Sindicato Nacional de Comisións Obreiras de Galicia | 24 Abril 2024.

Os Reis Magos de Oriente agasallan con carbón a patronal de limpeza da provincia da Coruña pola «mala fe» na negociación do novo convenio

    CCOO, UGT e CIG, arroupados por máis de trinta delegadas e delegados, achegáronse á sede de EULEN na Coruña, onde entregaron un escrito en que rexeitan «contundentemente» a proposta da patronal para asinar o novo convenio provincial de limpeza.

    05/01/2021.
    Temas
    Os tres Reis Magos agasallaron con carbón a patronal da limpeza da provincia da Coruña

    Os tres Reis Magos agasallaron con carbón a patronal da limpeza da provincia da Coruña

    Ás 11 da mañá, os tres sindicatos que forman parte da mesa negociadora do convenio (CCOO, UGT e CIG) desprazáronse ata a sede de EULEN —unha das empresas do sector—. Alí manifestaron o seu malestar polo comportamento da patronal, pois entenden que a parte empresarial está a negociar «con mala fe».

    Desde o inicio da negociación, os sindicatos tiveron como prioridade abordar o incremento salarial para o ano 2020. Sobre estas liñas evolucionaron as tres reunións que houbo ata o momento. Na última delas, a patronal solicitou modificar dous artigos do actual convenio para ofertar unha suba para o ano 2020. 

    Sorprendentemente, a proposta enviada polas empresas o pasado 10 de decembro «supón un antes e un despois da negociación», pois propón un 0 % de incremento para o 2020, un 0,8 % para o 2021 e retirar do texto da negociación os artigos 8 e 42 do actual convenio de limpeza. Isto significa que as traballadoras e os traballadores non terán dereito a ampliar a xornada dentro do seu centro de traballo cando se xeren novas vacantes ou ampliacións de xornadas. Doutra banda, tampouco terán dereito a esixirlle á empresa o uso do seu dereito a prexubilarse despois de toda unha vida de traballo, para aqueles traballadores e traballadoras que logren reunir os requisitos esixidos.

    Este feito, á parte das consideracións sindicais que se poderían facer, non se pode interpretar doutra forma que non sexa unha burla, unha tomadura de pelo e, sobre todo, unha vulneración do principio da boa fe negociadora.

    Consecuentemente, unha vez valorada a situación polas tres centrais sindicais, os pasados días 28, 29 e 30 de decembro celebráronse asembleas de traballadores e traballadoras do sector para informar da actual situación da negociación do convenio e, sobre todo, da proposta que remitiu a patronal o 10 de decembro. O resultado das asembleas non pode ser máis claro:

    - Rexeitamento unánime da proposta de modificación dos dous artigos sinalados pola Patronal. 

    - Rexeitamento unánime da proposta de suba do 0 % para o ano 2020, e tamén a do 0,8 % para o ano 2021. 

    - Rexeitamento unánime da vulneración do principio da boa fe negociadora. 

    Neste contexto, os tres sindicatos comunicaron o inicio de mobilizacións no sector, «incluíndo unha convocatoria de folga, para que esta arrogante patronal reflexione sobre o acontecido», conclúen.

    Novas relacionadas

    Denuncian na Inspección os incumprimentos das empresas da limpeza da Coruña

    Convocan unha cazolada o venres polo bloqueo do convenio da limpeza de edificios da provincia da Coruña

    Castigan cunha cazolada o bloqueo do convenio da limpeza de edificios da provincia da Coruña

    CCOO, UGT e CIG convocan folga no sector da limpeza de edificios da provincia da Coruña

    Primeira xornada de folga pola dignidade do sector da limpeza de edificios da Coruña

    O comité de folga da limpeza de edificios da provincia da Coruña estende os paros á Xunta, o Parlamento, o Valedor e a USC

    As fregonas amarelas volven tomar as rúas da provincia da Coruña

    As fregonas amarelas desafían a chuvia e esixen en Santiago un convenio digno

    O persoal do sector da limpeza de edificios da provincia da Coruña decidirá en asemblea que convenio quere

    «Si crítico» ao convenio colectivo da limpeza de edificios da provincia da Coruña

    Asinado o convenio de limpeza de edificios da provincia da Coruña

      •
    Novas relacionadas

    Denuncian na Inspección os incumprimentos das empresas da limpeza da Coruña

    Convocan unha cazolada o venres polo bloqueo do convenio da limpeza de edificios da provincia da Coruña

    Castigan cunha cazolada o bloqueo do convenio da limpeza de edificios da provincia da Coruña

    CCOO, UGT e CIG convocan folga no sector da limpeza de edificios da provincia da Coruña

    Primeira xornada de folga pola dignidade do sector da limpeza de edificios da Coruña

    O comité de folga da limpeza de edificios da provincia da Coruña estende os paros á Xunta, o Parlamento, o Valedor e a USC

    As fregonas amarelas volven tomar as rúas da provincia da Coruña

    As fregonas amarelas desafían a chuvia e esixen en Santiago un convenio digno

    O persoal do sector da limpeza de edificios da provincia da Coruña decidirá en asemblea que convenio quere

    «Si crítico» ao convenio colectivo da limpeza de edificios da provincia da Coruña

    Asinado o convenio de limpeza de edificios da provincia da Coruña