Sindicato Nacional de CCOO de Galicia

Sindicato Nacional de CCOO de Galicia
Primeiro de Maio de 2019: Primeiro as persoas
A traballadora estaba contrada en fraude de lei pola clínica dental, sentencia o TSXG | Foto:Pixabay

A Xustiza dálle a razón a CCOO e confirma fraude de lei e nulidade do despedimento dunha embarazada nunha clínica dental de Lugo

  • A traballadora deberá ser readmitida no seu posto de traballo, agora con carácter indefinido, e indemnizada con máis de 6500 euros por Dentix por «vulneración de dereitos fundamentais»
11.04.2019.

O Tribunal Superior de Xustiza de Galicia (TSXG) dálle a razón a CCOO e sentencia a nulidade do despedimento dunha traballadora contratada en fraude de lei que prestaba servizos en Lugo para Dentoestetic Centro de Salud y Estética Dental (Dentix). A empresa está obrigada a readmitir a afectada no seu posto de traballo e a indemnizala con 6521 euros pola vulneración dos seus dereitos. Con esta decisión, o Alto Tribunal galego revoga unha sentenza emitida o pasado outono polo Xulgado do Social n.º 2 de Lugo.

As charlas terán lugar entre o luns e o mércores da próxima semana

CCOO-Ensino dá charlas nas universidades para informar das oposicións

  • Entre o luns 25 e o mércores 27 de marzo
22.03.2019.

A Federación do Ensino de CCOO de Galicia dará charlas nos próximos días nos diferentes campus universitarios para informar sobre as oposicións. A campaña procura animar e apoiar o alumnado interesado en acceder á función pública docente, xa que se convoca un bo número de prazas grazas ao Acordo pola Mellora do Emprego Público, asinado por CCOO.

Centro de día público Novo Antonio Gandoy | Foto: Google Street View

CCOO insta o Concello de Lugo a solucionar os problemas de liquidez do centro de día público Novo Antonio Gandoy

  • Mediado o mes de marzo, o persoal non cobrou a nómina de febreiro e o sindicato teme que a situación poida empeorar, xa que a Administración local lle debe á empresa varias mensualidades
13.03.2019.

Comisións Obreiras (CCOO) insta o Concello de Lugo a solucionar os problemas de liquidez do centro de día público Novo Antonio Gandoy. Tras coñecer que o persoal non cobrara a nómina de febreiro, o sindicato realizou xestións tanto coa empresa como coa Administración para coñecer a orixe do problema. Segundo confirmou a actual adxudicataria, Innovación y Desarrollo Existencial SL, o Concello débelle unha importante cantidade, equivalente a varias mensualidades de prestación do servizo.

Protesta dos bombeiros de Lugo

Bombeiros de Lugo protestan pola precariedade e a falta de persoal

  • CCOO insta a alcaldesa a convocar «urxentemente» doce prazas
  • Na actualidade só hai catro bombeiros por quenda para atender unha cidade de cen mil habitantes
31.01.2019.

Bombeiros do Concello de Lugo protestaron hoxe durante o pleno municipal para denunciar a precariedade laboral e a falta de persoal. Desde a sección sindical de CCOO instan a alcaldesa a convocar «urxentemente» doce prazas para paliar unha situación que cualifican de «crítica», pois só hai catro profesionais por quenda para atender as necesidades dunha cidade de cen mil habitantes.

CCOO alerta da falta de bombeiros en Lugo

17.01.2019.

A sección sindical de CCOO no Concello de Lugo alertou hoxe da falta de bombeiros e afirmou que a situación, de non corrixirse, pode ser «catastrófica». Por esta razón, o sindicato anunciou mobilizacións para esixir a cobertura das vacantes.

No centro, Juan Zas e Ramón Sarmiento (CCOO), acompañados por delegadas de persoal na Fundación

CCOO denuncia a explotación laboral en Proxecto Home Galicia

  • O sindicato lamenta que a dirección da Fundación manteña as persoas usuarias como «reféns» da mala xestión
  • A Inspección de Traballo obriga a Fundación a pagalles aos traballadores e traballadoras uns 14.000 euros en concepto de salarios e cotizacións sociais non percibidos durante as baixas médicas
04.10.2018.

Comisións Obreiras (CCOO) denuncia explotación laboral na Fundación Monte do Gozo (Proxecto Home Galicia) e reproba que a dirección utilice as persoas usuarias como «reféns» para presionar os seus propios traballadores e traballadoras. Segundo CCOO, ante a crecente mobilización interna en defensa dos dereitos laborais, a dirección da fundación reaccionou pechando dous centros de traballo, causando un grave prexuízo tanto ao seu persoal como ás persoas usuarias.

Matadoiro de polos | Foto: dominio público

O grupo Coren integrará no seu cadro de persoal uns 1350 falsos autónomos tras a campaña de denuncia de CCOO

  • Prestaban servizos para varias empresas do grupo a través da falsa cooperativa Servicarne, denunciada por CCOO perante a Inspección de Traballo
30.07.2018.

A campaña de denuncia de CCOO contra a falsa cooperativa Servicarne continúa a dar froitos. Grazas ao labor do sindicato, Coren anuncia que integrará como persoal fixo uns 1350 falsos autónomos que ata o momento prestaban servizo para varias empresas do grupo cárnico. A decisión terá efectos a partir do 1 de agosto e beneficia preto de 250 traballadores e traballadoras na provincia de Pontevedra, 300 en Lugo e uns 800 na de Ourense.

CCOO pide que as bases helitransportadas sexan xestionadas directamente polo servizo público

CCOO critica o 'peche' das bases de medios aéreos da Xunta, que permaneceron sen helicóptero todo o mes de xuño

  • O sindicato pide reverter estes recursos ao servizo público e que as bases helitransportadas volvan funcionar con propio da Consellaría do Medio Rural
28.06.2018.

O sector da Administración autonómica de CCOO de Galicia critica a ausencia de helicópteros nas bases de medios aéreos da Xunta de Galicia durante todo o mes de xuño, o que equivale na práctica ao seu peche. Mentres están nesta situación as bases helitransportadas de Marroxo (na provincia de Lugo), Vilamaior (Ourense) e O Campiño (Pontevedra), o operativo de medios aéreos está en mans dunha empresa privada.

CCOO volve reclamar un servizo de bombeiros «de calidade» para Lugo

28.03.2019.

​Máis dunha ducia de bombeiros volveu protestar hoxe no Concello de Lugo para esixir un servizo «de calidade». O voceiro de CCOO, Tino Vila, reitera que falta persoal e pide tamén melloras organizativas.

Concentración fronte ao almacén de DIA en Santiago de Compostela

CCOO intensifica as protestas en DIA ante unha xornada decisiva para o futuro da empresa

  • Este mércores, cadrando coa xunta de accionistas en Madrid, haberá protestas en Galicia e no resto de España
20.03.2019.

A Federación de Servizos de CCOO sinala que este mércores é unha xornada decisiva para o futuro do Grupo DIA e do seu cadro de persoal, xa que se celebra en Madrid a xunta xeral de accionistas, da que pode saír un novo equipo directivo. Tamén está previsto que se debata o plan de viabilidade da distribuidora de alimentación, que condicionará o ERE que prevé levar adiante a empresa.

Captura de pantalla da páxina web do programa 'Ben Empregado'

CCOO pídelle á Deputación de Lugo información sobre o programa 'Ben Empregado'

05.02.2019.

A Unión Comarcal de CCOO de Lugo rexistrou un escrito perante a Deputación provincial solicitándolle información sobre o programa 'Ben Empregado', que prevé actuacións para mellorar a empregabilidade e facilitar a inserción no ámbito laboral das persoas desempregadas.

Carteis de CCOO de Galicia pola campaña contra o uso de falsos autónomos en Servicarne

O Grupo SADA rescinde con Servicarne e incorpora ao cadro de persoal 125 falsos autónomos dun matadoiro lugués

  • CCOO salienta que se trata dun «novo éxito» da campaña sindical contra os falsos autónomos no sector cárnico
31.01.2019.

O Grupo SADA, un dos principais matadoiros de polos de toda España, rescinde o contrato con Servicarne e incorpora ao seu cadro de persoal 125 falsos autónomos que operaban no seu matadoiro de Castro de Ribeiras de Lea, no concello lugués de Castro de Rei. Deste xeito, SADA súmase á lista de empresas do sector cárnico que deixan de utilizar esta figura.

Concentracións mañá martes, 15 de xaneiro

CCOO chama a participar o martes nas concentracións feministas contra a ameaza da extrema dereita

  • Terán lugar en varias cidades e vilas galegas baixo o lema «os nosos dereitos non se negocian!»
14.01.2019.

O Sindicato Nacional de Comisións Obreiras de Galicia (CCOO) chama a participar mañá martes, 15 de xaneiro, nas concentracións convocadas polo movemento feminista contra a ameaza da extrema dereita. As mobilizacións terán lugar en varias cidades e vilas galegas baixo o lema «os nosos dereitos non se negocian!».

Continúan as mobilizacións en defensa das pensións

CCOO e UGT convocan concentracións para que se garantan os dereitos das persoas maiores

  • Con motivo do Día Internacional das Persoas Maiores, ambos os dous sindicatos esixen a revalorización das prestacións para combater o empobrecemento dos pensionistas
28.09.2018.

Co gallo do Día Internacional das Persoas Maiores, CCOO e UGT convocan a próxima semana concentracións en todo o Estado. En Galicia terán lugar o martes, 2 de outubro. Con esta acción, ambos os sindicatos denuncian que as medidas adoptadas para combater a crise só axudaron a empobrecer amplos sectores da poboación, especialmente as persoas de máis idade.

CCOO esíxelle á alcaldesa de Sarria «diálogo» e «deixar de desacreditar» as traballadoras e traballadores municipais

  • O sindicato coida «inaceptable» que nun pleno afirmase que «a brigada non tería gañas de traballar», en referencia ao período en que tiña prohibido adquirir combustible para realizar o seu labor
04.07.2018.

Comisións Obreiras (CCOO) esíxelle á alcaldesa de Sarria «o regreso á senda do diálogo». Ínstaa, tamén, a «deixar de desacreditar» as traballadoras e traballadores municipais. Desde o sindicato coidan «inaceptable» que Pilar López afirmase que «a brigada non tería gañas de traballar», en referencia ao período en que o persoal non puido realizar as súas funcións pola prohibición de comprar material ou gasóleo para os vehículos.

Buscar noticias anteriores

Buscar noticias anteriores

Data: