Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Pancarta da manifestación central, na Coruña

Milleiros de persoas reclamaron nas rúas galegas que se mire polas súas necesidades e políticas que afronten as carencias sociais

02.05.2019.

Milleiros de persoas, convocadas por CCOO e UGT, saíron ás rúas das cidades e vilas galegas para celebrar este Primeiro de Maio. A cidadanía galega demandou nesta data que "primeiro as persoas" e a necesidade de que o novo Goberno acometa un cambio de políticas co obxecto de garantir máis dereitos, máis igualdade e máis cohesión.

CCOO esixe solucións e volverá facer achegas ao proxecto do Ministerio

CCOO-Industria lamenta que o Ministerio expoña indefinicións e incertezas moi preocupantes para o sector

20.03.2019.

O Ministerio de Industria presentou a consulta pública un borrador do Estatuto de consumidores electrointensivos que non achega as solucións que agardaba CCOO; ben ao contrario, expón indefinicións e incertezas moi preocupantes para o sector. O sindicato volverá presentar as súas alegacións para garantir un marco enerxético estable, con custos acordes á realidade que permitan mellorar a competitividade industrial.

O persoal de Alcoa en Galicia e Asturias esixe solucións

Galicia e Asturias únense en defensa do emprego en Alcoa

  • A marcha partiu das dúas marxes do río Eo e confluíu na localidade asturiana da Veiga, limítrofe coa provincia de Lugo
19.12.2018.

Este mércores, 19 de decembro, Galicia e Asturias protagonizaron unha manifestación conxunta en defensa dos postos de traballo en Alcoa, tanto nas factorías da Coruña como de Avilés, ameazadas de peche pola multinacional estadounidense.

Na fotografía, manifestación o pasado mes de novembro contra o peche de Alcoa-A Coruña

Alcoa-San Cibrao únese á folga do día 19

  • Haberá unha manifestación desde Ribadeo (Galicia) e Castropol (Asturias) que rematará na localidade asturiana da Veiga
13.12.2018.

Case por unanimidade, o persoal de Alcoa-San Cibrao aprobou hoxe sumarse á folga convocada para o vindeiro mércores, 19 de decembro. Con este xesto solidarízanse coas reivindicacións dos compañeiros e compañeiras das factorías da Coruña e de Avilés, cuxas plantas están ameazadas de peche.

Ramón Sarmiento, secretario xeral de CCOO

CCOO prevé mobilizacións no outono para esixir un salario mínimo por convenio de mil euros mensuais

02.09.2018.

O secretario xeral do Sindicato Nacional de CCOO de Galicia, Ramón Sarmiento, prevé mobilizacións no outono para esixir un salario mínimo por convenio de mil euros mensuais. Así o afirmou esta mañá na entrevista concedida á Radio Galega. Sarmiento apuntou que, a partir de setembro, instará a Federación Galega de Municipios e Provincias (FEGAMP), a patronal e as distintas Administracións (incluída a Xunta) a negociar arredor deste obxectivo, recollido no IV Acordo para o Emprego e a Negociación Colectiva asinado o pasado mes de xullo.

Cartel chamando ás mobilizacións

CCOO e UGT chaman á mobilización este domingo nas cidades e vilas galegas para demandar unhas pensións dignas

  • Concentracións e manifestacións na Coruña, Ferrol, Santiago, Lugo, Viveiro, Foz, Ourense, O Barco, Vilagarcía, O Grove, Pontevedra e Vigo
12.04.2018.

O Sindicato Nacional de CCOO de Galicia e UGT-Galicia chaman a cidadanía a participar o próximo domingo, día 15, nas mobilizacións convocadas nas cidades e vilas galegas para demandar unhas pensións dignas. Afirman que o Goberno debe rectificar e revalorizar as pensións para garantir o seu poder adquisitivo e a viabilidade do sistema público de pensións.

CCOO e UGT salientan o carácter «histórico» da folga de hoxe

CCOO e UGT congratúlanse do «éxito» da folga e da participación «masiva» nas mobilizacións

  • Masivo seguimento dos paros de dúas horas, especialmente en grandes empresas e administracións públicas. Tamén participación masiva nas mobilizacións da mañá
08.03.2018.

O Sindicato Nacional de CCOO de Galicia e UGT-Galicia congratúlanse do «éxito» da folga convocada hoxe polo sindicalismo de clase. O seguimento dos paros de dúas horas foi masivo, especialmente en grandes empresas e administracións públicas. Polo de agora, non houbo incidentes salientables nin no paro que da madrugada (entre as 00:00 e as 02:00), nin tampouco ao mediodía (das 12:00 ás 14:00). As secretarias da muller de UGT e CCOO, Mónica Rodríguez e Mamen Sabio, respectivamente, piden que a participación tamén sexa «masiva» na derradeira quenda da folga (entre as 19:30 e as 21:30), así como nas manifestacións convocadas polo movemento feminista galego para este serán.

Imaxe da manifestación de Vigo

Pensionistas e xubilados de CCOO e UGT volveron saír ás rúas para esixir pensións dignas

  • Esixen a recuperación do poder adquisitivo das pensións e rexeitan a «miserable» suba do 0,25 %
01.03.2018.

Pensionistas e xubilados do Sindicato Nacional de CCOO de Galicia e de UGT-Galicia protagonizaron este xoves protestas na Coruña, Ferrol, Santiago de Compostela, Lugo, Foz, Viveiro, Ourense, O Barco de Valdeorras, Pontevedra e Vigo para denunciar a «miserable» suba das pensións de só o 0,25 %.

CCOO e UGT convocan manifestacións en toda Galicia o Primeiro de Maio

CCOO e UGT chaman á mobilización o Primeiro de Maio para reforzar a loita contra a precariedade e a desigualdade

  • Os dous sindicatos convocan varias manifestacións en Galicia baixo o lema «Primeiro as persoas»
30.04.2019.

O Sindicato Nacional de CCOO de Galicia e a Unión Xeral de Traballadores de Galicia fan un chamamento á mobilización o Primeiro de Maio para reforzar a loita contra a precariedade e a desigualdade. Os dous sindicatos convocan varias manifestacións na comunidade autónoma baixo o lema «Primeiro as persoas», coa intención de «encher as rúas a favor do emprego de calidade» e instar á conformación dun Goberno no Estado que aborde «con urxencia» unha axenda social. Nesta xornada reivindicativa, os secretarios xerais de ambas as organizacións participarán na marcha convocada na Coruña.

CCOO amosa a súa preocupación pola incerteza do persoal do centro de día de Foz respecto do seu futuro

  • O sindicato critica que as traballadoras e traballadores aínda non teñan noticias, malia o «inminente» traslado a unhas novas instalacións e, ademais, unha nova entidade vaise facer cargo da concesión
14.03.2019.

Comisións Obreiras (CCOO) amosa a súa preocupación pola situación de incerteza laboral que está a vivir todo o persoal da residencia e centro de día de Foz, xestionado na actualidade pola a Asociación Edad Dorada Mensajeros de la Paz. O sindicato fai público o seu malestar cos actuais xestores, tanto pola falta de información sobre o traslado das instalacións, como sobre a subrogación do persoal tras gañar outra entidade o concurso público.

Nova manifestación polas rúas da Coruña

Nova manifestación do persoal de Alcoa-A Coruña

  • O mércores 19, nova mobilización, desta vez desde Ribadeo e Castropol ata A Veiga
15.12.2018.

O persoal de Alcoa na Coruña volveunse manifestar o venres en defensa dos postos de traballo na factoría de aluminio coruñesa. Nesta mobilización contaron coa participación dunha representación da planta asturiana de Avilés, tamén ameazada co peche.

Continúan as mobilizacións en defensa das pensións

CCOO e UGT convocan concentracións para que se garantan os dereitos das persoas maiores

  • Con motivo do Día Internacional das Persoas Maiores, ambos os dous sindicatos esixen a revalorización das prestacións para combater o empobrecemento dos pensionistas
28.09.2018.

Co gallo do Día Internacional das Persoas Maiores, CCOO e UGT convocan a próxima semana concentracións en todo o Estado. En Galicia terán lugar o martes, 2 de outubro. Con esta acción, ambos os sindicatos denuncian que as medidas adoptadas para combater a crise só axudaron a empobrecer amplos sectores da poboación, especialmente as persoas de máis idade.

Manifestación do Primeiro de Maio na Coruña

Milleiros de persoas saen ás rúas de Galicia nas manifestacións convocadas por CCOO e UGT no Primeiro de Maio

  • Os secretarios xerais dos dous sindicatos afirmaron que para a clase traballadora é «tempo de gañar» dereitos laborais e sociais recortados durante os anos da crise
01.05.2018.

Milleiros de persoas saíron este martes ás rúas de Galicia nas manifestacións convocadas por CCOO e UGT no Primeiro de Maio baixo lema «Tempo de gañar». Precisamente, os secretarios xerais das dúas organizacións, Ramón Sarmiento e José Antonio Gómez, respectivamente, lembraron que para a clase traballadora é «tempo de gañar» dereitos laborais e sociais recortados durante os anos da crise. Desde Vigo, Gómez e Sarmiento reclamaron mellor emprego, maiores salarios, pensións dignas e máis igualdade.

Pancarta da manifestación de Ourense, onde estiveron os secretarios xerais de CCOO e UGT

CCOO e UGT convocaron en toda Galicia mobilizacións «en confluencia» para defender as pensións

  • Por unhas pensións dignas, pola recuperación do seu poder adquisitivo e contra a «miserable» suba do 0,25 %
  • Os secretarios xerais de CCOO e UGT, Ramón Sarmiento e José Antonio Gómez, participaron na manifestación de Ourense
17.03.2018.

Pensionistas e xubilados do Sindicato Nacional de CCOO de Galicia e de UGT-Galicia convocaron este sábado mobilizacións na Coruña, Ferrol, Santiago, Lugo, Ourense, Pontevedra, Vigo, Vilagarcía de Arousa, Viveiro, Foz, Ribeira, O Grove e O Barco de Valdeorras. Nestas protestas confluiron con outras organizacións, nomeadamente asociacións de persoas pensionistas, para demandar prestacións dignas e a recuperación do poder adquisitivo das pensións e mais denunciar a «miserable e irrisoria» suba do 0,25 %.

CCOO chama a facer da folga un éxito

CCOO e UGT chaman a cidadanía galega a secundar a folga de dúas horas por quenda este 8M e a participar nas mobilizacións convocadas

  • O 8 de Marzo ten que converterse nunha xornada de loita contra a precariedade laboral das mulleres, a brecha salarial e o acoso e a violencia de xénero
07.03.2018.

As comisións executivas do Sindicato Nacional de CCOO e UGT-Galicia chaman a cidadanía galega a secundar a folga de dúas horas por quenda convocada para mañá, día 8 de Marzo, contra a brecha salarial, a precariedade laboral das mulleres e o acoso e a violencia de xénero.

Buscar noticias anteriores

Buscar noticias anteriores

Data: