Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus
Pancarta de cabeceira da manifestación en Ferrol

10 de Marzo: «Hoxe está aquí o corazón da clase obreira galega»

11.03.2020.

O acto central do Día da Clase Obreira Galega foi a manifestación que tivo lugar o martes en Ferrol, na que CCOO fixo visibles os principais conflitos, especialmente os que atanguen os sectores industriais. «Hoxe está aquí o corazón da clase obreira galega», exclamou o secretario xeral do sindicato, Ramón Sarmiento, ante os centos de persoas congregadas no Cantón, lugar onde rematou a marcha.

De esq. a der., Maica Bouza, Ramón Sarmiento e Xan María Castro

CCOO presentou os actos do Día da Clase Obreira Galega coa ollada posta na grave crise industrial que padece o país

  • O sindicato e a súa fundación homenaxearán as traxectorias de compromiso e loita de Palmyre Ros, Berta Trigo e Plácido Cal
28.02.2020.

O Sindicato Nacional de CCOO de Galicia presentou hoxe os actos conmemorativos do 10 de Marzo, Día da Clase Obreira Galega. O secretario xeral, Ramón Sarmiento, apuntou que este ano se desenvolverá nun contexto singular, marcado por unha profunda crise industrial e pola convocatoria de eleccións ao Parlamento galego.

Intervención de Víctor Ledo durante a conferencia de prensa desta mañá

CCOO-Industria estima que o estatuto de consumidores electrointensivos é «claramente insuficiente»

  • Para o sindicato e os comités de empresa de Aluibérica e Alcoa, o proxecto «decepciona e preocupa»
17.02.2020.

A Federación de Industria de CCOO coida «claramente insuficiente» o estatuto de consumidores electrointensivos. Para o sindicato e os comités de empresa de Aluibérica (antiga Alcoa-A Coruña) e de Alcoa-San Cibrao, o proxecto «decepciona e preocupa», pois non recolle as medidas de estabilidade e competitividade reclamadas para o sector.

CCOO, contra as violencias machistas

CCOO chama a participar nas concentracións contra o último asasinato machista

  • Hai convocadas máis de corenta concentracións para a tarde deste luns, 10 de febreiro
10.02.2020.

O Sindicato Nacional de CCOO en Galicia chama a participar nas concentracións convocadas para a tarde deste luns 10 de febreiro, para rexeitar o último asasinato machista, que tivo lugar en Lugo. CCOO reitera o seu rotundo e total rexeitamento ás violencias contra as mulleres, a expresión máis dramática e cruel das desigualdades materiais e culturais que persisten, dirixidas a atacar a liberdade, a seguridade, a autonomía das mulleres e a mantelas nunha inxusta situación de inferioridade.

Concentracións este luns contra o primeiro asasinato machista do ano en Galicia

27 de xaneiro: máis de trinta concentracións para rexeitar o asasinato machista da Pastoriza

  • Nas sete cidades e en numerosas vilas
27.01.2020.

O movemento feminista galego, do que forma parte o Sindicato Nacional de CCOO de Galicia, convoca para a tarde deste luns, 27 de xaneiro, máis de trinta concentracións en todo país. Con estas protestas quérese rexeitar o asasinato machista cometido o sábado no concello lugués da Pastoriza, o primeiro no que vai de ano.

CCOO é o primeiro sindicato en representación nas deputacións provinciais galegas

CCOO é o primeiro sindicato en representación nas deputacións provinciais galegas

  • Comisións Obreiras gañou as eleccións sindicais no conxunto do persoal laboral e funcionario e ten unha representación do 40 %, case o dobre que o segundo sindicato
22.01.2020.

Rematado o proceso de eleccións sindicais nas deputacións provinciais galegas, Comisións Obreiras (CCOO) revalida a súa condición de primeiro sindicato en representación. No conxunto do persoal laboral e funcionario, esta organización ten o 40 % de delegados e delegadas, case o dobre que o segundo sindicato.

O profesorado saíu á rúa para esixir a recuperación do horario previo aos recortes do 2012

O profesorado galego esixe a recuperación do horario previo ao 2012

  • «Non queremos traballar menos: queremos traballar mellor», sinalan os sindicatos do ensino
22.11.2019.

CCOO-Ensino e as outras organizacións con representación no ámbito concentráronse o xoves nas sete cidades do país para esixir a recuperación dos horarios lectivos de 21 horas en primaria e de 18 en secundaria, isto é, os horarios previos aos recortes do ano 2012. «Non queremos traballar menos: queremos traballar mellor», afirman os representantes do profesorado.

Xornada reivindicativa do persoal da sanidade galega

O persoal sanitario protestou á porta dos hospitais para esixir o aumento de nivel profesional e retributivo

  • A Federación de Sanidade de CCOO iniciou hai meses unha campaña reivindicativa para que o Goberno do Estado revise o sistema de cualificacións e clasificación profesional no ámbito
06.11.2019.

O persoal sanitario galego protestou hoxe á porta dos hospitais para esixir o aumento de nivel profesional e retributivo. A Federación de Sanidade de CCOO iniciou hai meses unha campaña reivindicativa de alcance estatal para que o Goberno central revise o sistema de cualificacións e clasificación profesional no ámbito.

Recepcion dos liberados do Proceso dos 23 de Ferrol / Foto: Arquivo persoal de Fina Varela

Remata a primeira fase da longametraxe sobre o 10 de Marzo, na que colabora CCOO

10.03.2020.

A principios de mes rematou a primeira fase de rodaxe da longametraxe documental "Galicia 10 de marzo", na que colabora o Sindicato Nacional de CCOO de Galicia. A fita céntrase nos tráxicos feitos acontecidos en Ferrol en 1972 e que deron pé ao establecemento desa data como Día da Clase Obreira Galega.

Actos de CCOO polo 10 de Marzo

10 de Marzo: Día da Clase Obreira Galega

26.02.2020.

O próximo 10 de Marzo, Día da Clase Obreira Galega, CCOO manifestarase en Ferrol baixo o lema «Memoria de loita e traballo», coa que se porá o ramo a varias semanas de traballo sindical que incluíron diversos actos e asembleas en todas as comarcas.

Concentración no campus da Coruña

Concentracións nos campus contra a privatización da universidade

  • Convocadas pola Plataforma Galega en Defensa da Universidade Pública
11.02.2020.

A Plataforma Galega en Defensa da Universidade Pública, integrada polos sindicatos CCOO, CIG e UGT, xunto coas organizacións estudantís Erguer, Anega, Acción Universitaria e Sindicato de Estudantes, convocou concentracións este martes para rexeitar a creación dunha universidade privada.

O operario traballaba nunha tala forestal | Foto: Pixabay

CCOO lamenta o falecemento dun traballador nunha talla forestal no concello de Cabanas

  • O sindicato insta a «extremar as precaucións» e a «non escatimar» medidas de prevención
31.01.2020.

O Sindicato Nacional de CCOO de Galicia traslada as súas condolencias a familiares, compañeiros e compañeiras e amizades do traballador que o xoves perdeu a vida nun accidente laboral no concello de Cabanas (comarca de Ferrol). Segundo as informacións que se coñecen ata o momento, o operario perdeu a vida durante unha talla forestal, cando lle caeu unha póla na cabeza.

CCOO gaña as eleccións sindicais en Correos

CCOO ratifica a súa condición de primeiro sindicato en Correos tras vencer tamén na provincia da Coruña

  • O sindicato ten o 36,1 % dos delegados e delegados da empresa na provincia e o 38,6 % en Galicia
24.01.2020.

Comisións Obreiras (CCOO) ratifica a súa condición de primeiro sindicato en Correos tras gañar tamén as eleccións sindicais na provincia da Coruña. As votacións tiveron lugar o xoves desta semana, mentres que nas restantes tres provincias xa foran a mediados do pasado mes de decembro.

Cartel anunciador da manifestación

Manifestación, o 28 de novembro, pola reindustrialización das comarcas de Ferrol, Eume e Ortegal

  • Partirá ás 20 horas da praza de España de Ferrol
22.11.2019.

CCOO, UGT e CIG convocan conxuntamente unha manifestación para a vindeira semana, o 28 de novembro, pola reindustrialización das comarca de Ferrol, Eume e Ortegal. Os sindicatos toman a iniciativa ante os peches xa coñecidos de diferentes industrias, así como as ameazas que axexan a outros sectores. A marcha partirá ás 20 horas da praza de España de Ferrol.

Un momento da manifestación da Coruña

Galicia sae á rúa en solidariedade con Bolivia e a democracia

  • CCOO implicouse na organización destas mobilizacións, nas que se esixiu a restauración da democracia en Bolivia
21.11.2019.

O Sindicato Nacional de Comisións Obreiras de Galicia (CCOO) implicouse nas concentracións que houbo este xoves, 21 de novembro, en apoio ao pobo boliviano. O sindicato insiste en que o acontecido en Bolivia responde á definición de golpe de Estado, xa que o presidente lexítimo, Evo Morales, foi forzado polas forzas armadas a deixar o poder. Ao tempo, vulneráronse as normas legais para a sucesión, todo no medio dunha espiral de violencia e represión armada de calquera tipo de protesta.

Buscar noticias anteriores

Buscar noticias anteriores

Data: