Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
Un momento da concentración de hoxe

CCOO-Sanidade esixe mellores condicións laborais nas residencias de maiores

08.10.2020.

A Federación de Sanidade de CCOO de Galicia esixe mellores condicións laborais nas residencias de maiores, unha axeitada repartición da carga de traballo e a protección da saúde laboral. Con este obxectivo, o sindicato concentrouse este mediodía diante da sede da Xunta.

A Xustiza repróchalle á USC pola súa falta de vontade negociadora

CCOO logra que a Xustiza recoñeza o dereito do persoal laboral da USC ao fondo de acción social dos anos 2018 e 2019

  • O TSXG repróchalle á Universidade de Santiago a «absoluta falta de vontade negociadora» e condénaa a indemnizar economicamente a Comisións por vulnerar o dereito á negociación colectiva
01.10.2020.

Os servizos xurídicos de Comisións Obreiras (CCOO) acaban de lograr que a Xustiza lle recoñeza ao persoal laboral da Universidade de Santiago de Compostela (USC) o dereito a acceder ás axudas do fondo de acción social dos anos 2018 e 2019. O sindicato denunciara a Universidade por negarse a negociar, a constituír e a realizar achegas ao dito fondo e, de xeito específico, ao plan de pensións dos mencionados exercicios.

Un biombo separa as dúas zonas e unha toalla con lixivia serve para desinfectar o calzado | CCOO

A xerenta da área sanitaria Santiago-Barbanza pon en risco a saúde do persoal e da poboación no Hospital Clínico

  • Desde o pasado día 11, a cuarta planta do complexo é, ao mesmo tempo, zona COVID e non COVID, delimitadas ambas cun biombo e unha toalla con lixivia no chan
16.09.2020.

A Federación de Sanidade de CCOO denuncia que a xerenta da área sanitaria Santiago-Barbanza pon en risco a saúde do persoal e do resto da poboación no Hospital Clínico compostelán. Desde o pasado venres, 11 de setembro, a cuarta planta do complexo é, ao mesmo tempo, zona COVID e non COVID, delimitadas ambas por un biombo e unha toalla con lixivia no chan.

O orzamento só prevé un 0,1% de gasto para material de protección e hixiene

O Tribunal de Contratación acepta as medidas cautelares de CCOO e suspende a licitación do SAD de Santiago

  • O sindicato alertou de que o orzamento da licitación non está adaptado ao contexto da COVID-19, o que representa un risco para a saúde das persoas traballadoras e usuarias
08.09.2020.

A Federación de Construción e Servizos de CCOO congratúlase da decisión adoptada polo Tribunal Administrativo de Contratación Pública de Galicia. O organismo acepta as medidas cautelares solicitadas por este sindicato e suspende a licitación do servizo de axuda a domicilio (SAD) de Santiago de Compostela. Contra esta decisión non cabe recurso ningún, xa que é firme.

Os sindicatos piden a destitución da conselleira de Política Social

Protesta diante da Xunta para pedir a destitución da conselleira de Política Social

  • CCOO, CIG, CSIF e UGT concentráronse diante da sede do Goberno galego e dos centros que dependen do departamento de Fabiola García
16.07.2020.

Os sindicatos CCOO, CIG, CSIF e UGT concentráronse hoxe diante da sede da Xunta para pedir a destitución da conselleira de Política Social, Fabiola García. Así mesmo, por oitava semana consecutiva houbo concentracións diante dos centros de traballo que dependen deste departamento.

Pancarta da mobilización de Vigo

Galicia mobilizouse a prol dun pacto para unha reconstrución social do país que non deixe a ninguén atrás

29.06.2020.

O Sindicato Nacional de CCOO de Galicia e UGT-Galicia convocaron para a fin de semana oito mobilizacións coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír».

Un momento da concentración de hoxe

O comité de empresa de Froiz na provincia da Coruña esixe xornadas de traballo continuas

  • Durante a pandemia, a cadea de distribución xeneralizou as xornadas continuas, pero agora volve á xornada partida ou mixta
26.06.2020.

O comité de empresa de Froiz na provincia da Coruña convocou este mediodía unha concentración na cidade herculina para esixir xornadas de traballo continuas, de xeito que se facilite a conciliación da vida persoal, familiar e laboral.

De esq. a der., Ramón Sarmiento, secretario xeral de CCOO, e J. A. Gómez, secretario xeral de UGT

Oito mobilizacións reivindicarán en Galicia un pacto para unha reconstrución social do país que non deixe a ninguén atrás

  • CCOO e UGT convocan para esta fin de semana sete concentracións e unha manifestación
25.06.2020.

O Sindicato Nacional de CCOO de Galicia e UGT-Galicia convocan oito mobilizacións para esta fin de semana coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír». Tamén se redactou un manifesto, apoiado por personalidades do mundo social e da cultura de todo o Estado que se xuntaron para reivindicar un gran pacto para a reconstrución social dun país inmerso na crise causada pola pandemia da COVID-19.

No centro, Jéssica Vidal, delegada de CCOO. Acompáñana Carmen Villar e Ricardo Santos, da Federación

O Concello de Santiago deberá aumentar a contía destinada á prevención da COVID-19 na licitación da axuda no fogar

  • O Tribunal de Contratación Pública de Galicia coida «razoados» os cálculos de CCOO, que multiplican por 28 o orzamento inicial, ata situarse en máis de 150.000 euros
02.10.2020.

O Tribunal de Contratación Pública dálle a razón á Federación de Construción e Servizos de CCOO e insta o Concello de Santiago a revisar o orzamento da licitación do servizo de axuda no fogar (SAF), particularmente no que respecta ao capítulo de material e medidas preventivas para a COVID-19. Malia que non fixa unha cifra, o organismo público considera «razoados» os cálculos de CCOO, que multiplican por 28 o orzamento inicial.

Un momento da concentración de Santiago de Compostela

Folga e concentracións no primeiro día de curso en secundaria

  • Houbo cconcentracións ás 11:30 horas nas principais cidades e vilas
23.09.2020.

O sindicatos Comisións Obreiras (CCOO), CIG, CSIF e STEG convocaron para este mércores folga e concentracións cadrando co primeiro día de curso en educación secundaria. Cómpre lembrar que a volta á actividade lectiva estaba prevista para o pasado día 16, pero a Xunta decidiu adialo tras a presión sindical e as dificultades para pór en marcha o seu propio protocolo.

Folga e mobilizacións no ensino público

Folga e concentracións no ensino o xoves, día 10 de setembro

09.09.2020.

O xoves, 10 de setembro, terá lugar a primeira das dúas xornadas de folga convocadas no ensino galego, cadrando co comezo do curso en educación infantil e primaria. Os sindicatos CCOO, CIG, CSIF e STEG, que contan co apoio das dúas confederacións de ANPAS e das organizacións estudantís, convocan concentracións ás 11:30 nas sete cidades e en varias localidades máis.

O orzamento só destina o 0,1% do total a afrontar o contexto da COVID-19

CCOO pide a paralización da licitación do servizo de axuda a domicilio de Santiago de Compostela

  • O sindicato alerta de que o orzamento da licitación non está adaptado ao contexto da COVID-19, o que representa un risco para a saúde das persoas traballadoras e usuarias
02.09.2020.

A Federación de Construción e Servizos de CCOO impugnou os pregos de licitación do servizo de axuda a domicilio (SAD) de Santiago de Compostela. Segundo o sindicato, o orzamento ten un desfasamento de case 200 000 euros anuais, contía que representa ao pé do 7 % do total, debido a varios erros de cómputo. Con todo, o máis grave é que a partida destinada a afrontar o contexto da COVID-19 supón só o 0,1 % do total, «o que representa un risco para a saúde das persoas usuarias e traballadoras».

Un momento da asemblea

O comité de Urbaser-Santiago denunciará para gozar as licenzas retribuídas desde o primeiro día laboral, como recolle a lexislación

  • A empresa négase a este aspecto e asegura que se debe computar desde o mesmo día do feito causante, mesmo que sexa fóra do horario de traballo
02.07.2020.

O comité de Urbaser en Santiago de Compostela presentará unha demanda de conflito colectivo para que o persoal poida gozar as licenzas retribuídas desde o primeiro día laboral, conforme recolle a lexislación vixente. Polo de agora, a empresa négase a isto, e afirma que se deben computar desde o mesmo día do feito causante, incluso nos casos en que este se produza fóra do horario laboral, e así o fixo constar a mediados de xuño na reunión da comisión paritaria do convenio.

Complexo Hospitalario Universitario de Santiago de Compostela

CCOO paraliza o concurso da licitación do servizo de limpeza do CHUS

26.06.2020.

Ás dez da mañá deste venres tivo lugar no Complexo Hospitalario Universitario de Santiago de Compostela (CHUS) a apertura do sobre «B» correspondente á licitación do concurso de limpeza. Porén, as impugnacións da Federación de Construción e Servizos de CCOO e ASPEL levou a mesa de contratación a informar da paralización do procedemento ata nova resolución do Tribunal Administrativo Central de Recursos Contractuais (TARC).

Un momento da concentración de hoxe

O comité de Urbaser en Santiago mobilízase para esixir a cobertura de ausencias do persoal

  • Este xoves pola tarde, o comité interveu no Pleno municipal para denunciar os incumprimentos dos pregos e condicións laborais
25.06.2020.

Traballadores e traballadoras de Urbaser, a concesionaria da limpeza viaria de Santiago de Compostela, concentráronse na tarde deste xoves diante do Concello compostelán para esixir o cumprimento dos pregos de contratación e que se cubran as baixas, vacacións e licenzas de todo o persoal.

Buscar noticias anteriores

Buscar noticias anteriores

Data: