Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO

Desde a Secretaría de Saúde Laboral, a través dos gabinetes de saúde laboral, ofrecémoslles aos delegados e delegadas de prevención o soporte técnico para a mellora das condicións de traballo, a protección ambiental e a promoción da saúde dos traballadores e traballadoras. O noso obxectivo é fomentar a participación dos delegados/as en materias preventivas mediante o asesoramento directo e a asistencia tanto á representación dos traballadores/as como aos propios traballadores e traballadoras, especialmente nas pequenas e medianas empresas.

Onde estamos?

FERROL. Rúa María, n.º 42-44

  • Susana Martínez Sande, técnica superior
  • Horario de inverno: luns a xoves, de 9 a 14 e de 16:30 a 20 horas; venres, de 9:30 a 14 horas / Horario de verán (15 de xuño-15 de setembro): luns a venres, de 9 a 14:30 horas
  • Teléfono: 981 369 300 / Fax: 981 350 353
  • gsl-ferrol@galicia.ccoo.es

SANTIAGO DE COMPOSTELA. Rúa Miguel Ferro Caaveiro, n.º 8

  • Manuela Caneda Cabrera, técnica superior
  • Horario de inverno: luns a xoves, de 9 a 14:30 e de 16 a 19 horas; venres, de 9 a 14:30 horas / Horario de verán (15 de xuño-15 de setembro): luns a venres, de 8 a 15 horas
  • Teléfono: 981 551 800 / Fax: 981 551 801
  • gsl-stgo@galicia.ccoo.es

VIGO. As Teixugueiras, 11 entreplanta (Navia)                                              

  • Arsenio Rodríguez Alonso, técnico intermedio
  • Horario de inverno: luns a xoves, de 9 a 14 e de 16:30 a 20 horas; venres, de 9 a 14 horas / Horario de verán (1 de xullo a 31 de agosto): luns a venres, de 9 a 14 horas
  • Teléfono: 986 246 800 / Fax: 986 246 587
  • gsl-vigo@galicia.ccoo.es

En que podemos axudarte?

  • Revisamos a avaliación de riscos laborais e a planificación da prevención.
  • Asesorámoste en problemas coa túa mutua.
  • Analizamos os datos da vixilancia da saúde.
  • Revisamos os plans de emerxencia.
  • Asesorámoste en asuntos concretos como residuos, ruído, produtos químicos e outros.
  • Orientámoste no deseño dos postos de traballo.
  • Asesorámoste en caso de accidentes de traballo, enfermidades profesionais e outros danos derivados do traballo.
  • Vixiamos o cumprimento da Lei.
  • Atendemos colectivos especialmente sensibles.

Como podemos axudarte?

  • Visitando a túa empresa.
  • Dándoche apoio técnico nas reunións coa empresa, co Servizo de Prevención ou co Comité de Seguridade e Saúde.
  • Redactando informes.
  • Facilitándoche documentación.
  • Elaborando o material que precises.
  • Elaborando estudos específicos.
  • Facilitándoche a información.
  • Acompañándote á Inspección.
  • Remitindo os casos aos organismos que corresponda.