2019.

O secretario xeral de CCOO de Galicia, Ramón Sarmiento, participará mañá na concentración convocada polos traballadores e traballadoras de Alcoa diante do Congreso dos Deputados. Tamén se prevé a presenza do secretario xeral confederal, Unai Sordo, quen reiterou xa o pasado Día da Clase Obreira Galega o compromiso do sindicato coa problemática das factorías da Coruña e de Avilés.

As charlas terán lugar entre o luns e o mércores da próxima semana

CCOO-Ensino dá charlas nas universidades para informar das oposicións

  • Entre o luns 25 e o mércores 27 de marzo
22.03.2019.

A Federación do Ensino de CCOO de Galicia dará charlas nos próximos días nos diferentes campus universitarios para informar sobre as oposicións. A campaña procura animar e apoiar o alumnado interesado en acceder á función pública docente, xa que se convoca un bo número de prazas grazas ao Acordo pola Mellora do Emprego Público, asinado por CCOO.

Cartel anunciador da manifestación

Manifestación da industria electrointensiva o 20 de maio

  • Desde o estadio Verónica Boquete ata San Caetano
13.05.2019.

Traballadores e traballadoras da industria electrointensiva galega manifestaranse o vindeiro luns, 20 de maio, en Santiago de Compostela, para esixir unha tarifa eléctrica competitiva.

Pancarta da manifestación central, na Coruña

Milleiros de persoas reclamaron nas rúas galegas que se mire polas súas necesidades e políticas que afronten as carencias sociais

02.05.2019.

Milleiros de persoas, convocadas por CCOO e UGT, saíron ás rúas das cidades e vilas galegas para celebrar este Primeiro de Maio. A cidadanía galega demandou nesta data que "primeiro as persoas" e a necesidade de que o novo Goberno acometa un cambio de políticas co obxecto de garantir máis dereitos, máis igualdade e máis cohesión.

Os comités de empresa chaman á mobilización en defensa da industria en Galicia

Os comités de empresa de Alcoa e Ence chaman á mobilización en defensa da industria

  • Manifestacións o próximo venres, día 26 de abril
23.04.2019.

O próximo venres, 26 de abril, terán lugar dúas importantes manifestación en defensa da industria en Galicia, convocadas polos comités de empresa de Alcoa (A Coruña) e Ence (Pontevedra).

De esquerda a dereita, R. Gurriarán, A. Romero, J .M. Sande e X. M.ª Castro | Foto: CCOO

Presentación de «A cultura e o asociacionismo cívico na Coruña»

  • O obxecto desta publicación é dar a coñecer e divulgar os alicerces e itinerarios dos movementos asociativos culturais e de creación artística, fóra ou non do marco «oficialista» do franquismo
12.04.2019.

A Fundación 10 de Marzo de CCOO (F10M) deu ao prelo o libro 'A cultura e o asociacionismo cívico na Coruña. Entre a oficialidade e a resistencia (1939-1979)', que se presentou o xoves ao serán na libraría Lume da cidade herculina. O acto tamén serviu para renderlle homenaxe ao compañeiro Enrique Veira, un dos fundadores das Comisións Obreiras de Galicia, falecido o pasado mes de xaneiro.

O traballador realizaba as súas funcións nos cemiterios municipais | Foto: cemiterio de Oza (Google)

CCOO logra a transformación en interino dun traballador temporal do Concello da Coruña contratado en fraude de lei

  • O contrato do denunciante era de persoal temporal funcionario por acumulación de tarefas, pero a sentenza dálle a razón ao sindicato e considera que lle corresponde ser interino por causas estruturais
08.04.2019.

Os servizos xurídicos de Comisións Obreiras (CCOO) logran a transformación en interino dun traballador temporal do Concello da Coruña que estaba contratado en fraude de lei para o labor de atención dos cemiterios municipais. O contrato do denunciante era de persoal temporal funcionario por acumulación de tarefas, pero o Xulgado do Contencioso-Administrativo n.º 2 da Coruña dálle a razón ao sindicato e considera que lle corresponde un contrato de interinidade por causas estruturais. A sentenza tamén obriga a Administración local a readmitilo e a pagarlle máis dun ano de salarios.

Concentración de hoxe en Madrid

O persoal de Alcoa esíxelle ao Goberno que cumpra a súa palabra

  • Este mediodía houbo unha concentración fronte ao Congreso dos Deputados
  • Na protesta vivíronse algúns momentos de tensión con axentes antidisturbios, aos que se respondeu clamando «somos obreiros, non ultras»
28.03.2019.

As traballadoras e traballadores de Alcoa na Coruña e Avilés deron hoxe en Madrid unha «lección de dignidade e loita obreira», en opinión de dirixentes de CCOO que participaron na concentración diante do Congreso dos Deputados. A protesta fora convocada para esixirlle ao Goberno de España «que cumpra coa súa palabra».

CCOO segue a colleitar resultados positivos

CCOO gaña as eleccións sindicais en Telyco e no persoal laboral da Consellaría da Presidencia

26.03.2019.

A Federación de Servizos á Cidadanía de CCOO de Galicia informa da vitoria do sindicato nas eleccións sindicais celebradas en Telyco (tendas de Movistar) e no persoal laboral da Consellaría da Presidencia da Xunta de Galicia. En ambos os dous casos, o ámbito electoral foi a provincia da Coruña.

Buscar noticias anteriores

Buscar noticias anteriores

Data: