Sindicato Nacional de CCOO de Galicia

Sindicato Nacional de CCOO de Galicia
Actuar é esencial - Afíliate a CCOO!
Un momento da concentración de hoxe

O comité de Alu Ibérica denunciará na Fiscalía o proceso de venda da factoría

  • O persoal insiste en reclamar que o Estado interveña a fábrica
15.10.2020.

O persoal de Alu Ibérica volveuse mobilizar esta tarde na Coruña para rexeitar a «persecución sindical» por parte da actual dirección e para denunciar, tamén, os incumprimentos do Grupo Riesgo. Neste sentido, o comité de empresa avanzou que está a preparar unha denuncia na Fiscalía sobre o proceso de venda de Alcoa a Parter e, posteriormente, do grupo suízo a Riesgo.

Exterior da nave de Pinturas Celso Míguez na Coruña | Foto: Google Street View

Mobilizacións en Celso Míguez pola «insostible» situación da empresa

  • CCOO denuncia atrasos de varios meses na percepción dos salarios
29.09.2020.

O persoal de Pinturas Celso Míguez mobilizarase na Coruña mañá mércores, 30 de setembro, pola «insostible» situación da empresa. CCOO denuncia atrasos de varios meses na percepción dos salarios e unha completa «inacción» por parte da dirección, á que lle esixen un plan de viabilidade económica.

CCOO rexeita a persecución contra os sindicatos e esixe a intervención da factoría

CCOO esixe a intervención de Alu Ibérica como mellor xeito de garantir o futuro da factoría coruñesa

  • O sindicato participou hoxe nunha mobilización contra a represión sindical por parte do Grupo Riesgo
24.09.2020.

Comisións Obreiras (CCOO) esixe a intervención pública de Alu Ibérica como mellor xeito de garantir o futuro da fábrica de aluminio da Coruña. O sindicato denuncia as «irregularidades» e os «incumprimentos» que se produciron desde que Alcoa lle vendeu a factoría ao grupo suízo Parter, que á súa vez lle revendeu a maioría das participacións ao Grupo Riesgo.

Un momento da concentración de Santiago de Compostela

Folga e concentracións no primeiro día de curso en secundaria

  • Houbo cconcentracións ás 11:30 horas nas principais cidades e vilas
23.09.2020.

O sindicatos Comisións Obreiras (CCOO), CIG, CSIF e STEG convocaron para este mércores folga e concentracións cadrando co primeiro día de curso en educación secundaria. Cómpre lembrar que a volta á actividade lectiva estaba prevista para o pasado día 16, pero a Xunta decidiu adialo tras a presión sindical e as dificultades para pór en marcha o seu propio protocolo.

Un momento da concentración de hoxe

Nova protesta do persoal de Alu Ibérica para denunciar os incumprimentos do Grupo Riesgo

  • O comité de empresa repróchalle á Xunta de Galicia e ao Ministerio de Industria que non fixesen un axeitado control do proceso que tutelaron, e esixe a súa implicación
17.09.2020.

O persoal de Alu Ibérica, a antiga Alcoa-A Coruña, volveu saír hoxe á rúa para denunciar os incumprimentos do Grupo Riesgo, que actualmente xestiona a factoría. Desde o comité de empresa esixen a implicación da Xunta de Galicia e do Ministerio de Industria, que xunto co Goberno asturiano tutelaron o proceso de venda das factorías de Alcoa da Coruña e de Avilés.

CCOO chama ao voto masivo da clase traballadora coruñesa para que Galicia teña un novo goberno de esquerdas comprometido na recuperación industrial e económica da Coruña e da súa comarca

  • Para o sindicato, na situación actual da nosa comarca e do país, cómpre un Parlamento de maioría progresista que invista un novo Goberno da Xunta de Galicia que se responsabilice das súas competencias e traballe dende o minuto un na recuperación económica e industrial da Coruña e da súa comarca, e na mellora dos servizos públicos
  • CCOO da Coruña afirma que estes once anos de goberno do PP presidido por Alberto Núñez Feijóo foron os peores para A Coruña e a súa comarca dende que hai Xunta de Galicia. Puido comprobarse na xestión da pandemia en Galicia, e as situacións que se padeceron na sanidade pública recortada e nas residencias de maiores privadas, en mans de grupos afins ao PP, e mesmo na nula iniciativa para evitar o desmantelamento industrial na nosa comarca e en toda Galicia
10.07.2020.

CCOO da Coruña sinala a transcendencia destes comicios para pór fin definitivamente ao goberno do PP presidido por Núñez Feijóo. Cómpre un novo goberno de progreso na Xunta de Galicia que se poña a traballar decontado na recuperación económica e social do país, con especial atención á recuperación sostible do tecido industrial perdido en Galicia, e especialmente na Coruña e na súa comarca, tras once anos de inoperancia do goberno do PP.

Esta semana foi asinado o acordo que remata do conflito colectivo

CCOO consegue a mellora de condicións de case cincocentos traballadores e traballadoras de Prosegur AVOS en Galicia

  • Asinouse na Audiencia Nacional o acordo que remata co conflito colectivo iniciado en 2018
01.07.2020.

A Federación de Servizos de CCOO consegue a mellora de condicións laborais de case cincocentos traballadores e traballadoras de Prosegur AVOS en Galicia. Esta semana asinouse na Audiencia Nacional o acordo que remata co conflito colectivo iniciado en 2018 e que supón importantes novidades para todo o persoal, algo máis de catrocentas persoas na Coruña e máis de oitenta en Vigo.

Un momento da concentración de hoxe

O comité de empresa de Froiz na provincia da Coruña esixe xornadas de traballo continuas

  • Durante a pandemia, a cadea de distribución xeneralizou as xornadas continuas, pero agora volve á xornada partida ou mixta
26.06.2020.

O comité de empresa de Froiz na provincia da Coruña convocou este mediodía unha concentración na cidade herculina para esixir xornadas de traballo continuas, de xeito que se facilite a conciliación da vida persoal, familiar e laboral.

Un momento da concentración

O persoal de Alu Ibérica continúa a denunciar os incumprimentos de Riesgo

  • Ao remate da protesta doaron unha tonelada de comida ao banco de alimentos
08.10.2020.

O persoal de Alu Ibérica continúa a denunciar os incumprimentos do Grupo Riesgo, actual propietario da antiga Alcoa-A Coruña, e protagonizou unha nova concentración ás portas da factoría coruñesa.

Nazario Arias, xunto con compañeiros da antiga Alcoa-A Coruña

CCOO lamenta o falecemento do compañeiro Nazario Arias, expresidente do comité de Alcoa na Coruña

  • Voz destacada nas reivindicacións da fábrica de aluminios coruñesa nas últimas dúas décadas
27.09.2020.

O Sindicato Nacional de CCOO de Galicia lamenta o falecemento aos 60 anos do compañeiro Nazario Arias Fuentes, presidente do comité de empresa de Alcoa-A Coruña, a actual Alu Ibérica, entre os anos 2011 e 2015. Comisións destaca o seu compromiso e a súa loita, que o converteron nunha voz destacada nas reivindicacións da fábrica de aluminios coruñesa nas últimas dúas décadas.

A Federación de Construción e Servizos de CCOO denuncia «mínimas» condicións de seguridade na canteira coruñesa de Baños de Arteixo

  • O sindicato manifesta a súa preocupación ante a sucesión de accidentes sen que a empresa, Arias Hermanos, adopte medidas
24.09.2020.

A Federación de Construción e Servizos de CCOO denuncia as «mínimas» condicións de seguridade na canteira coruñesa de Baños de Arteixo, propiedade de Arias Hermanos. O sindicato manifesta a súa preocupación ante a sucesión de accidentes sen que a empresa adopte medidas. O último sinistro ocorreu o pasado martes, cando se precipitou no interior da canteira parte da maquinaria destinada ao tratamento de materiais.

Un momento da concentración

CCOO denuncia que o novo modelo de servizo a bordo de RENFE supón a perda do 60 % do emprego

  • O Consello de Administración de Renfe aprobou unha nova licitación que só garante o 40 % do persoal actual
  • O sector Ferroviario de CCOO de Galicia convocou hoxe unha concentración fronte á estación do tren da Coruña
21.09.2020.

O sector Ferroviario de CCOO de Galicia convocou hoxe unha concentración fronte á estación do tren da Coruña en defensa do emprego no servizo de a bordo de Renfe. O operador público aprobou unha nova licitación que só garante o 40% do persoal actual, contratado por Ferrovial Servicios.

Folga e mobilizacións no ensino público

Folga e concentracións no ensino o xoves, día 10 de setembro

09.09.2020.

O xoves, 10 de setembro, terá lugar a primeira das dúas xornadas de folga convocadas no ensino galego, cadrando co comezo do curso en educación infantil e primaria. Os sindicatos CCOO, CIG, CSIF e STEG, que contan co apoio das dúas confederacións de ANPAS e das organizacións estudantís, convocan concentracións ás 11:30 nas sete cidades e en varias localidades máis.

Composición con varios momentos da mobilización

A Mariña 'vota' «peche, non» e esixe solucións á situación de Alcoa

01.07.2020.

Centos de traballadores e traballadoras de Alcoa protestaron este mediodía diante da sede da Xunta de Galicia, no complexo administrativo de San Caetano (Santiago de Compostela). Portando carteis co lema «Eu voto 'peche non!'», escenificaron a morte da comarca se non se lle pon remedio aos despedimentos anunciados pola multinacional do aluminio.

Pancarta da mobilización de Vigo

Galicia mobilizouse a prol dun pacto para unha reconstrución social do país que non deixe a ninguén atrás

29.06.2020.

O Sindicato Nacional de CCOO de Galicia e UGT-Galicia convocaron para a fin de semana oito mobilizacións coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír».

Buscar noticias anteriores

Buscar noticias anteriores

Data: