Sindicato Nacional de CCOO de Galicia

Sindicato Nacional de CCOO de Galicia
#QueNonChaXoguen co salario mínimo
CCOO esixe unha «persoa de prestixio» á fronte do CES para revitalizar e dinamizar a institución

CCOO repróchalle a Feijóo que sitúe «os intereses do partido por riba dos do Galicia» e deixe o CES sen dirección

  • O sindicato esixe unha «persoa de prestixio» á fronte do Consello Económico e Social para dinamizar e revitalizar a institución
15.07.2019.

O Sindicato Nacional de Comisións Obreiras (CCOO) repróchalle ao presidente da Xunta, Alberto Núñez Feijóo, que sitúe «os intereses do partido por riba dos de Galicia» ao non renovar a Presidencia do Consello Económico e Social (CES). Case mes e medio despois de que Corina Porro anunciase que deixaría o cargo para asumir a Xestora do Partido Popular de Vigo, renuncia que formalizou a pasada semana, o ente consultivo mantense nunha situación de provisionalidade.

De esquerda a dereita, Maica Bouza, secretaria de Emprego, e Silvia Parga, economista de CCOO

CCOO propón un plan de choque para atallar a «precariedade galopante» que padecen as mulleres e a mocidade

  • Un estudo do sindicato revela que a rotación laboral está en máximos: cada persoa asalariada temporal asinou de media 4,29 contratos no 2018, o cociente máis elevado da última década
11.07.2019.

O Sindicato Nacional de CCOO de Galicia presentou este xoves un estudo que analiza a precariedade laboral no mercado de traballo galego. O sindicato instou a Xunta a «non se resignar» e dar por bos os datos que revelan un aumento do emprego, pero á custa da súa degradación. «Así é imposible crear un proxecto de vida e de traballo neste país», sinalou a secretaria de Emprego de CCOO, Maica Bouza. Entre outras medidas, o sindicato propón un plan de choque para atallar a «precariedade galopante» das mulleres e mocidade, que son os colectivos con maior presenza no emprego a tempo parcial e temporal e sofren maiores taxas de paro.

Fotografía de arquivo dunha protesta do persoal de Navantia durante a botadura dun barco

CCOO volve gañar as eleccións sindicais en Navantia

  • As candidaturas de Comisións foron de novo as máis votadas tanto nos estaleiros da ría de Ferrol coma no resto do Estado
10.07.2019.

A Federación de Industria de CCOO de Galicia volveu gañar as eleccións sindicais nos estaleiros públicos Navantia. As candidaturas de CCOO foron de novo as máis votadas tanto en Galicia coma no resto do Estado, malia a diminución do cadro de persoal que se produciu nos últimos catro anos.

O grupo Parter terá ata o 31 de xullo para formalizar a compra das factorías de Alcoa

05.07.2019.
Manifestación o pasado mes de xuño contra o peche de Alcoa-A Coruña

O comité de empresa de Alcoa na Coruña informa de que o xoves, 3 de xullo, chegouse a un acordo para ampliar ata o 31 de xullo o prazo de venda das factorías da cidade herculina e da localidade asturiana de Avilés, co mantemento das condicións laborais actuais ata ese día. Ese prazo será o mesmo que teña o grupo suízo Parter para presentar as garantías financeiras que acordou coa multinacional estadounidense.

CCOO lémbralle a Feijóo que a suba salarial para o persoal da Administración autonómica «non é grazas a el»

  • O incremento salarial anunciado onte polo presidente da Xunta é froito do II Acordo para a Mellora do Emprego Público, asinado en marzo de 2018 por CCOO e UGT co Goberno central
04.07.2019.
CCOO esixe a recuperación de todos os dereitos arrebatados

A Federación de Servizos á Cidadanía de CCOO lémbralle a Feijóo que a suba salarial que anunciou onte para o persoal da Administración autonómica «non é grazas a el», como podería parecer polo contexto e a maneira en que o presidente da Xunta informou sobre esta cuestión. O incremento estaba xa previsto desde marzo do 2018, cando CCOO e UGT asinaron co Goberno central o II Acordo para a Mellora do Emprego Público.

CCOO insta a Xunta a «non sacar peito» cos datos do paro rexistrado e lémbralle que «a precariedade non é unha opción»

  • No último mes fixeron falta 14,5 contratos para cada nova alta na seguridade social, un dato que empeora o do mes de maio
02.07.2019.
No último mes fixeron falta 14,5 contratos para cada nova alta na seguridade social

Os datos do paro rexistrado continúan revelando unha diminución do desemprego, «como era de agardar» na época estival, sinala CCOO. Porén, o sindicato insta o presidente Feijóo a «non sacar peito» e lémbralle que «a precariedade non é unha opción». Segundo as cifras oficiais, no último mes rexistráronse 98.785 contratos e só 6787 novas afiliacións á seguridade social. Isto é, foron necesarios 14,5 contratos para cada nova afiliación, un dato peor ca o do mes de maio (12,18). «Con este modelo de contratación, dificilmente podemos dicir que Galicia estea a crear emprego», sinala a secretaria de Emprego de CCOO, Maica Bouza.

CCOO inicia o mércores en Ferrol unha campaña contra os abusos das mutuas

  • O mércores 3 de xullo, de 12 a 13 horas, concentración diante de MC Mutual
02.07.2019.
CCOO inicia o mércores en Ferrol unha campaña contra os abusos das mutuas

A Federación de Industria de CCOO inicia en Ferrol unha campaña contra os abusos das mutuas. O sindicato vai desenvolver nas próximas datas, coa visualización de todas as eivas detectadas, unha serie de mobilizacións. O primeiro paso será o mércores, 3 de xullo, coa concentración que terá lugar entre as 12 e as 13 horas diante de MC Mutual (avenida da Paz n.º 33, Ferrol).

Guía práctica para buscar emprego

19.06.2019.
A Secretaría de Emprego de CCOO de Galicia publica esta guía en formato electrónico

A Secretaría de Emprego de CCOO de Galicia publica en formato electrónico a 'Guía práctica para buscar emprego', na que se resume a principal información sobre a procura dun posto de traballo. Polo seu enfoque, trátase dunha ferramenta destinada especialmente á mocidade que procura o seu primeiro emprego, se ben o contido pode ser de interese para calquera persoa.

Un momento da concentración de hoxe

O desinterese e falta de apoio institucional impedirán que o antigo hospital Cíes sexa un centro de maiores público

  • CCOO critica a actitude da Xunta de Galicia e do Concello de Vigo
16.07.2019.

O desinterese e falta de apoio por parte da Xunta de Galicia e do Concello de Vigo impedirán que o antigo hospital Cíes sexa un centro de maiores público sindicato. Para protestar contra esta situación, o sindicato comarcal da Federación e Pensionistas e Xubilados de CCOO de Vigo convocou este martes unha concentración, na que aproveitou para explicar os alicerces do proxecto e da importancia que tería para a comarca viguesa.

CCOO denuncia os servizos mínimos «abusivos» decretados por Renfe e o Goberno central

CCOO salienta o alto grao de participación na folga de Renfe malia os servizos mínimos «abusivos»

  • Secundou o paro máis redor do 70 % do persoal con posibilidade de facer folga, informa CCOO
15.07.2019.

O sector Ferroviario de CCOO de Galicia informa de que máis do 70 % do persoal con posibilidade de facer folga secundou os paros convocados hoxe en Renfe, que obrigaron á suspensión de máis de sesenta liñas. O sindicato lamenta que os servizos mínimos «abusivos» impediron a adhesión á convocatoria de todas as traballadoras e traballadores que o desexaban.

CCOO alerta de deficiencias na UCI coronaria do Hospital de Ourense

16.07.2019.
Na imaxe, un dos buratos | Foto: sección sindical de CCOO no CHUO

A sección sindical de CCOO-Sanidade da área sanitaria de Ourense, Verín e O Barco denunciou perante a Inspección de Traballo a situación da unidade de coidados intensivos coronarios do hospital ourensán (CHUO). Segundo o sindicato, o estado da dita unidade é un risco tanto para doentes como traballadoras e traballadores.

CCOO-Industria denuncia a fraude á seguridade social e a competencia desleal de Ilunión

  • O centro especial de emprego actuaría como «empresa pantalla» para abaratar custos
12.07.2019.
Captura da web de Ilunión onde se recoñece que só o 40% do persoal ten algunha discapacidade

A Federación de Industria de CCOO en Pontevedra denunciou a Ilunión perante a Inspección de Traballo por diversas infraccións identificadas polo sindicato. O centro especial de emprego actuaría como «empresa pantalla» para abaratar custos da contratación, utilizando para iso subvencións públicas, o que amais de fraude á seguridade social sería competencia desleal no sector.

CCOO inicia mobilizacións a próxima semana en Lugo polos incumprimentos laborais no centro de día Novo Antonio Gandoy

  • O sindicato insta o Concello de Lugo a actuar ante os incumprimentos da empresa concesionaria, rescindindo o contrato e licitando o servizo con outra empresa
12.07.2019.
Centro de día público Novo Antonio Gandoy | Foto: Google Street View

Comisións Obreiras (CCOO) anuncia o comezo de mobilizacións a próxima semana ante os problemas do centro de día público Novo Antonio Gandoy. O sindicato leva meses denunciando incumprimentos por parte da empresa concesionaria IDEA (Innovación y Desarrollo Asistencial) e insistindo en que o Concello de Lugo, como responsable da execución do contrato, outorgue canto antes a concesión a unha nova entidade.

CCOO-Servizos gaña cun resultado histórico as eleccións sindicais en Carrefour-Ourense

09.07.2019.
Centro comercial de Carrefour

Comisións Obreiras pon fin a máis de dúas décadas de maiorías do sindicato amarelo Fetico nas recentes eleccións sindicais de Carrefour-Ourense.

Os sindicatos denuncian as deficiencias que soportan os equipos de valoración e orientación

  • A falta de medios ocasiona atrasos nas valoracións que prexudican un importante segmento de poboación en situación de vulnerabilidade
05.07.2019.
Sección de Cualificación e Valoración de Discapacidade de Lugo | Foto: Google Street View

As organizacións sindicais con presenza na mesa xeral de empregados públicos (FSC-CCOO, CIG, CSI-F e FeSP-UGT) poñemos de manifesto as distintas reclamacións e problemáticas dos equipos de valoración e orientación (EVO) da Consellaría de Política Social.

CCOO rexeita o novo contrato de continuidade para o persoal de enfermaría do Sergas

  • O sindicato non o asinou por entender que se trata dun contrato de «escravitude continuada»
04.07.2019.
CCOO considera que se trata dun contrato «de escravitude» | Foto: suyizailushang (Pixabay)

A Federación de Sanidade de CCOO de Galicia rexeita o novo contrato de continuidade para o persoal de enfermaría do Sergas, asinado cos sindicatos SATSE, UGT, CSI-F e CEMS-O'Mega aproveitando a comisión de seguimento do acordo de continuidade de persoal médico.

CCOO denuncia o convenio da sanidade privada de Lugo para introducir melloras sociais e desterrar «soldos de miseria»

  • Comisións, sindicato maioritario, tomou a decisión para actualizar as táboas salariais xa que as empresas se resistían facelo, malia que en moitos casos están por baixo do salario mínimo
04.07.2019.
Categorías profesionais como a de hixienista dental están por baixo do SMI

Comisións Obreiras (CCOO), sindicato maioritario da sanidade privada na provincia de Lugo, denunciou o convenio provincial para introducir melloras sociais e desterrar os «soldos de miseria» que aínda recollen as táboas salariais vixentes. A organización sindical tomou a decisión ante a «resistencia» de moitas empresas a actualizar os salarios, malia que en moitas categorías se sitúan por baixo do salario mínimo interprofesional (SMI) vixente.

10 propostas para un xiro social en Galicia
10 propostas para un xiro social en Galicia
#AlcoaNonSePecha
#AlcoaNonSePecha
A mocidade no mercado laboral galego
A mocidade no mercado laboral galego
Acto fixemos, facemos, faremos historia
Acto fixemos, facemos, faremos historia
  • Zona de afiliados
  • Afiliate a CCOO
  • Lista de locais do SN de CCOO
  • Gabinete de Saúde Laboral (2019)
  • Gabinetes de saúde laboral
  • Fixemos, facemos, faremos historia
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia
  • Atlantis Seguros
  • Atlantis Seguros