Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO

Manifestación en Pontevedra o 21 de marzo en defensa da sanidade pública

  • A marcha partirá ás 20 h da praza da Ferrería
20.03.2013.

A Plataforma SOS Sanidade Pública, da que forma parte Comisións Obreiras, convoca unha manifestación en Pontevedra para mañá xoves, día 21 de marzo, en defensa do sistema público de saúde. A marcha partirá ás 20h da praza da Ferrería e rematará diante da Subdelegación do Goberno.

No centro, Juan Zas e Ramón Sarmiento (CCOO), acompañados por delegadas de persoal na Fundación

CCOO denuncia a explotación laboral en Proxecto Home Galicia

  • O sindicato lamenta que a dirección da Fundación manteña as persoas usuarias como «reféns» da mala xestión
  • A Inspección de Traballo obriga a Fundación a pagalles aos traballadores e traballadoras uns 14.000 euros en concepto de salarios e cotizacións sociais non percibidos durante as baixas médicas
04.10.2018.

Comisións Obreiras (CCOO) denuncia explotación laboral na Fundación Monte do Gozo (Proxecto Home Galicia) e reproba que a dirección utilice as persoas usuarias como «reféns» para presionar os seus propios traballadores e traballadoras. Segundo CCOO, ante a crecente mobilización interna en defensa dos dereitos laborais, a dirección da fundación reaccionou pechando dous centros de traballo, causando un grave prexuízo tanto ao seu persoal como ás persoas usuarias.

CCOO pide que as bases helitransportadas sexan xestionadas directamente polo servizo público

CCOO critica o 'peche' das bases de medios aéreos da Xunta, que permaneceron sen helicóptero todo o mes de xuño

  • O sindicato pide reverter estes recursos ao servizo público e que as bases helitransportadas volvan funcionar con propio da Consellaría do Medio Rural
28.06.2018.

O sector da Administración autonómica de CCOO de Galicia critica a ausencia de helicópteros nas bases de medios aéreos da Xunta de Galicia durante todo o mes de xuño, o que equivale na práctica ao seu peche. Mentres están nesta situación as bases helitransportadas de Marroxo (na provincia de Lugo), Vilamaior (Ourense) e O Campiño (Pontevedra), o operativo de medios aéreos está en mans dunha empresa privada.

O novo convenio terá vixencia os anos 2018 e 2019

Asinado o convenio colectivo de comercio de materiais de construción e saneamento da provincia de Pontevedra

08.05.2018.

Tras cinco reunións da mesa negociadora, a comezos deste mes asinouse o convenio colectivo de comercio de materiais de construción e saneamento da provincia de Pontevedra, que terá vixencia nos anos 2018 e 2019.

Manifestación do Primeiro de Maio na Coruña

Milleiros de persoas saen ás rúas de Galicia nas manifestacións convocadas por CCOO e UGT no Primeiro de Maio

  • Os secretarios xerais dos dous sindicatos afirmaron que para a clase traballadora é «tempo de gañar» dereitos laborais e sociais recortados durante os anos da crise
01.05.2018.

Milleiros de persoas saíron este martes ás rúas de Galicia nas manifestacións convocadas por CCOO e UGT no Primeiro de Maio baixo lema «Tempo de gañar». Precisamente, os secretarios xerais das dúas organizacións, Ramón Sarmiento e José Antonio Gómez, respectivamente, lembraron que para a clase traballadora é «tempo de gañar» dereitos laborais e sociais recortados durante os anos da crise. Desde Vigo, Gómez e Sarmiento reclamaron mellor emprego, maiores salarios, pensións dignas e máis igualdade.

CCOO-Ensino anima a aproveitar esta «oportunidade»

CCOO-Ensino explicará as oposicións docentes ao alumnado universitario de todos os campus galegos

  • O sindicato anima a aproveitar a «oportunidade» que representa a oferta pública de emprego do período 2018-2020
19.04.2018.

A Federación do Ensino de CCOO de Galicia explicará as oposicións docentes ao alumnado universitario de todos os campus galegos. As charlas informativas daranse a vindeira semana; con elas, o sindicato procura aclarar dúbidas sobre o acceso á función pública docente tras os cambios que introduciu recentemente o real decreto de acceso.

De esq. a der., Víctor Ledo, Lola Santillana, Ramón Sarmiento e Vicente Canet

CCOO denuncia que máis de 1500 falsos autónomos operan coas grandes industrias cárnicas galegas a través de Servicarne

  • A instancias do sindicato, a Inspección de Traballo ultima actuacións contra esta empresa, que opera con importantes matadoiros en tres provincias galegas
21.03.2018.

O Sindicato Nacional de CCOO de Galicia denuncia que máis de 1500 falsos autónomos operan coas grandes industrias cárnicas galegas a través de Servicarne, que pola súa vez é unha falsa cooperativa. Voceiros do sindicato explicaron esta mañá en conferencia de prensa as actuacións levadas a cabo contra esta empresa, que recibe encargos de importantes matadoiros en tres provincias galegas. Segundo os datos do sindicato, o groso da fraude estaría na provincia de Ourense, con case a metade dos casos, situándose a seguir Lugo e Pontevedra.

Pancarta da manifestación de Ourense, onde estiveron os secretarios xerais de CCOO e UGT

CCOO e UGT convocaron en toda Galicia mobilizacións «en confluencia» para defender as pensións

  • Por unhas pensións dignas, pola recuperación do seu poder adquisitivo e contra a «miserable» suba do 0,25 %
  • Os secretarios xerais de CCOO e UGT, Ramón Sarmiento e José Antonio Gómez, participaron na manifestación de Ourense
17.03.2018.

Pensionistas e xubilados do Sindicato Nacional de CCOO de Galicia e de UGT-Galicia convocaron este sábado mobilizacións na Coruña, Ferrol, Santiago, Lugo, Ourense, Pontevedra, Vigo, Vilagarcía de Arousa, Viveiro, Foz, Ribeira, O Grove e O Barco de Valdeorras. Nestas protestas confluiron con outras organizacións, nomeadamente asociacións de persoas pensionistas, para demandar prestacións dignas e a recuperación do poder adquisitivo das pensións e mais denunciar a «miserable e irrisoria» suba do 0,25 %.

Asinado o preacordo do convenio do comercio de metal da provincia de Pontevedra

  • Establécese a obriga de aplicar o convenio a aquelas empresas multiservizos que traballen no sector
  • Importantes melloras nos aspectos económicos e sociais
19.10.2018.

Despois dun longo proceso, asinouse o preacordo do convenio do comercio de metal da provincia de Pontevedra, que levaba caducado desde o 2014. O principal atranco durante as negociacións foi a pretensión patronal de conxelar a antigüidade. Finalmente, chegouse a acordo neste punto, a cambio de actualizar a cantidade ao devindicado na data de publicación do convenio, máis un 6 % adicional no incremento salarial para todas as categorías.

Continúan as mobilizacións en defensa das pensións

CCOO e UGT convocan concentracións para que se garantan os dereitos das persoas maiores

  • Con motivo do Día Internacional das Persoas Maiores, ambos os dous sindicatos esixen a revalorización das prestacións para combater o empobrecemento dos pensionistas
28.09.2018.

Co gallo do Día Internacional das Persoas Maiores, CCOO e UGT convocan a próxima semana concentracións en todo o Estado. En Galicia terán lugar o martes, 2 de outubro. Con esta acción, ambos os sindicatos denuncian que as medidas adoptadas para combater a crise só axudaron a empobrecer amplos sectores da poboación, especialmente as persoas de máis idade.

Ence Pontevedra

CCOO mellora resultados e sitúase como primeira forza sindical en ENCE

  • O sindicato congratúlase por uns resultados que referendan o seu labor en defensa dos dereitos laborais na empresa
09.05.2018.

Comisións Obreiras mellora resultados e iguala como primeira forza sindical en votos e representación en ENCE (Energía y Celulosa). Nas anteriores eleccións, en 2014, CCOO conseguira catro membros no comité e agora sobe a cinco. Pola súa parte, a UGT, que era o sindicato maioritario, perdeu a metade dos seus representantes, pasando de seis a tres. A Federación de Servizos á Cidadanía de CCOO congratúlase por estes resultados, que referendan o seu labor en defensa dos dereitos laborais na empresa.

Cartel das mobilizacións

A Plataforma en Defensa do Ensino Público de Galicia mobilízase o 8 de maio contra a LOMCE e os recortes

  • Os orzamentos estatais do 2018 propoñen destinar á educación só o 3,8 % do PIB, niveis similares aos de hai máis dun cuarto de século
07.05.2018.

A Plataforma en Defensa do Ensino Público de Galicia, integrada por CCOO-Ensino, FESP-UGT, CONFAPA, Sindicato de Estudantes, IESGA e Escola Viva, convida a toda a comunidade educativa a secundar as mobilizacións previstas para o vindeiro 8 de maio contra a LOMCE e os recortes.

Asembleas de CCOO

CCOO convoca asembleas previas ao Día da Saúde Laboral e o Primeiro de Maio

  • Haberá tamén concentracións pola negociación colectiva e contra os abusos das mutuas de traballo
20.04.2018.

O Sindicato Nacional de CCOO de Galicia convoca asembleas previas ao Día Internacional da Seguridade e a Saúde no Traballo (28 de abril) e o Primeiro de Maio. Após algunhas das asembleas haberá tamén concentracións en defensa da negociación colectiva e contra os abusos das mutas de traballo.

Cartel chamando ás mobilizacións

CCOO e UGT chaman á mobilización este domingo nas cidades e vilas galegas para demandar unhas pensións dignas

  • Concentracións e manifestacións na Coruña, Ferrol, Santiago, Lugo, Viveiro, Foz, Ourense, O Barco, Vilagarcía, O Grove, Pontevedra e Vigo
12.04.2018.

O Sindicato Nacional de CCOO de Galicia e UGT-Galicia chaman a cidadanía a participar o próximo domingo, día 15, nas mobilizacións convocadas nas cidades e vilas galegas para demandar unhas pensións dignas. Afirman que o Goberno debe rectificar e revalorizar as pensións para garantir o seu poder adquisitivo e a viabilidade do sistema público de pensións.

Convocatoria da asemblea

Desconvocada a xornada de folga do 21 de marzo na sanidade privada de Pontevedra

  • Convocada unha asemblea o xoves 22 sobre o convenio nos locais da UGT-Vigo
20.03.2018.

CCOO informa da desconvocatoria da xornada de folga prevista para mañá mércores, día 21 de marzo, na sanidade privada da Provincia de Pontevedra.

Buscar noticias anteriores

Buscar noticias anteriores

Data: