Sindicato Nacional de Comisións Obreiras de Galicia | 20 Abril 2024.

Folga de dúas horas por quenda o 8 de marzo

  • Información sobre os actos previos e as mobilizacións previstas para o día da folga
  • A folga terá vinte e catro horas de duración en sectores fortemente feminizados, como ensino, centros de chamadas, medios de comunicación ou instalacións deportivas, entre outros

O Sindicato Nacional de CCOO de Galicia convocou folga de dúas horas por quenda para o vindeiro 8 de marzo. Concretamente, de 12:00 a 14:00 e de 19:00 a 21:00 horas e para as xornadas continuadas en quenda de noite, a folga farase durante as dúas primeiras horas da quenda nocturna que comece na xornada do día 8. Con todo, no sector da restauración colectiva o horario será diferente, mentres que nos sectores do ensino, medios de comunicación e dos centros de chamadas, convócase folga de 24 horas.

02/03/2019.
Cartel de CCOO para a folga do 8M

Cartel de CCOO para a folga do 8M

Ensino

CCOO convoca folga para toda a xornada do 8 de marzo, comezando ás 00:00 e rematando á mesma hora do día seguinte. Diríxese a todas as empregadas e empregados públicos da Administración educativa da comunidade autónoma, administración educativa das entidades locais e das universidades públicas.

Tamén se dirixe a todas as traballadoras e traballadores docentes e non docentes da ensinanza sostida total ou parcialmente con fondos públicos, da ensinanza privada regrada e non regrada, a todas as traballadoras e traballadores dos centros de atención ás persoas con discapacidade, a todas as monitoras e monitores de comedor e outras actividades en centros públicos e privados concertados, ao persoal das autoescolas, ao persoal de atención educativa ou asistencial externalizado, ao persoal das escolas dependentes da administración local e ao persoal das universidades privadas.

Centros de chamadas

Nos centros de chamadas (contact center), a folga comezará ás 00:00 do 8 de marzo e rematará á mesma hora do día seguinte. A convocatoria diríxese ás traballadoras e traballadores do sector de contact center e das empresas temporais que prestan servizo nelas.

Medios de comunicación, ocio, cultura e deporte

Tamén haberá vinte e catro horas de folga na prensa escrita, axencias de noticias, publicacións dixitais, radio, televisión, produción audiovisual, exhibición teatral e cinematográfica, salas de festa, baile, discotas, instalacións deportivas e ximnasios. Todos eles son sectores fortemente feminizados, salenta CCOO.

Restauración colectiva

No sector da restauración colectiva, a folga terá lugar nas quendas de 12:00 a 14:00 horas e de 14:00 a 16:00 horas.

Hai motivos para ir á folga

Para CCOO, hai motivos abondo para ir á folga. Entre outros:

? O rexeitamento á desigualdade e discriminación que sofren as mulleres no mercado laboral e, en particular, o rexeitamento á brecha salarial.
? Rexeitamento á cronificación do desemprego feminino
? Rexeitamento sen paliativos á violencia machista e á insuficiencia de medidas en todos os ámbitos, con especial consideración ao laboral, para a protección das vítimas de violencia de xénero
? Rexeitamento ás políticas de igualdade de xénero do Goberno




* * *

ASEMBLEAS PREVIAS
? VIVEIRO: luns 25 febreiro ás 18:30 h. Local sindical. Participa en nome do S. N. de CCOO: Xesús A. Castro Baamonde
? OURENSE: martes 26 febreiro ás 10:00 h. Local sindical. Participa en nome do S. N. de CCOO: Xesús A. Castro Baamonde
? VIGO: martes 26 febreiro ás 10:00 h. Local sindical. Participa en nome do S. N. de CCOO: Carmen A. Sabio Sanz
? PONTEVEDRA: martes 26 febreiro ás 10:00 h. Local sindical. Participa en nome do S. N. de CCOO: Maica Bouza Seoane
? SANTIAGO DE COMPOSTELA: mércores 27 febreiro ás 10:00 h. Local Sindical. Participa en nome do S. N. de CCOO: Carmen A. Sabio Sanz
? LUGO: xoves 28 febreiro ás 19:00 h. Local Sindical. Participan en nome do S. N. de CCOO: Roi Fernández Rodríguez e Ramón Sarmiento Solla
? A CORUÑA: venres 1 de marzo ás 10:00 h. Local sindical. Participa en nome do S. N. de CCOO: Mabel Pérez Simal
? FERROL: venres 1 de marzo ás 10:00 h. Local sindical. Participan en nome do S. N. de CCOO: Yolanda Martínez Quintián e Ramón Sarmiento Solla


OUTROS ACTOS

? SANTIAGO DE COMPOSTELA: luns 4 de marzo, ás 11:30 horas, presentación do documento Análise do mercado laboral desde a perspectiva de xénero, elaborado polo Gabinete Económico e a Secretaría da Muller
? SANTIAGO DE COMPOSTELA: mércores 6 de marzo, Xornada das Mulleres, organizada pola Federación de Pensionistas e Xubilados de CCOO
? FERROL: xoves 7 de marzo, ás 19:30, na sede do antigo Hospicio. Acto público con intervencións da secretaria de Organización de CCOO, Mabel Pérez, e o economista e deputado de En Marea Manuel Lago.
? SANTIAGO DE COMPOSTELA: venres, 8 d emarzo, ás 12:15. Concentración de CCOO e UGT na praza do Obradoiro.
? LUGO: venres, 8 d emarzo, ás 12:15. Concentración de CCOO e UGT diante do edifio administrativo do Concello (rolda da Muralla, 197).
? VIGO: venres, 8 de marzo, ás 12 horas. Concentración de CCOO e UGT na Vía Norte, e posterior manifestación ata a praza da Estrela.
? OURENSE: venres, 8 de marzo, ás 12 horas. Concentración de CCOO diante da Subdelegación do Goberno .
? VIVEIRO: venres, 8 de marzo, ás 12 horas. Concentración unitaria na praza Maior.



MANIFESTACIÓN CENTRAL

? MANIFESTACIÓN CENTRAL EN LUGO: 3 marzo ás 12:00. Saída da Porta Falsa

ACTOS UNITARIOS O 8 DE MARZO

? A CORUÑA: manifestación ás 19:30 h. Saída do Obelisco ata a Fábrica de Tabacos
?FERROL: manifestación 19:00 h. Saída da praza Amada García (edif. Xunta) ata a praza de Amboage
?SANTIAGO: manifestación 20:00 h. Saída da praza 8 de Marzo ata a praza do Obradoiro
?LUGO: manifestación 20:00 h. Saída da explanada da Xunta ata a praza de Sta. María
?BURELA: manifestación 20:00 h. Saída da estación do tren ata a praza do Concello
?OURENSE: manifestación 20:00 h. Subdelegación do Goberno
?VIGO: manifestación 20:00 h. Saída da praza dos Cabalos ata a Porta do Sol
?PONTEVEDRA: manifestación 20:00 h. Saída da praza do Hospital ata o Monumento aos Heroes de Pontesampaio
?AROUSA: concentración 20:30 h. Praza de Galicia
?Cuntis (Pontevedra): manifestación 19:30 h. Saída do centro de saúde e remate na praza das Árbores
?Marín (Pontevedra): manifestación 20:30 h. Praza do Concello
?Carballo (A Coruña): manifestación 20:00 h. Edificio dos Xulgados
 

    •