Sindicato Nacional de Comisións Obreiras de Galicia | 20 Abril 2024.

CCOO A Mariña mobilizouse unha vez máis en defensa da sanidade pública

    A Plataforma SOS Sanidade Pública, da que forma parte CCOO, convocou mobilizacións en Burela a prol da recuperación e defensa do sistema sanitario público tras a privatizacións e recortes que ven sufrindo nos últimos tempos.

    20/01/2023.
    Persoas de CCOO na manifestación de A Mariña

    Persoas de CCOO na manifestación de A Mariña

    A veciñanza da comarca da Mariña saíu ás rúas de Burela na noite deste xoves, entre consignas como, «non á privatización», «sanidade pública e de calidade» ou «o público é servizo, o privado é beneficio», en defensa da atención primaria e contra os recortes na sanidade pública.

    A protesta, convocada pola Plataforma Sanitaria da Mariña, denunciou o «desmantelamento» da sanidade pública na comarca e a «centralización» de servizos na capital provincial

    Na praza do concello leuse o manifesto no que a Plataforma Sanitaria da Mariña, denunciou que a localización de moitas prestacións sanitarias na cidade de Lugo obriga a os pacientes someterse a desprazamentos largos e penosos, en algúns casos.

    Falta de recursos

    Precisamente, no manifesto por SOS Sanidade Pública denúnciase que a atención primaria padece as consecuencias de máis dunha década de recortes orzamentarios, falta de recursos humanos, peche de centros periféricos, barreiras de acceso á atención, hexemonía da consulta telefónica en detrimento da presencial, precariedade laboral ou interminables listaxes de espera, entre outras eivas.

    As dificultades para acceder á asistencia están favorecendo o crecemento do sector privado e a saturación dos servizos de urxencias.

    Para CCOO a atención primaria non só é a porta de entrada ao sistema sanitario público, senón que «é o eixe» sobre o que descansa todo o sistema. O seu desmantelamento «abriría de par as portas a privatización da sanidade, que tanto anhela o Goberno.