Sindicato Nacional de CCOO de Galicia

Sindicato Nacional de CCOO de Galicia
25 de novembro, Día Internacional para a Eliminación da Violencia contra as Mulleres
Fotografía de arquivo dunha protesta do persoal de Navantia durante a botadura dun barco

O convenio único e o plan estratéxico de Navantia despexan o futuro dos estaleiros públicos

05.12.2018.

Os sindicatos CCOO-Industria e UGT-FICA asinaron a acta final da negociación do convenio único de Navantia. Nos vindeiros días, os traballadores e as traballadoras e a propia Administración decidirán se dan o visto e prace. Isto, xunto coa presentación do plan estratéxico 2019-2020, permiten despexar o futuro dos estaleiros públicos.

Continúan as mobilizacións en defensa das pensións

CCOO e UGT convocan concentracións para que se garantan os dereitos das persoas maiores

  • Con motivo do Día Internacional das Persoas Maiores, ambos os dous sindicatos esixen a revalorización das prestacións para combater o empobrecemento dos pensionistas
28.09.2018.

Co gallo do Día Internacional das Persoas Maiores, CCOO e UGT convocan a próxima semana concentracións en todo o Estado. En Galicia terán lugar o martes, 2 de outubro. Con esta acción, ambos os sindicatos denuncian que as medidas adoptadas para combater a crise só axudaron a empobrecer amplos sectores da poboación, especialmente as persoas de máis idade.

CCOO saúda o novo convenio

A Federación de Construción e Servizos de CCOO asina o convenio de derivados do cemento da Coruña 2017-2020

  • A suba salarial terá efectos retroactivos ao 1 de xaneiro do 2017 e os atrasos serán aboados após a publicación do convenio
27.07.2018.

A Federación de Construción e Servizos de CCOO asinou o convenio de derivados do cemento da provincia da Coruña para o período 2017-2020. Este convenio recolle melloras económicas por riba do IPC, amais de novidades en materia de licenzas, calendario laboral ou pólizas de accidentes.

Fotografía de arquivo dunha manifestación de Correos en Galicia

CCOO iniciou en Santiago de Compostela as mobilizacións contra os recortes en Correos

  • A maioría sindical continuará coas mobilizacións ata final de ano, cando se prevén varias xornadas de folga se o Goberno central non rectifica
05.07.2018.

Comisións Obreiras (CCOO), sindicato maioritario en Correos, iniciou hoxe en Santiago de Compostela as mobilizacións contra os recortes no operador postal público. Esta mañá, ducias de traballadores e traballadoras concentráronse na capital galega diante da dirección da zona 1 de Correos. Alí procedeuse á lectura e entrega dun manifesto coas reivindicacións do persoal, entre as que destacan a defensa do servizo público e a esixencia dun novo acordo laboral.

CCOO atribúe os resultados á campaña sindical contra os incumprimentos no sector | Foto: clece.es

CCOO logra toda a representación sindical na empresa Clece en Ferrol

  • Consegue as tres delegadas que se elixían e faino, ademais, con case o cen por cento dos votos
19.06.2018.

Comisións Obreiras (CCOO) logrou toda a representación sindical na empresa Clece en Ferrol, dedicada ao sector da axuda a domicilio. A candidatura do sindicato obtivo as tres delegadas que elixían e conseguiuno, ademais, con case o cen por cento dos votos.

Manifestación do Primeiro de Maio na Coruña

Milleiros de persoas saen ás rúas de Galicia nas manifestacións convocadas por CCOO e UGT no Primeiro de Maio

  • Os secretarios xerais dos dous sindicatos afirmaron que para a clase traballadora é «tempo de gañar» dereitos laborais e sociais recortados durante os anos da crise
01.05.2018.

Milleiros de persoas saíron este martes ás rúas de Galicia nas manifestacións convocadas por CCOO e UGT no Primeiro de Maio baixo lema «Tempo de gañar». Precisamente, os secretarios xerais das dúas organizacións, Ramón Sarmiento e José Antonio Gómez, respectivamente, lembraron que para a clase traballadora é «tempo de gañar» dereitos laborais e sociais recortados durante os anos da crise. Desde Vigo, Gómez e Sarmiento reclamaron mellor emprego, maiores salarios, pensións dignas e máis igualdade.

No acto estivo presente o secretario xeral de CCOO, Ramón Sarmiento

Ferrol homenaxea os obreiros do naval que plantaron cara ao fascismo

  • Entre 1936 e 1939, numerosos operarios foron asasinados polos franquistas
14.04.2018.

Ferrol acolleu hoxe unha homenaxe aos obreiros do naval que plantaron cara ao fascismo, acto no que estivo presente o secretario xeral do Sindicato Nacional de CCOO, Ramón Sarmiento. Así mesmo, presentouse unha placa que recoñece aos operarios asasinados polos franquistas entre 1936 e 1939. Polo de agora hai trinta e oito vítimas identificadas, vítimas dos fusilamentos sumarios.

Pancarta da manifestación de Ourense, onde estiveron os secretarios xerais de CCOO e UGT

CCOO e UGT convocaron en toda Galicia mobilizacións «en confluencia» para defender as pensións

  • Por unhas pensións dignas, pola recuperación do seu poder adquisitivo e contra a «miserable» suba do 0,25 %
  • Os secretarios xerais de CCOO e UGT, Ramón Sarmiento e José Antonio Gómez, participaron na manifestación de Ourense
17.03.2018.

Pensionistas e xubilados do Sindicato Nacional de CCOO de Galicia e de UGT-Galicia convocaron este sábado mobilizacións na Coruña, Ferrol, Santiago, Lugo, Ourense, Pontevedra, Vigo, Vilagarcía de Arousa, Viveiro, Foz, Ribeira, O Grove e O Barco de Valdeorras. Nestas protestas confluiron con outras organizacións, nomeadamente asociacións de persoas pensionistas, para demandar prestacións dignas e a recuperación do poder adquisitivo das pensións e mais denunciar a «miserable e irrisoria» suba do 0,25 %.

CCOO asinou o novo convenio

CCOO asina o convenio colectivo do comercio vario da provincia da Coruña

  • Máis de 15.000 traballadores e traballadoras terán beneficios económicos e laborais grazas ao novo marco colectivo
30.11.2018.

A Federación de Servizos de CCOO de Galicia asinou o convenio colectivo do sector do comercio vario da provincia da Coruña. Grazas ao novo marco, máis de 15.000 traballadores e traballadoras terán beneficios económicos e laborais. Dentro ámbito forman parte o comercio téxtil, pel, material de construción, pinturas e vernices, material eléctrico e electrónico, ópticas, reloxaría, xoiaría, automóvil, ferretarías ou cadeas multiprezos. A vixencia do novo convenio será para os anos 2016-2019, con cláusula de ultraactividade e prórroga no caso de que ningunha das partes o denuncie.

Fotografía de arquivo dunha protesta do persoal de Navantia durante a botadura dun barco

Anular o contrato de cinco corvetas provocará un auténtico drama en Navantia

  • CCOO esíxelle ao Goberno do Estado que confirme se o programa de Arabia Saudita se mantén en pé
11.09.2018.

CCOO esíxelle ao Goberno do Estado celeridade na procura dunha solución ao conflito que xerou en Navantia. O sindicato pídelle á ministra de Defensa garantías de que se fabricarán nos estaleiros españois as cinco corvetas que encargara Arabia Saudita. Tamén reclama recibir información permanente do que ocorra a partir de agora, con transparencia e sen ambigüidades.

O comité de folga chegou a un acordo coa empresa para desconvocar os paros

Desconvocada a folga nos despachos de billetes de Renfe após a empresa aceptar as reivindicacións

  • O comité denunciara sobrecarga de traballo do persoal e reiterados fallos dos equipos informáticos, entre outras eivas
20.07.2018.

O comité de Renfe da provincia da Coruña chegou esta semana a un acordo coa empresa que permite desconvocar os trece días de folga nos despachos de billetes. Os paros ían comezar o próximo domingo, día 22, e continuarían durante varias datas entre os meses de xullo e setembro.

Mobilizacións no comercio vario da Coruña e do comercio téxtil de Ourense no primeiro día de rebaixas

  • «As rebaixas, nos prezos, non nos nosos dereitos», advirten os sindicatos
27.06.2018.

O sector do comercio vario da provincia da Coruña e o comercio téxtil da provincia de Ourense mobilizaranse o próximo venres, día 29 de xuño, cadrando co inicio das rebaixas. Os sindicatos Comisións Obreiras (CCOO), UGT e CIG, que promoven as mobilizacións, denuncian que as patronais de ambos os dous sectores pretenden «condenar» os traballadores e traballadoras «a salarios conxelados ou de miseria». «As rebaixas, nos prezos, non nos nosos dereitos», advirten.

CCOO, UGT e CIG convocan asembleas o martes, 29 de maio, para o persoal do comercio vario da provincia da Coruña

  • Os sindicatos rexeitan a pretensión da patronal de eliminar o dereito das traballadoras e traballadores a cobraren o salario íntegro en casos de incapacidade temporal
28.05.2018.

CCOO, CIG e UGT rexeitan as pretensións da patronal do comercio vario da provincia da Coruña de recortar dereitos na negociación do novo convenio. Os sindicatos salientan especialmente a teima das empresas do sector en eliminar o dereito do persoal a cobrar o salario íntegro en casos de incapacidade temporal. O aspecto salarial tamén é relevante, xa que os soldos non se actualizan desde xuño do 2015 e a oferta empresarial é só do 1 %, sen incluír atrasos de anos anteriores.

Asembleas de CCOO

CCOO convoca asembleas previas ao Día da Saúde Laboral e o Primeiro de Maio

  • Haberá tamén concentracións pola negociación colectiva e contra os abusos das mutuas de traballo
20.04.2018.

O Sindicato Nacional de CCOO de Galicia convoca asembleas previas ao Día Internacional da Seguridade e a Saúde no Traballo (28 de abril) e o Primeiro de Maio. Após algunhas das asembleas haberá tamén concentracións en defensa da negociación colectiva e contra os abusos das mutas de traballo.

Cartel chamando ás mobilizacións

CCOO e UGT chaman á mobilización este domingo nas cidades e vilas galegas para demandar unhas pensións dignas

  • Concentracións e manifestacións na Coruña, Ferrol, Santiago, Lugo, Viveiro, Foz, Ourense, O Barco, Vilagarcía, O Grove, Pontevedra e Vigo
12.04.2018.

O Sindicato Nacional de CCOO de Galicia e UGT-Galicia chaman a cidadanía a participar o próximo domingo, día 15, nas mobilizacións convocadas nas cidades e vilas galegas para demandar unhas pensións dignas. Afirman que o Goberno debe rectificar e revalorizar as pensións para garantir o seu poder adquisitivo e a viabilidade do sistema público de pensións.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros