Sindicato Nacional de CCOO de Galicia

Sindicato Nacional de CCOO de Galicia
Primeiro de Maio de 2019: Primeiro as persoas
CCOO esixe que o Hospital do Barbanza conte sempre con servizo de farmacia | Foto: Google Maps

CCOO esixe que o Hospital do Barbanza conte sempre con servizo de farmacia

  • Os doentes traen medicación da casa e o hospital non conta con farmacia operativa durante as tardes, noites e fins de semana
16.04.2019.

A Federación de Sanidade de CCOO esixe que o Hospital do Barbanza conte sempre con servizo de farmacia. Actualmente non está operativa durante as tardes, noites e fins de semana, e os doentes continúan traendo da casa a súa medicación, como se facía antigamente. Malia se tratar a situación en numerosas ocasións, nin o Sergas nin a dirección do Hospital deron unha solución a esta problemática.

Asemblea de traballadoras o pasado xoves, 11 de abril

Mobilizacións no SAD de Vedra para esixir o cumprimento do convenio e a readmisión dunha traballadora

15.04.2019.

O persoal do servizo de atención a domicilio (SAD) de Vedra decidiu iniciar mobilizacións contra os graves incumprimentos do convenio e a mingua das súas condicións laborais, e para esixir a readmisión dunha compañeira que foi despedida.

CCOO coida «inasumible» a oferta presentada pola patronal da sanidade privada da provincia da Coruña

  • Presenta como «novidade» medidas que xa están garantidas polo convenio, e propón cuestións que incluso empeoran o asinado
29.03.2019.

Comisións Obreiras (CCOO) coida «inasumible» a oferta presentada pola patronal da sanidade privada da provincia da Coruña na última mesa de negociación, tanto polos contidos como pola propia duración do convenio, de cinco anos, que «hipotecaría» as condicións de traballo durante un período «excesivo». Segundo CCOO, a parte empresarial chega incluso a presentar como «novidade» medidas que xa están garantidas polo convenio, como a «insuficiente» suba salarial do 1,6 %, pero tamén inclúe propostas que empeoran o asinado.

Bombeiros forestais traballando na extinción dun incendio

CCOO afirma que a improvisación é «a única política» da Xunta contra os incendios forestais

  • O sindicato lamenta que a Administración autonómica «non aprenda nada dun ano para outro» e atrase «o máximo posible» a entrada en vigor das medidas de prevención
26.03.2019.

Comisións Obreiras (CCOO) afirma que a improvisación é «a única política» da Xunta de Galicia contra os incendios forestais. Desde a fin de semana, varios lumes afectaron ou están a afectar diversos puntos da xeografía galega, como Chandrexa de Queixa, a serra do Xurés, O Barco de Valdeorras e máis recentemente na Barbanza, concretamente en Dodro e Rianxo. Malia levarmos xa dúas semanas con elevadas temperaturas para esta época do ano e baixas precipitacións, a Administración autonómica agardou ata o 24 de marzo para decretar a prohibición de queimas e outras actividades similares, que se fixo efectiva o luns.

As charlas terán lugar entre o luns e o mércores da próxima semana

CCOO-Ensino dá charlas nas universidades para informar das oposicións

  • Entre o luns 25 e o mércores 27 de marzo
22.03.2019.

A Federación do Ensino de CCOO de Galicia dará charlas nos próximos días nos diferentes campus universitarios para informar sobre as oposicións. A campaña procura animar e apoiar o alumnado interesado en acceder á función pública docente, xa que se convoca un bo número de prazas grazas ao Acordo pola Mellora do Emprego Público, asinado por CCOO.

O secretario xeral de CCOO, Ramón Sarmiento, participou na protesta

O persoal de DIA amosou en Santiago de Compostela o seu rexeitamento ao ERE

  • «En DIA non sobra ninguén», expresaron as traballadoras e os traballadores da distribuidora de alimentación
13.03.2019.

Traballadoras e traballadores do Grupo DIA, arroupados por membros de CCOO, manifestaron este mércores en Santiago de Compostela o seu rexeitamento ao «brutal e desproporcionado» ERE que pretende acometer a distribuidora de alimentación. «En DIA non sobra ninguén», clamaron fronte á tenda que a cadea ten no barrio compostelán de Vidán.

Conferencia de prensa dos comités de folga. Primeira pola esquerda, Emilia Lamas, de CCOO

O persoal dos PAC advírtelle ao Sergas que «continuamos en folga»

  • O venres terá lugar en Santiago de Compostela unha asemblea do persoal para decidir os próximos pasos
27.02.2019.

Membros do comité de folga dos puntos de atención continuada (PAC) de Galicia compareceron hoxe perante os medios de comunicación para enviarlle unha mensaxe ao Sergas: «continuamos en folga». Tras a ruptura das negociacións, o persoal decidirá en asemblea o venres, 1 de marzo, os próximos pasos que darán.

Un momento da concentración

CCOO e UGT entregan na Xunta 600 sinaturas para esixir a negociación da RPT do Consorcio de Igualdade e Benestar

  • Ducias de traballadores e traballadoras concentráronse diante da sede do organismo para esixir a dimisión do xerente, a quen culpan da situación
18.02.2019.

Comisións Obreiras (CCOO) e UGT entregaron esta mañá na Xunta de Galicia 600 sinaturas para esixir a negociación da relación de postos de traballo (RPT) do Consorcio Galego de Igualdade e Benestar. Asemade, ducias de traballadoras e traballadoras concentrábanse diante da sede do organismo, no edificio administrativo de San Lázaro, en Santiago de Compostela. Alí corearon diversas consignas esixindo a dimisión do xerente do Consorcio, a quen culpan da situación.

O persoal protesta cada venres para esixir solucións

CCOO-Sanidade insiste en que Rianxo precisa un PAC de tarde

  • O persoal, apoiado pola veciñanza, continúa protestando cada semana para esixir unha solución
15.04.2019.

A Federación de Sanidade de CCOO insiste en que Rianxo precisa dun punto de atención continuada (PAC) de tarde, en horario de 15:00 a 8:00. O sindicato sinala que o concello ten case doce mil habitantes e preto de tres mil persoas teñen adxudicada a atención médica e enfermeira en quenda de tarde. Porén, o número de persoas que atenden acotío é moito maior, xa que reciben todas as urxencias que xorden entre as 15:00 e as 22:00, o que provoca unha saturación.

CCOO leva meses denunciando o mal estado do complexo hospitalario

CCOO denuncia o «abandono» da unidade de Psiquiatría do Hospital Médico-Cirúrxico de Conxo

  • Nos últimos días rexistrouse a caída de novos elementos pola falta de mantemento do complexo hospitalario
08.04.2019.

A Federación de Sanidade de CCOO leva anos denunciando a situación de «abandono» da unidade de hospitalización breve de Psiquiatría do Hospital Médico-Cirúrxico de Conxo, en Santiago de Compostela. Segundo o sindicato, en abril de 2019 continúan as mesmas eivas que se lle expuxeron por escrito á Xerencia da área sanitaria no ano 2017: carencia de recursos, mobilidade do persoal, non cobertura das ausencias, necesidade de cámaras de vixilancia ou deficiencias estruturais.

CCOO segue a colleitar resultados positivos

CCOO gaña as eleccións sindicais en Telyco e no persoal laboral da Consellaría da Presidencia

26.03.2019.

A Federación de Servizos á Cidadanía de CCOO de Galicia informa da vitoria do sindicato nas eleccións sindicais celebradas en Telyco (tendas de Movistar) e no persoal laboral da Consellaría da Presidencia da Xunta de Galicia. En ambos os dous casos, o ámbito electoral foi a provincia da Coruña.

Casa do Concello de Boqueixón | Foto: Google Street View

CCOO consegue toda a representación sindical entre o persoal laboral do Concello de Boqueixón

25.03.2019.

Comisións Obreiras (CCOO) conseguiu toda a representación sindical entre o persoal laboral do Concello de Boqueixón, tres representantes, nuns comicios en que participou o 87 % do censo. CCOO salienta o «gran traballo» realizado polos seus representantes no municipio, especialmente en materia de negociación colectiva, «fundamental» para a aprobación da relación de postos de traballo.

Concentración fronte ao almacén de DIA en Santiago de Compostela

CCOO intensifica as protestas en DIA ante unha xornada decisiva para o futuro da empresa

  • Este mércores, cadrando coa xunta de accionistas en Madrid, haberá protestas en Galicia e no resto de España
20.03.2019.

A Federación de Servizos de CCOO sinala que este mércores é unha xornada decisiva para o futuro do Grupo DIA e do seu cadro de persoal, xa que se celebra en Madrid a xunta xeral de accionistas, da que pode saír un novo equipo directivo. Tamén está previsto que se debata o plan de viabilidade da distribuidora de alimentación, que condicionará o ERE que prevé levar adiante a empresa.

Comezo da xornada

II Econtro da Federación de Pensionistas e Xubilados de CCOO con motivo do 8 de marzo

06.03.2019.

A Federación de Pensionistas e Xubilados de CCOO organizou este mércores, día 6 de marzo, unha xornada polo Día Internacional da Muller. Case un cento de persoas participaron en Santiago de Compostela neste acto, en que, coa axuda de cinco relatores e relatoras, debatéronse cuestións como a violencia machista, o papel das mulleres no sindicato e a brecha salarial e de pensións.

A folga será indefinida a partir do 28 de marzo

Segundo tramo da folga das ambulancias, con manifestación o 20 de febreiro

19.02.2019.

Esta semana ten lugar o segundo tramo da folga das ambulancias, que alcanzará o punto culminante mañá mércores, día 20 de febreiro, cunha manifestación en Santiago de Compostela. A marcha partirá ás 11:30 da praza Roxa.

Buscar noticias anteriores

Buscar noticias anteriores

Data: