Sindicato Nacional de CCOO de Galicia

Sindicato Nacional de CCOO de Galicia
Información sindical sobre a crise sanitaria do coronavirus
Pancarta da mobilización de Vigo

Galicia mobilizouse a prol dun pacto para unha reconstrución social do país que non deixe a ninguén atrás

29.06.2020.

O Sindicato Nacional de CCOO de Galicia e UGT-Galicia convocaron para a fin de semana oito mobilizacións coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír».

De esq. a der., Ramón Sarmiento, secretario xeral de CCOO, e J. A. Gómez, secretario xeral de UGT

Oito mobilizacións reivindicarán en Galicia un pacto para unha reconstrución social do país que non deixe a ninguén atrás

  • CCOO e UGT convocan para esta fin de semana sete concentracións e unha manifestación
25.06.2020.

O Sindicato Nacional de CCOO de Galicia e UGT-Galicia convocan oito mobilizacións para esta fin de semana coa reivindicación dun pacto para a reconstrución social do país e que non se deixe a ninguén atrás. Estas mobilizacións enmárcanse nunha campaña estatal que contará cincuenta concentracións e manifestacións so o lema «Imos saír». Tamén se redactou un manifesto, apoiado por personalidades do mundo social e da cultura de todo o Estado que se xuntaron para reivindicar un gran pacto para a reconstrución social dun país inmerso na crise causada pola pandemia da COVID-19.

Tren de Renfe

CCOO pídelle a Renfe que non rescinda o contrato con Ferrovial, pois deixaría sen emprego unha vintena de persoas en Galicia

  • O sindicato solicita o estudo doutras alternativas ata que poida retomarse a actividade de restauración nos trens
29.04.2020.

O sector Ferroviario da Federación de Servizos á Cidadanía de CCOO solicitoulle por escrito ao presidente de Renfe, Isaías Táboas, que «reconsidere» a decisión da empresa de non prorrogar o contrato do servizo de atención a bordo e restauración en trens, prestado actualmente por Ferrovial Servizos e cuxa prórroga finaliza o próximo 30 de abril. Esta medida deixaría sen emprego a case 2000 persoas, unha vintena delas en Galicia, concentradas na provincia da Coruña.

Recepcion dos liberados do Proceso dos 23 de Ferrol / Foto: Arquivo persoal de Fina Varela

Remata a primeira fase da longametraxe sobre o 10 de Marzo, na que colabora CCOO

10.03.2020.

A principios de mes rematou a primeira fase de rodaxe da longametraxe documental "Galicia 10 de marzo", na que colabora o Sindicato Nacional de CCOO de Galicia. A fita céntrase nos tráxicos feitos acontecidos en Ferrol en 1972 e que deron pé ao establecemento desa data como Día da Clase Obreira Galega.

Actos de CCOO polo 10 de Marzo

10 de Marzo: Día da Clase Obreira Galega

26.02.2020.

O próximo 10 de Marzo, Día da Clase Obreira Galega, CCOO manifestarase en Ferrol baixo o lema «Memoria de loita e traballo», coa que se porá o ramo a varias semanas de traballo sindical que incluíron diversos actos e asembleas en todas as comarcas.

Concentración no campus da Coruña

Concentracións nos campus contra a privatización da universidade

  • Convocadas pola Plataforma Galega en Defensa da Universidade Pública
11.02.2020.

A Plataforma Galega en Defensa da Universidade Pública, integrada polos sindicatos CCOO, CIG e UGT, xunto coas organizacións estudantís Erguer, Anega, Acción Universitaria e Sindicato de Estudantes, convocou concentracións este martes para rexeitar a creación dunha universidade privada.

O operario traballaba nunha tala forestal | Foto: Pixabay

CCOO lamenta o falecemento dun traballador nunha talla forestal no concello de Cabanas

  • O sindicato insta a «extremar as precaucións» e a «non escatimar» medidas de prevención
31.01.2020.

O Sindicato Nacional de CCOO de Galicia traslada as súas condolencias a familiares, compañeiros e compañeiras e amizades do traballador que o xoves perdeu a vida nun accidente laboral no concello de Cabanas (comarca de Ferrol). Segundo as informacións que se coñecen ata o momento, o operario perdeu a vida durante unha talla forestal, cando lle caeu unha póla na cabeza.

CCOO gaña as eleccións sindicais en Correos

CCOO ratifica a súa condición de primeiro sindicato en Correos tras vencer tamén na provincia da Coruña

  • O sindicato ten o 36,1 % dos delegados e delegados da empresa na provincia e o 38,6 % en Galicia
24.01.2020.

Comisións Obreiras (CCOO) ratifica a súa condición de primeiro sindicato en Correos tras gañar tamén as eleccións sindicais na provincia da Coruña. As votacións tiveron lugar o xoves desta semana, mentres que nas restantes tres provincias xa foran a mediados do pasado mes de decembro.

Un momento da concentración de hoxe

O comité de empresa de Froiz na provincia da Coruña esixe xornadas de traballo continuas

  • Durante a pandemia, a cadea de distribución xeneralizou as xornadas continuas, pero agora volve á xornada partida ou mixta
26.06.2020.

O comité de empresa de Froiz na provincia da Coruña convocou este mediodía unha concentración na cidade herculina para esixir xornadas de traballo continuas, de xeito que se facilite a conciliación da vida persoal, familiar e laboral.

CCOO conseguiu un importante acordo para o sector da construción da Coruña

CCOO asina un acordo para reducir en dous días de traballo a recuperación dos permisos retribuídos na construción da Coruña

  • Grazas a este pacto, uns 20 000 traballadores e traballadoras do sector non terán que prolongar a xornada durante o verán, nin tampouco traballar festivos ou fins de semana
04.05.2020.

A Federación de Construción e Servizos de CCOO asinou un acordo para reducir en dous días de traballo a recuperación dos permisos retribuídos na construción da provincia da Coruña. Estes permisos foron decretados polo Goberno central na primeira prórroga do estado de alarma. Deste xeito, o persoal do sector non terá que prolongar a súa xornada durante o verán, nin tampouco traballar en festivos ou fins de semana, como propuña outro sindicato.

Pancarta de cabeceira da manifestación en Ferrol

10 de Marzo: «Hoxe está aquí o corazón da clase obreira galega»

11.03.2020.

O acto central do Día da Clase Obreira Galega foi a manifestación que tivo lugar o martes en Ferrol, na que CCOO fixo visibles os principais conflitos, especialmente os que atanguen os sectores industriais. «Hoxe está aquí o corazón da clase obreira galega», exclamou o secretario xeral do sindicato, Ramón Sarmiento, ante os centos de persoas congregadas no Cantón, lugar onde rematou a marcha.

De esq. a der., Maica Bouza, Ramón Sarmiento e Xan María Castro

CCOO presentou os actos do Día da Clase Obreira Galega coa ollada posta na grave crise industrial que padece o país

  • O sindicato e a súa fundación homenaxearán as traxectorias de compromiso e loita de Palmyre Ros, Berta Trigo e Plácido Cal
28.02.2020.

O Sindicato Nacional de CCOO de Galicia presentou hoxe os actos conmemorativos do 10 de Marzo, Día da Clase Obreira Galega. O secretario xeral, Ramón Sarmiento, apuntou que este ano se desenvolverá nun contexto singular, marcado por unha profunda crise industrial e pola convocatoria de eleccións ao Parlamento galego.

Intervención de Víctor Ledo durante a conferencia de prensa desta mañá

CCOO-Industria estima que o estatuto de consumidores electrointensivos é «claramente insuficiente»

  • Para o sindicato e os comités de empresa de Aluibérica e Alcoa, o proxecto «decepciona e preocupa»
17.02.2020.

A Federación de Industria de CCOO coida «claramente insuficiente» o estatuto de consumidores electrointensivos. Para o sindicato e os comités de empresa de Aluibérica (antiga Alcoa-A Coruña) e de Alcoa-San Cibrao, o proxecto «decepciona e preocupa», pois non recolle as medidas de estabilidade e competitividade reclamadas para o sector.

CCOO, contra as violencias machistas

CCOO chama a participar nas concentracións contra o último asasinato machista

  • Hai convocadas máis de corenta concentracións para a tarde deste luns, 10 de febreiro
10.02.2020.

O Sindicato Nacional de CCOO en Galicia chama a participar nas concentracións convocadas para a tarde deste luns 10 de febreiro, para rexeitar o último asasinato machista, que tivo lugar en Lugo. CCOO reitera o seu rotundo e total rexeitamento ás violencias contra as mulleres, a expresión máis dramática e cruel das desigualdades materiais e culturais que persisten, dirixidas a atacar a liberdade, a seguridade, a autonomía das mulleres e a mantelas nunha inxusta situación de inferioridade.

Concentracións este luns contra o primeiro asasinato machista do ano en Galicia

27 de xaneiro: máis de trinta concentracións para rexeitar o asasinato machista da Pastoriza

  • Nas sete cidades e en numerosas vilas
27.01.2020.

O movemento feminista galego, do que forma parte o Sindicato Nacional de CCOO de Galicia, convoca para a tarde deste luns, 27 de xaneiro, máis de trinta concentracións en todo país. Con estas protestas quérese rexeitar o asasinato machista cometido o sábado no concello lugués da Pastoriza, o primeiro no que vai de ano.

Buscar noticias anteriores

Buscar noticias anteriores

Data: