Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Pancarta principal da manifestación, pouco antes de comezar o percorrido

A industria electrointensiva maniféstase contra a «grande estafa eléctrica»

  • Denuncian a inacción dos Gobernos autonómico e central, e instan a Pedro Sánchez a aprobar de contado o estatuto para o sector
20.05.2019.

Traballadores e traballadoras das industrias electrointensivas galegas, arroupados por dirixentes sindicais e políticos, manifestáronse hoxe en Santiago de Compostela para reivindicar un marco enerxético estable e competitivo. A marcha, convocada polos comités de empresa de Alcoa da Coruña e San Cibrao, Celsa Atlantic e Ferroatlántica en Sabón e Cee-Dumbría, partiu ás 11 da mañá das proximidades do estadio de San Lázaro e rematou diante da sede da Xunta de Galicia.

17 de Maio, Día das Letras Galegas

17 de Maio de 2019, Día das Letras Galegas

15.05.2019.

​O 17 de Maio celebramos o Día das Letras Galegas, dedicado este ano ao historiador e etnógrafo Antonio Fraguas Fraguas (Cotobade, 1905-Santiago de Compostela, 1999). Desde o Sindicato Nacional de Comisións Obreiras de Galicia aplaudimos a decisión da Real Academia Galega de homenaxear este ano unha figura de consenso que encarnou, coma poucos, os valores galeguistas.

17 de maio, Día Internacional contra a LGTBIfobia

#EnClaveArcoiris, 17 de Maio, Día Internacional contra a LGTBifobia

20.05.2019.

A Organización das Nacións Unidas (ONU) declara que o propósito dos «días internacionais» é sensibilizar, concienciar, chamar a atención, sinalar que existe un problema sen resolver, un asunto importante e pendente nas sociedades para que Gobernos e Estados actúen e tomen medidas ou para que a cidadanía así llelo esixa aos seus representantes.

CCOO-Ensino gaña as eleccións na USC e comparte o primeiro lugar no sistema universitario galego

  • As candidaturas de Comisións Obreiras melloraron resultados en todas as universidades
13.05.2019.
CCOO-Ensino sitúase como primeiro sindicato da universidade galega

A pasada semana celebráronse as eleccións sindicais nas tres universidades galegas. As candidaturas presentadas por CCOO-Ensino melloraron resultados e permitíronlle ao sindicato ser o único que aumentou a súa presenza. Comisións gañou na Universidade de Santiago de Compostela (USC) e obtivo bos resultados nas da Coruña (UDC) e Vigo (UVigo). Isto permítelle a CCOO colocarse, con 58 delegados e delegadas, como primeiro sindicato do sistema universitario galego, posición compartida coa CIG.

CCOO non asina o convenio de hostalaría de Ourense porque «condena á precariedade» os traballadores e traballadoras

  • O sindicato critica que UGT e CIG si aceptaran asinar o texto, que consagra salarios moi inferiores aos mil euros mensuais para case 1200 traballadores e traballadoras
14.05.2019.
CCOO non asinou este convenio | Foto: StockSnap (Pixabay)

A Federación de Servizos de CCOO decidiu na tarde do luns non asinar o convenio provincial de hostalaría de Ourense porque «condena á precariedade» os traballadores e traballadoras. O sindicato critica a decisión de UGT e CIG de asinar o texto, xa que os incrementos salariais previstos están moi por baixo do Acordo de Emprego e Negociación Colectiva (AENC), que prevé un salario mínimo anual de 14 000 euros. Neste convenio, o salario anual máis baixo será de 12 810 euros en 2019, 1190 por baixo do pactado no AENC, e de 13 327,58 en 2021, polo que aínda faltarían 672,42 para chegar aos mínimos do acordo estatal.

CCOO denuncia actitudes «antisindicais e contrarias a dereito» no Concello de Ourense

10.05.2019.
Casa do Concello de Ourense | Foto: Oscariño (Wikipedia)

Comisións Obreiras (CCOO) denuncia actitudes «antisindicais e contrarias a dereito» no Concello de Ourense. O sindicato advirte que non vai consentir que se «persiga» os seus delegados de delegadas en empresa ningunha, menos aínda nunha Administración pública.

Día Mundial do Bolseiro e da Bolseira: non máis bolsas por traballo!

  • CCOO esíxelle ao novo Goberno español que reforme o sistema de prácticas non laborais
08.05.2019.
Cartel da campaña

Hoxe celébrase o Día Mundial do Bolseiro e da Bolseira, unha figura que no noso país segue asociándose á precariedade laboral e á imposibilidade de iniciar con garantías un proxecto de vida. As prácticas non laborais constitúen un paso case imprescindible na transición da vida estudantil á de traballador e traballadora adulta. Un paso que ha de ser regulado e dignificado. Para CCOO, as prácticas non laborais caracterízanse pola fraude e a explotación, polo que o próximo Goberno español debe reformalas urxentemente.

CCOO sinala que o factor estacional fai diminuír o paro rexistrado, pero consolida un modelo de crecemento baseado na precariedade

  • O sindicato afirma que «con isto non abonda» para mellorar a economía galega e a calidade de vida das persoas
06.05.2019.
Maica Bouza, secretaria de Emprego de CCOO

Comisións Obreiras (CCOO) sinala que o efecto da Semana Santa fixo diminuír o paro rexistrado do mes de abril. Porén, trátase de postos de traballo «con data de caducidade» que consolidan un modelo de crecemento baseado na precariedade. Para a secretaria de Emprego do sindicato, Maica Bouza, «con isto non abonda» para mellorar a economía galega e a calidade de vida das persoas.

O Ministerio de Traballo avala a posición de CCOO ao descualificar a Servicarne por ser unha falsa cooperativa

03.05.2019.
CCOO leva moito tempo cun intenso labor de denuncia da fraude laboral no sector cárnico

Esta mesma semana, o Ministerio de Traballo emitiu a resolución de descualificación contra Servicarne Sociedad Cooperativa, ao considerar que é unha falsa cooperativa, tal e como propuxera a Inspección de Traballo tras a denuncia de CCOO.

CCOO convoca folga para o martes, 21 de maio

O 21 de maio, folga nos centros de asistencia e educación infantil

16.05.2019.

A Federación do Ensino de CCOO de Galicia convoca folga nos cetnros de asistencia e educación infantil. O sindicato fai un chamamento á mobilización para frear o asinamento do convenio colectivo estatal, que se sitúa por baixo dos mínimos pactados no IV Acordo de Emprego e Negociación Colectiva (AENC). Ademais da folga, en Vigo haberá unha concentración ás 11:30 horas diante do MARCO.

Manifestación do persoal de PSA-Vigo, esta mañá

Máis de 80% de seguimento na folga de PSA-Vigo

16.05.2019.

Entre o 80 e o 90% do persoal de PSA Peugeot-Citroën de Vigo secundou hoxe a folga convocada por CCOO, UGT e CIGA decisión de chegar á folga debeuse á ausencia de diálogo por parte da dirección para solucionar a problemática do persoal de montaxe, sobrecargado de traballo.

CCOO denuncia o desleixo da mutua e o «descontrol» ante un brote de sarna nunha residencia de maiores de Santiago

  • O sindicato critica que non se aplicou con celeridade o protocolo de illamento cando se diagnosticou o primeiro caso e que as traballadoras deben pagar o custo do tratamento profiláctico das súas familias
16.05.2019.
Na fotografía, exemplar de Sarcoptes scabiei, parasito que causa a sarna

Comisións Obreiras (CCOO) denuncia o desleixo da mutua ante un brote de sarna na residencia de maiores Porta do Camiño, en Santiago de Compostela, así como o «descontrol» á hora de aplicar o protocolo de prevención. Segundo o sindicato, en canto se diagnosticou o primeiro caso non se illou decontado a persoa afectada, polo que a día de hoxe hai xa oito casos, e non se descarta que a cifra aumente.

Técnicos forestais da Xunta concentráronse diante da sede do Goberno galego

16.05.2019.
Un momento da concentración

CCOO, UGT, CSI-F e CIG convocaron este xoves en Santiago de Compostela unha concentración de técnicos forestais da Xunta. Diante da sede do Goberno galego, esixiron a apertura da mesa de negociación das condicións de traballo deste colectivo, vinculado ao Servizo Público de Defensa contra Incendios Forestais.

O persoal do aeroporto de Santiago manifestarase o xoves 16 de maio e fará un pícnic simbólico na terminal compostelá

  • Os representantes sindicais denunciaron que un responsable de AENA deixou aberta a posibilidade de que a cantina do persoal quede sen licitar
14.05.2019.
Na conferencia de prensa salientouse a unidade sindical ao redor das reivindicacións

Traballadoras e traballadores do aeroporto Rosalía de Castro de Santiago de Compostela manifestaranse o xoves, 16 de maio, para esixir o mantemento da cantina do persoal. Se quedan sen este servizo, deberían pagar os mesmos prezos que as persoas usuarias, coa consecuente perda de poder adquisitivo. «Nós non estamos de paso, senón que traballamos alí», insistiron. A marcha partirá ás 11:30 da rotonda do aeroporto e finalizará na terminal compostelá cun pícnic simbólico para denunciar a situación.

Asinado o convenio de pedra e mármore da provincia da Coruña

  • Terá unha vixencia de cinco anos, garantindo estabilidade na negociación colectiva para os traballadores e traballadoras do sector
09.05.2019.
Garántese o poder adquisitivo para o persoal do sector | Foto: Caropat (Pixabay)

Esta semana asinouse o convenio de pedra e mármore da provincia da Coruña, cunha vixencia de cinco anos (2017-2021), garantindo estabilidade na negociación colectiva para os traballadores e traballadoras do sector. A negociación do convenio, na que CCOO mantivo unha postura «moi esixente», conseguiu aumentos salariais retroactivos para os anos 2017 e 2018 (1,9 e 2 %, respectivamente), así como subas do 2,25 % para este ano 2019, da mesma contía para 2020 e do 2,5 % para 2021.

CCOO gaña as eleccións sindicais en Adolfo Domínguez e na Axencia Tributaria en Ourense

10.05.2019.
CCOO gañou con contundencia as eleccións

As candidaturas presentadas por Comisións Obreiras (CCOO) gañaron as eleccións sindicais tanto en Adolfo Domínguez como na Axencia Tributaria en Ourense. Fixérono, ademais, de xeito incontestable: a maioría absoluta no primeiro caso e o 40 % da representación sindical no segundo.

CCOO-Sanidade avoga polo reforzamento da fisioterapia na atención primaria

  • O Sergas ofrece contratar corenta profesionais para esta especialidade, mais o sindicato eleva as necesidades a, polo menos, setenta
08.05.2019.
Galicia ten a metade de fisioterapeutas que sería recomendable

A Federación de Sanidade de CCOO de Galicia avoga polo reforzamento da fisioterapia na atención primaria. Igual ca noutras categorías, a oferta do Sergas é «insuficiente», afirma o sindicato. No caso concreto desta especialidade, a Administración sanitaria propón contratar corenta profesionais, mais CCOO eleva as necesidades a polo menos setenta.