Sindicato Nacional de CCOO de Galicia

Sindicato Nacional de CCOO de Galicia
Conferencia de Xuventude de Galicia
Actos de CCOO polo 10 de Marzo

10 de Marzo: Día da Clase Obreira Galega

26.02.2020.

O próximo 10 de Marzo, Día da Clase Obreira Galega, CCOO manifestarase en Ferrol baixo o lema «Memoria de loita e traballo», coa que se porá o ramo a varias semanas de traballo sindical que incluíron diversos actos e asembleas en todas as comarcas.

Na imaxe, asemblea do sector do metal o pasado mes de xaneiro

CCOO aproba a plataforma reivindicativa para o convenio do metal da provincia de Pontevedra

  • Os sindicatos presentes na mesa de negociación presentarán cadansúa plataforma na xuntanza do vindeiro 20 de febreiro
14.02.2020.

As delegadas e delegados de CCOO no sector do metal da provincia de Pontevedra aprobaron na reunión do xoves, 13 de febreiro, a plataforma reivindicativa que este sindicato levará á mesa de negociación. A dita mesa reunirase o vindeiro 20 de febreiro, e cada organización presentará a súa plataforma para o convenio provincial.

CCOO, contra as violencias machistas

CCOO chama a participar nas concentracións contra o último asasinato machista

  • Hai convocadas máis de corenta concentracións para a tarde deste luns, 10 de febreiro
10.02.2020.

O Sindicato Nacional de CCOO en Galicia chama a participar nas concentracións convocadas para a tarde deste luns 10 de febreiro, para rexeitar o último asasinato machista, que tivo lugar en Lugo. CCOO reitera o seu rotundo e total rexeitamento ás violencias contra as mulleres, a expresión máis dramática e cruel das desigualdades materiais e culturais que persisten, dirixidas a atacar a liberdade, a seguridade, a autonomía das mulleres e a mantelas nunha inxusta situación de inferioridade.

Ambulancia do 061 | Foto: wikipedia

CCOO denuncia que a mutua lles nega o risco de embarazo ás traballadoras do 061 en Vigo e no Baixo Miño

  • O sindicato sinala que no servizo traballan un cento de mulleres e que o labor que realizan pode provocar complicacións no embarazo
30.01.2020.

Comisións Obreiras (CCOO) denuncia que a mutua FREMAP do Porriño lles nega o risco de embarazo ás traballadoras do transporte sanitario urxente do 061 en Vigo e no Baixo Miño. O sindicato explica que as mulleres representan arredor dun cento dos case trescentos integrantes do servizo, e lembra que o traballo nunha ambulancia de urxencia implica a exposición a numerosos riscos, o que pode provocar complicacións no embarazo.

CCOO é o primeiro sindicato en representación nas deputacións provinciais galegas

CCOO é o primeiro sindicato en representación nas deputacións provinciais galegas

  • Comisións Obreiras gañou as eleccións sindicais no conxunto do persoal laboral e funcionario e ten unha representación do 40 %, case o dobre que o segundo sindicato
22.01.2020.

Rematado o proceso de eleccións sindicais nas deputacións provinciais galegas, Comisións Obreiras (CCOO) revalida a súa condición de primeiro sindicato en representación. No conxunto do persoal laboral e funcionario, esta organización ten o 40 % de delegados e delegadas, case o dobre que o segundo sindicato.

Fotografía da concentración da Coruña, na que tamén se esixiu a readmisión dun delegado sindical

CCOO e UGT rexeitan diante dos xulgados que se poida despedir un traballador ou traballadora por enfermar

  • O pasado 16 de outubro, o Tribunal Constitucional ditou unha sentenza que permite o despedimento obxectivo por ausencias intermitentes, aínda que sexan xustificadas
27.11.2019.

CCOO e UGT convocaron este mércores concentracións diante das sedes xudiciais da Coruña, Santiago de Compostela, Lugo, Ourense, Pontevedra e Vigo para rexeitar que se poida despedir a alguén por enfermar. As protestas convocáronse como reacción á sentenza emitida o pasado 16 de outubro polo Tribunal Constitucional, que permite o despedimento obxectivo por ausencias intermitentes ao traballo, aínda que sexan xustificadas.

CCOO entra por vez primeira no comité de empresa de Prosegur Avos en Vigo

22.11.2019.

Comisións Obreiras consegue entrar por vez primeira no comité de empresa de Prosegur Avos en Vigo. Nas recentes eleccións sindicais neste centro de traballo, CCOO conseguiu dous representantes, por tres da CIG. Ata o de agora, o comité formábano exclusivamente a CIG e a UGT, sindicato que perdeu a representación.

O profesorado saíu á rúa para esixir a recuperación do horario previo aos recortes do 2012

O profesorado galego esixe a recuperación do horario previo ao 2012

  • «Non queremos traballar menos: queremos traballar mellor», sinalan os sindicatos do ensino
22.11.2019.

CCOO-Ensino e as outras organizacións con representación no ámbito concentráronse o xoves nas sete cidades do país para esixir a recuperación dos horarios lectivos de 21 horas en primaria e de 18 en secundaria, isto é, os horarios previos aos recortes do ano 2012. «Non queremos traballar menos: queremos traballar mellor», afirman os representantes do profesorado.

Un momento da plantación no monte

#EcoAcciónCCOOGalicia: CCOO planta 2134 árbores nun monte comunal, tantas como novas afiliacións ao sindicato no último trimestre do ano pasado

  • Para CCOO, o cambio climático é un «desafío global» con graves consecuencias de todo tipo, medioambientais, económicas, sociais e laborais
26.02.2020.

O pasado sábado, 22 de febreiro, foi unha intensa xornada de traballo para a familia das Comisións Obreiras de Galicia. Ducias de persoas voluntarias plantaron 2134 carballos nun monte comunal de Moaña, unha das zonas máis afectadas pola vaga de incendios do 2017. O número de árbores corresponde ás novas afiliacións que rexistrou o sindicato no último trimestre do ano pasado.

Concentración no campus da Coruña

Concentracións nos campus contra a privatización da universidade

  • Convocadas pola Plataforma Galega en Defensa da Universidade Pública
11.02.2020.

A Plataforma Galega en Defensa da Universidade Pública, integrada polos sindicatos CCOO, CIG e UGT, xunto coas organizacións estudantís Erguer, Anega, Acción Universitaria e Sindicato de Estudantes, convocou concentracións este martes para rexeitar a creación dunha universidade privada.

Fotografía de arquivo dunha protesta do persoal de Vulcano | Foto: Arquivo CCOO

CCOO acusa o presidente da Autoridade Portuaria de Vigo de querer «liquidar» o sector naval

31.01.2020.

O Sindicato Comarcal de Industria de CCOO de Vigo acusa o presidente da Autoridade Portuaria de querer «liquidar» o sector naval. O sindicato acusa a Enrique López Veiga de se «extralimitar» nas súas funcións, xa que as accións que executou contra o proceso de reindustrialización das instalacións do estaleiro Vulcano, en Teis, non son competencia directa súa.

Concentracións este luns contra o primeiro asasinato machista do ano en Galicia

27 de xaneiro: máis de trinta concentracións para rexeitar o asasinato machista da Pastoriza

  • Nas sete cidades e en numerosas vilas
27.01.2020.

O movemento feminista galego, do que forma parte o Sindicato Nacional de CCOO de Galicia, convoca para a tarde deste luns, 27 de xaneiro, máis de trinta concentracións en todo país. Con estas protestas quérese rexeitar o asasinato machista cometido o sábado no concello lugués da Pastoriza, o primeiro no que vai de ano.

Un momento da presentación do grupo de traballo

CCOO constitúe en Vigo un grupo de traballo sobre o amianto

  • Malia que o uso e a comercialización deste material canceríxeno están prohibidos desde o 2002, segue a ser un risco porque poden atopalo traballadores ou traballadoras sen a formación axeitada
14.01.2020.

Comisións Obreiras (CCOO) constituíu hoxe en Vigo un grupo de traballo sobre o amianto. Debido ás súas múltiples propiedades (sobre todo illantes e ignífugas), foi usado de xeito intensivo durante décadas en todo tipo de sectores para diferentes aplicacións (construción naval, edificacións, canalizacións de auga, automoción, etc.). Malia que o seu uso e comercialización están prohibidos desde o 2002, o asbesto segue presente en multitude de lugares, xa que non é obrigatorio retiralo se non chegou ao final da súa vida útil.

Cartel anunciador das mobilizacións

Mobilizacións o 27 de novembro contra os despedimentos por enfermar

  • Concentracións na Coruña, Santiago de Compostela, Lugo, Ourense, Pontevedra e Vigo
22.11.2019.

CCOO e UGT convocan concentracións o vindeiro mércores, 27 de novembro, en seis cidades galegas para rexeitar a recente sentenza do Tribunal Constitucional que avala os despedimentos por enfermar. Esta resolución, que chega ao aberiro da reforma laboral do PP, dá cobertura legal ao despedimento obxectivo por ausencias intermitentes, mesmo sendo xustificadas, xerou unha grande indignación e alarma social.

Desconvocada a folga en Frigolouro tras chegaren as partes a un acordo

  • Fora convocada para denunciar os despedimentos de persoal de baixa médica
22.11.2019.

Desconvocada a folga en Frigolouro, no Porriño, tras chegaren as partes a un acordo. CCOO, UGT e CIG convocárana para rexeitar o despedimento de persoas de baixa médica, aproveitándose así das facilidades introducidas na reforma laboral do PP.

Buscar noticias anteriores

Buscar noticias anteriores

Data: