Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Casa do Concello de Arzúa | Foto: P. Lameiro (Wikipedia)

CCOO gaña as eleccións sindicais no Concello de Arzúa

  • Ata hai catro anos Comisións era a segunda forza sindical, pero agora logrou toda a representación
11.06.2019.

O luns, 10 de xuño, celebráronse as eleccións sindicais no Concello de Arzúa, tanto para o persoal laboral (43 traballadores e traballadoras) como para o funcionario (11). Comisións Obreiras gañou estes comicios e fíxoo, ademais, logrando toda a representación: catro delegados e delegadas, por ningún da CIG.

Novo desprendemento do teito deste centro hospitalario

Novo desprendemento no teito do hospital compostelán Gil Casares

  • Son múltiples as denuncias de CCOO polo mal estado de conservación do centro sanitario
03.06.2019.

A sección sindical de CCOO no Complexo Hospitalario de Santiago de Compostela informa dun novo desprendemento no teito do Hospital Gil Casares. O suceso tivo lugar a mañá do pasado venres, cando unha filtración de auga provocou a caída de parte do teito e a inundación dun corredor.

O pasado 24 de maio asinouse o plan definitivo

Asinado o primeiro plan de igualdade das fábricas de taboleiro de Finsa en Galicia

28.05.2019.

O pasado 24 de maio, o comité intercentros de Finsa, formado por CCOO, UGT e USO, ratificou o primeiro plan de igualdade para as fábricas de taboleiro. O dito plan xa fora acordado no mes de abril, no seo da comisión de igualdade.

CCOO seguirá defendendo a reversión dos recortes e privatizacións na sanidade pública

CCOO mellora resultados nas eleccións sindicais do Sergas e sitúase como segunda forza

24.05.2019.

A Federación de Sanidade de CCOO de Galicia salienta a mellora de resultados do sindicato nas eleccións sindicais que se acaban de celebrar no Servizo Galego de Saúde (Sergas). En oito anos, o sindicato pasou de cuarta a terceira forza sindial no sector, e agora sitúase como a segunda.

Un momento da concentración

Técnicos forestais da Xunta concentráronse diante da sede do Goberno galego

16.05.2019.

CCOO, UGT, CSI-F e CIG convocaron este xoves en Santiago de Compostela unha concentración de técnicos forestais da Xunta. Diante da sede do Goberno galego, esixiron a apertura da mesa de negociación das condicións de traballo deste colectivo, vinculado ao Servizo Público de Defensa contra Incendios Forestais.

Na conferencia de prensa salientouse a unidade sindical ao redor das reivindicacións

O persoal do aeroporto de Santiago manifestarase o xoves 16 de maio e fará un pícnic simbólico na terminal compostelá

  • Os representantes sindicais denunciaron que un responsable de AENA deixou aberta a posibilidade de que a cantina do persoal quede sen licitar
14.05.2019.

Traballadoras e traballadores do aeroporto Rosalía de Castro de Santiago de Compostela manifestaranse o xoves, 16 de maio, para esixir o mantemento da cantina do persoal. Se quedan sen este servizo, deberían pagar os mesmos prezos que as persoas usuarias, coa consecuente perda de poder adquisitivo. «Nós non estamos de paso, senón que traballamos alí», insistiron. A marcha partirá ás 11:30 da rotonda do aeroporto e finalizará na terminal compostelá cun pícnic simbólico para denunciar a situación.

CCOO-Ensino sitúase como primeiro sindicato da universidade galega

CCOO-Ensino gaña as eleccións na USC e comparte o primeiro lugar no sistema universitario galego

  • As candidaturas de Comisións Obreiras melloraron resultados en todas as universidades
13.05.2019.

A pasada semana celebráronse as eleccións sindicais nas tres universidades galegas. As candidaturas presentadas por CCOO-Ensino melloraron resultados e permitíronlle ao sindicato ser o único que aumentou a súa presenza. Comisións gañou na Universidade de Santiago de Compostela (USC) e obtivo bos resultados nas da Coruña (UDC) e Vigo (UVigo). Isto permítelle a CCOO colocarse, con 58 delegados e delegadas, como primeiro sindicato do sistema universitario galego, posición compartida coa CIG.

Pancarta da manifestación central, na Coruña

Milleiros de persoas reclamaron nas rúas galegas que se mire polas súas necesidades e políticas que afronten as carencias sociais

02.05.2019.

Milleiros de persoas, convocadas por CCOO e UGT, saíron ás rúas das cidades e vilas galegas para celebrar este Primeiro de Maio. A cidadanía galega demandou nesta data que "primeiro as persoas" e a necesidade de que o novo Goberno acometa un cambio de políticas co obxecto de garantir máis dereitos, máis igualdade e máis cohesión.

Instalacións de Coregal en Santiago de Compostela | Foto: coregal.es

CCOO gaña as eleccións sindicais en Coregal

  • No proceso electoral particiou case o 90 % do persoal
08.06.2019.

A Federación de Construción e Servizos de CCOO gañou por maioría absoluta as eleccións sindicais en Coregal, empresa de xestión de residuos pertencente ao grupo Cogami. Nun proceso en que participou case o 90 % do persoal, a candidatura presentada por Comisións obtivo o 68,53 % dos votos e logrou seis delegados de nove posibles.

Concentración fronte ao Parlamento de Galicia

Técnicos forestais concentráronse diante do Parlamento para esixir a apertura da mesa de negociación

  • Debido á falta de resposta da Consellaría do Medio Rural, fixeron públicas as súas reivindicacións cadrando coa presentación do Plan de prevención e defensa contra os incendios forestais (Pladiga) 2019
29.05.2019.

Técnicos forestais concentráronse na tarde do martes en Santiago de Compostela para esixir a apertura da mesa de negociación, pedida unitariamente polos sindicatos hai máis dun ano. O acto reivindicativo tivo lugar diante do Parlamento de Galicia, aproveitando a presenza do conselleiro do Medio Rural para informar do Pladiga 2019.

CCOO-Ensino volve conseguir toda a representación nas eleccións sindicais do Colexio Manuel Peleteiro

  • Unha vez máis, o sindicato logra os nove delegados e delegadas que compoñen o comité
27.05.2019.

A Federación do Ensino de CCOO volve conseguir toda a representación nas eleccións sindicais que tiveron lugar no Colexio Manuel Peleteiro, en Santiago de Compostela. As candidaturas presentadas por esta organización conseguiron as nove delegadas e delegados que compoñen o comité de empresa do centro educativo.

Pancarta principal da manifestación, pouco antes de comezar o percorrido

A industria electrointensiva maniféstase contra a «grande estafa eléctrica»

  • Denuncian a inacción dos Gobernos autonómico e central, e instan a Pedro Sánchez a aprobar de contado o estatuto para o sector
20.05.2019.

Traballadores e traballadoras das industrias electrointensivas galegas, arroupados por dirixentes sindicais e políticos, manifestáronse hoxe en Santiago de Compostela para reivindicar un marco enerxético estable e competitivo. A marcha, convocada polos comités de empresa de Alcoa da Coruña e San Cibrao, Celsa Atlantic e Ferroatlántica en Sabón e Cee-Dumbría, partiu ás 11 da mañá das proximidades do estadio de San Lázaro e rematou diante da sede da Xunta de Galicia.

Na fotografía, exemplar de Sarcoptes scabiei, parasito que causa a sarna

CCOO denuncia o desleixo da mutua e o «descontrol» ante un brote de sarna nunha residencia de maiores de Santiago

  • O sindicato critica que non se aplicou con celeridade o protocolo de illamento cando se diagnosticou o primeiro caso e que as traballadoras deben pagar o custo do tratamento profiláctico das súas familias
16.05.2019.

Comisións Obreiras (CCOO) denuncia o desleixo da mutua ante un brote de sarna na residencia de maiores Porta do Camiño, en Santiago de Compostela, así como o «descontrol» á hora de aplicar o protocolo de prevención. Segundo o sindicato, en canto se diagnosticou o primeiro caso non se illou decontado a persoa afectada, polo que a día de hoxe hai xa oito casos, e non se descarta que a cifra aumente.

Cartel anunciador da manifestación

Manifestación da industria electrointensiva o 20 de maio

  • Desde o estadio Verónica Boquete ata San Caetano
13.05.2019.

Traballadores e traballadoras da industria electrointensiva galega manifestaranse o vindeiro luns, 20 de maio, en Santiago de Compostela, para esixir unha tarifa eléctrica competitiva.

Reunión do grupo de traballo de CCOO

Creado o grupo de traballo de CCOO no aeroporto de Santiago

12.05.2019.

O pasado día 9 de maio creouse o grupo de traballo de CCOO no Aeroporto de Rosalía de Castro de Santiago de Compostela. Forman parte del as delegadas e delegados de CCOO nas distintas empresas que operan nas instalacións aeroportuarias.

Buscar noticias anteriores

Buscar noticias anteriores

Data: