Sindicato Nacional de CCOO de Galicia

Sindicato Nacional de CCOO de Galicia
Conferencia de Xuventude de Galicia
Concentración no campus da Coruña

Concentracións nos campus contra a privatización da universidade

  • Convocadas pola Plataforma Galega en Defensa da Universidade Pública
11.02.2020.

A Plataforma Galega en Defensa da Universidade Pública, integrada polos sindicatos CCOO, CIG e UGT, xunto coas organizacións estudantís Erguer, Anega, Acción Universitaria e Sindicato de Estudantes, convocou concentracións este martes para rexeitar a creación dunha universidade privada.

CCOO rexeita con absoluta contundencia o cartel sexista dun local de Verín que aproveita a consigna «Verín non se pecha»

05.02.2020.

A Secretaría da Muller e Igualdade de CCOO de Ourense-Valdeorras rexeita a exhibición que se fai do corpo da muller no cartel dun local hostaleiro de Verín para publicitar o Xoves de Compadres. Nel móstrase unha muller vestida de enfermeira, utilizándoa como reclamo e engadindo a frase «xa mandaron pediatra», xunto coa referida consigna. «É intolerable para as mulleres», especialmente para aquelas «que estiveron na loita día e noite ata ter de novo servizo de pediatría e sala de partos en Verín».

Concentracións este luns contra o primeiro asasinato machista do ano en Galicia

27 de xaneiro: máis de trinta concentracións para rexeitar o asasinato machista da Pastoriza

  • Nas sete cidades e en numerosas vilas
27.01.2020.

O movemento feminista galego, do que forma parte o Sindicato Nacional de CCOO de Galicia, convoca para a tarde deste luns, 27 de xaneiro, máis de trinta concentracións en todo país. Con estas protestas quérese rexeitar o asasinato machista cometido o sábado no concello lugués da Pastoriza, o primeiro no que vai de ano.

Un momento da proposta deste xoves

O persoal de COASA mobilízase para esixir un convenio «digno»

  • Os sindicatos consideran «insultante» a proposta formulada pola dirección da empresa aeronáutica
17.01.2020.

Os traballadores e traballadoras de COASA, empresa aeronáutica situada no polígono de San Cibrao das Viñas (Ourense), mobilizáronse o xoves para esixir un convenio e unhas condicións de traballo «dignas». As federacións de industria de CCOO, UGT e CIG consideran «insultante» a proposta patronal, que propón incrementar os salarios pouco máis de cinco euros ao mes.

A sentenza recoñécelle á afiliada de CCOO o dereito a percibir a carreira profesional no Consorcio

CCOO gaña unha sentenza sobre o dereito dunha afiliada a percibir a carreira profesional no Consorcio de Igualdade e Benestar

03.12.2019.

Comisións Obreiras (CCOO) informa dunha sentenza que acaba de gañar en primeira instancia, na que se lle recoñece a unha afiliada do sindicato o dereito a percibir a carreira profesional no Consorcio de Igualdade e Benestar.

Fotografía da concentración da Coruña, na que tamén se esixiu a readmisión dun delegado sindical

CCOO e UGT rexeitan diante dos xulgados que se poida despedir un traballador ou traballadora por enfermar

  • O pasado 16 de outubro, o Tribunal Constitucional ditou unha sentenza que permite o despedimento obxectivo por ausencias intermitentes, aínda que sexan xustificadas
27.11.2019.

CCOO e UGT convocaron este mércores concentracións diante das sedes xudiciais da Coruña, Santiago de Compostela, Lugo, Ourense, Pontevedra e Vigo para rexeitar que se poida despedir a alguén por enfermar. As protestas convocáronse como reacción á sentenza emitida o pasado 16 de outubro polo Tribunal Constitucional, que permite o despedimento obxectivo por ausencias intermitentes ao traballo, aínda que sexan xustificadas.

O profesorado saíu á rúa para esixir a recuperación do horario previo aos recortes do 2012

O profesorado galego esixe a recuperación do horario previo ao 2012

  • «Non queremos traballar menos: queremos traballar mellor», sinalan os sindicatos do ensino
22.11.2019.

CCOO-Ensino e as outras organizacións con representación no ámbito concentráronse o xoves nas sete cidades do país para esixir a recuperación dos horarios lectivos de 21 horas en primaria e de 18 en secundaria, isto é, os horarios previos aos recortes do ano 2012. «Non queremos traballar menos: queremos traballar mellor», afirman os representantes do profesorado.

CCOO afirma que a situación é de «absoluta incerteza»

Esíxenlle ao Concello de Ourense unha solución para o servizo de atención a domicilio

18.11.2019.

Un cento de traballadoras do servizo de atención a domicilio (SAD) do Concello de Ourense concentráronse hoxe diante da Casa Consistorial, na praza Maior. Esixen unha solución, xa que o concurso público quedou deserto e a actual concesionaria, Sacyr, informou de que cesará na prestación o 30 de novembro.

CCOO, contra as violencias machistas

CCOO chama a participar nas concentracións contra o último asasinato machista

  • Hai convocadas máis de corenta concentracións para a tarde deste luns, 10 de febreiro
10.02.2020.

O Sindicato Nacional de CCOO en Galicia chama a participar nas concentracións convocadas para a tarde deste luns 10 de febreiro, para rexeitar o último asasinato machista, que tivo lugar en Lugo. CCOO reitera o seu rotundo e total rexeitamento ás violencias contra as mulleres, a expresión máis dramática e cruel das desigualdades materiais e culturais que persisten, dirixidas a atacar a liberdade, a seguridade, a autonomía das mulleres e a mantelas nunha inxusta situación de inferioridade.

Exposición no Museo Etnolóxico de Ribadavia | Fonte: xunta.gal

CCOO lémbralle á Xunta que «a cultura é máis que o Xacobeo» e esixe a reapertura do Museo Etnolóxico de Ribadavia

  • O centro está pechado por falta de persoal, feito que constitúe para CCOO un exemplo do «abandono» dos centros públicos por parte da Consellaría de Cultura
28.01.2020.

Comisións Obreiras (CCOO) lémbralle á Xunta de Galicia que «a cultura é algo máis que o Xacobeo» e esixe a reapertura do Museo Etnolóxico de Ribadavia, que se atopa pechado por falta de persoal. Para o sector da Administración autonómica do sindicato, esta circunstancia é un exemplo do «abandono» dos centros públicos por parte da Consellaría de Cultura. CCOO coida que o peche do museo debe ser «reprobado» polo Concello, xa que se trata de defender «un servizo público que forma parte da cultura de base dos pobos».

CCOO é o primeiro sindicato en representación nas deputacións provinciais galegas

CCOO é o primeiro sindicato en representación nas deputacións provinciais galegas

  • Comisións Obreiras gañou as eleccións sindicais no conxunto do persoal laboral e funcionario e ten unha representación do 40 %, case o dobre que o segundo sindicato
22.01.2020.

Rematado o proceso de eleccións sindicais nas deputacións provinciais galegas, Comisións Obreiras (CCOO) revalida a súa condición de primeiro sindicato en representación. No conxunto do persoal laboral e funcionario, esta organización ten o 40 % de delegados e delegadas, case o dobre que o segundo sindicato.

CCOO denuncia a falta de persoal con que conta a biblioteca | Foto: xunta.gal

CCOO reitera a petición de incrementar o cadro de persoal e mellorar a accesibilidade da Biblioteca Pública de Ourense

  • O sindicato considera positivo o establecemento dunha liña de transporte urbano que facilite o acceso ao espazo cultural de San Francisco pero incide na necesidade de habilitar prazas de aparcamento
16.01.2020.

Comisións Obreiras (CCOO) reitera a petición de incrementar o cadro de persoal da Biblioteca Pública de Ourense, así como mellorar a accesibilidade. Neste senso, o sindicato considera positivo o establecemento dunha liña de transporte urbano que facilite o acceso ao espazo cultural de San Francisco, pero pide prazas de aparcamento para as persoas usuarias e os traballadores e traballadoras. Esta necesidade é máis urxente, se cabe, pola previsión de que en próximas datas se localicen na mesma zona as dependencias do Arquivo Histórico.

Os votos a CCOO aumentaron case un 44%, o que lle permite gañar estas eleccións

CCOO gaña as eleccións sindicais na concesionaria do servizo de axuda a domicilio no Concello de Ourense

27.11.2019.

Comisións Obreiras acaba de gañar as eleccións sindicais na concesionaria do servizo de axuda a domicilio no Concello de Ourense. Estes comicios producíronse nun contexto complicado, a poucos días de cambio de concesionaria e en pleno conflito co Goberno local.

Cartel anunciador das mobilizacións

Mobilizacións o 27 de novembro contra os despedimentos por enfermar

  • Concentracións na Coruña, Santiago de Compostela, Lugo, Ourense, Pontevedra e Vigo
22.11.2019.

CCOO e UGT convocan concentracións o vindeiro mércores, 27 de novembro, en seis cidades galegas para rexeitar a recente sentenza do Tribunal Constitucional que avala os despedimentos por enfermar. Esta resolución, que chega ao aberiro da reforma laboral do PP, dá cobertura legal ao despedimento obxectivo por ausencias intermitentes, mesmo sendo xustificadas, xerou unha grande indignación e alarma social.

Un momento da manifestación da Coruña

Galicia sae á rúa en solidariedade con Bolivia e a democracia

  • CCOO implicouse na organización destas mobilizacións, nas que se esixiu a restauración da democracia en Bolivia
21.11.2019.

O Sindicato Nacional de Comisións Obreiras de Galicia (CCOO) implicouse nas concentracións que houbo este xoves, 21 de novembro, en apoio ao pobo boliviano. O sindicato insiste en que o acontecido en Bolivia responde á definición de golpe de Estado, xa que o presidente lexítimo, Evo Morales, foi forzado polas forzas armadas a deixar o poder. Ao tempo, vulneráronse as normas legais para a sucesión, todo no medio dunha espiral de violencia e represión armada de calquera tipo de protesta.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Igualdade
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros