Sindicato Nacional de CCOO de Galicia

Sindicato Nacional de CCOO de Galicia
Afíliate a CCOO
Concentración fronte aos Xulgados de Ferrol

Seguimento do 90% da xornada de folga na Xustiza

13.12.2017.

As sete organizacións sindicais que convocan a folga da Xustiza, entre elas CCOO, informan de que o seguimento da convocatoria foi de case o 90%. Por cidades, o maior seguimento deuse en Pontevedra, onde case o 95% do persoal secundou os paros. Na Coruña, Ourense e Vigo tamén se superou amplamente o 90% de participación.

Un momento da asemblea do mércores en Vigo

CCOO vixiará «de preto» o cumprimento do convenio pontevedrés do metal

  • O sindicato lanza unha advertencia ás empresas «piratas» que deixan de aplicar o convenio sen causa xustificada
09.11.2017.

O mércores, 8 de novembro, tivo lugar en Vigo unha asemblea de delegadas e delegados do sector do metal da provincia de Pontevedra. Publicado o convenio o pasado 26 de outubro, era necesaria unha xuntanza para explicar as «pequenas modificacións» que sufriu o documento despois dos requirimentos que fixo a Xunta.

Concentración na praza da Quintana, en Santiago de Compostela

Milleiros de voces berraron en Galicia «lumes, nunca máis»

  • CCOO e UGT critican a mala planificación da Xunta de Galicia en materia contra incendios
17.10.2017.

Milleiros de persoas participaron nas ducias de concentracións convocadas para o serán do luns en toda Galicia. En todas as cidades e en numerosas vilas houbo concentracións e mesmo manifestacións. Unha das consignas máis repetidas foi a de «lumes, nunca máis», xunto con berros de «dimisión» dirixidos a diferentes cargos da Xunta, especialmente o presidente.

CCOO mobilizarase a prol das áreas sanitarias

CCOO maniféstase en defensa das áreas sanitarias

  • Alerta do risco de privatización pois, con menos medios nos hospitais comarcais, «a alternativa será desprazarse a Lugo, Ourense ou Pontevedra, incluso acudir a centros privados»
  • Manifestacións: 29 de setembro (O Salnés), 30 de setembro (O Barco), 5 de outubro (A Mariña) e 8 de outubro (Monforte)
30.09.2017.

A Federación de Sanidade de Comisións Obreiras secunda as manifestacións convocadas en todo o país contra a reforma da lei de saúde de Galicia. O sindicato xa ten manifestado en diversas ocasións a súa oposición a este proxecto, que suprimirá varias áreas sanitarias e mesmo abre de par en par as portas da privatización. O secretario xeral de CCOO-Sanidade, Ángel Cameselle, advirte que, con menos medios nos hospitais comarcais, «a alternativa será desprazarse a Lugo, Ourense ou Pontevedra, incluso acudir a centros privados».

O convenio provincial mantén os salarios máis baixos de Galicia

CCOO non asina o convenio de rematantes e serradoiros de Pontevedra por manter a precariedade no sector

  • Co asinamento, por parte da UGT e da CIG, o persoal perderá os atrasos e continuará cos salarios máis baixos de Galicia neste ámbito, malia a recuperación económica do sector
04.08.2017.

A Federación de Construción e Servizos de CCOO de Galicia non asinou o convenio provincial de rematantes e serradoiros de Pontevedra, subscrito polos sindicatos UGT e CIG o pasado 2 de agosto. Segundo Comisións Obreiras, o novo texto mantén a precariedade do sector nesta provincia, que actualmente ten os salarios máis baixos do país.

CCOO esixe a sustentabilidade do sistema público de pensións e a súa revalorización

CCOO chama a mobilizarse en defensa do sistema público de pensións

  • O sindicato esixe medidas para garantir a sustentabilidade das pensións públicas e a súa revalorización
26.06.2017.

A Federación de Pensionistas e Xubilados de Comisións Obreiras de Galicia (FPX-CCOO) chama a mobilizarse mañá martes, 27 de xuño, en defensa do sistema público de pensións. Para este efecto, o sindicato concentrouse hoxe diante da oficina de emprego de Vilagarcía de Arousa e convoca para mañá actos reivindicativos diante das sedes do Instituto Nacional da Seguridade Social (INSS) de Ferrol, Lugo, Pontevedra, Vigo e Ourense. As protestas serán ás 11 horas, agás en Ourense, onde será ás 12 horas.

CCOO critica a falta de vontade negociadora da patronal do metal de Pontevedra

08.06.2017.

A Federación de Industria de CCOO critica a falta de vontade negociadora por parte da patronal do metal da provincia de Pontevedra. O sindicato repróchalle á patronal que nin garanta o poder adquisitivo dos salarios nin acabe de dar solucións para determinadas cuestións que levan a ser obxecto de negociación xa en nova xuntanzas.

Concentración ás portas dos Xulgados de Pontevedra

Xuízo polo despedimento de dous delegados de CCOO no Gran Hotel La Toja

  • Membros do sindicato acudiron aos Xulgados de Pontevedra para apoiar a estes compañeiros
04.05.2017.

Este xoves, día 4 de maio, tivo lugar en Pontevedra o xuízo polo despedimento de dous delegados de CCOO no Gran Hotel La Toja (O Grove), complexo hoteleiro xestionado polo grupo Hotusa. Por tal motivo, o sindicato chamara a acudir aos Xulgados pontevedreses para amosar o apoio a estes compañeiros.

Gran participación na manifestación a prol da área sanitaria do Salnés

Tres mil persoas mobilízanse en defensa da área sanitaria do Salnés

04.12.2017.

Ao redor de tres mil persoas mobilizáronse o domingo en defensa da sanidade pública e da área sanitaria do Salnés. A Plataforma en Defensa da Sanidade Pública do Salnés, da que forma parte CCOO, alerta dos prexuízos que lle causaría á cidadanía a supresión desta área sanitaria, tal como pretende a Xunta.

Nas eleccións sindicais, esixe CCOO

CCOO gañou as eleccións sindicais en CEFRICO

  • O sindicato revalida a súa maioría no comité de empresa
30.10.2017.

Comisións Obreiras (CCOO) gañou as eleccións sindicais no Centro Frigorífico Conservero, S.A., (CEFRICO), unha empresa conserveira de Vilagarcía de Arousa con 228 traballadores e traballadoras. A candidatura presentada por CCOO logrou catro representantes, o mesmo número que nos anteriores comicios, polo que revalida a súa maioría no comité de empresa.

Na fotografía, manifestación do Salnés

A cidadanía sae ás rúas pola continuidade das áreas sanitarias

06.10.2017.

​Nas comarcas do Salnés, Valdeorras e A Mariña, a poboación saíu de xeito masivo á rúa para defender o actual mapa galego de áreas sanitarias. Outro tanto se prevé que aconteza o próximo domingo en Monforte de Lemos. CCOO apoia estas manifestacións e rexeita o proxecto de Lei de saúde pública de Galicia. O sindicato entende que a iniciativa, do PP, abre as portas de par en par á privatización.

Fotografía de arquivo dunha protesta dos bombeiros

Os bombeiros comarcais de Pontevedra, en folga desde o día 8, esixen mellores condicións e non seren discriminados

11.08.2017.

Os bombeiros de Matinsa, empresa que xestiona os parques de bombeiros privatizados da provincia de Pontevedra, esixen mellores condicións laborais e non seren discriminados. Estes profesionais están en folga desde o pasado día 8 de agosto.

Concentración o mércores, día 5, fronte á patronal ATRA (Vigo)

O mércores comezan en Vigo as mobilizacións do metal pontevedrés

03.07.2017.

O sector do metal da provincia de Pontevedra comeza o próximo 5 de xullo as mobilizacións ante o bloqueo das negociacións por parte da patronal. CCOO, CIG e UGT denuncian que, tras doce xuntanzas, segue sen haber avances.

Asembleas xerais abertas nas nove comarcas

CCOO presenta o plan de traballo e a proposta de unidade sindical

13.06.2017.

A nova Comisión Executiva Nacional de CCOO de Galicia presenta o seu plan de traballo e a proposta de unidade sindical. Farao en asembleas xerais abertas en nove localidades do país entre o 14 de xuño e o 6 de xullo.

Protesta ás portas do hospital o pasado 5 de maio

CCOO denuncia a deterioración do servizo de cociña no Hospital do Salnés

09.05.2017.

CCOO denuncia a deterioración do servizo de cociña do Hospital do Salnés, salientando a falta de dietistas que supervisen os menús en festivos ou fin de semana. O sindicato atribúe a situación aos incumprimentos en materia laboral por parte da empresa concesionaria, Eurest Colectividades.

Buscar noticias anteriores

Buscar noticias anteriores

Data:

  • Zona de afiliados
  • Afiliate a CCOO
  • Lista de locais do SN de CCOO
  • Gabinetes de saúde laboral
  • Fixemos, facemos, faremos historia
  • Resumo de prensa
  • Galicia Sindical n.º 39 - 1.ª quincena de abril de 2013
  • Autoemprego
  • Queres ser delegado?
  • Fundación 10 de Marzo
  • Portal de transparencia