Sindicato Nacional de Comisións Obreiras de Galicia | 2 Maio 2024.

CCOO reclama máis investimento para o envellecemento activo das persoas maiores e a atención á dependencia

    O día 1 de outubro de 2023 conmemórase o 33 aniversario do Día Internacional das Persoas Maiores, designado pola Asemblea Xeral da ONU na súa resolución 45/106. Para CCOO non é un día de celebración, é fundamentalmente «un día de reivindicacións e propostas que dean solución aos retos a que nos enfrontamos as persoas maiores», sinala a Federación de Pensionistas e Xubilados do sindicato. Por esta razón, reclama máis investimento para garantir o envellecemento activo deste segmento da poboación, así como reforzar en todos os aspectos o sistema de atención á dependencia.

    29/09/2023.
    CCOO demanda máis investimento para un envellecemento activo

    CCOO demanda máis investimento para un envellecemento activo

    Desde CCOO lembran que a pandemia da covid-19 puxo o foco sobre as residencias, espazos de vivenda e convivencia «nos que se infestaron e faleceron un número moi elevado de persoas maiores», en moitos casos sen recibiren asistencia médica. «Cómpre analizar a gravidade do ocorrido e cambiar o actual modelo de residencias», avoga o sindicato, ao tempo que sinala que sete de cada dez prazas son privadas, ao tempo que boa parte das públicas tamén están xestionadas por empresas.

    Cambio no modelo de residencias

    O sindicato defende o impulso da atención domiciliaria ás persoas dependentes, así como reforzar os centros de atención diúrnos e nocturnos. «Para articular o modelo residencial que necesitamos, é necesario ter protocolos de como se debe coidar as persoas usuarias das residencias».

    Para CCOO, «cómpre máis atención ás persoas no seu domicilio» e, neste sentido, facilitar a accesibilidade das vivendas e a formación para as persoas coidadoras, así como mellorar as condicións laborais dos profesionais que se dedican a este labor.

    Envellecemento activo e sociedade dixital

    CCOO pide políticas públicas en materia de promoción da saúde épara garantir o envellecemento activo. Para este obxectivo cómpre incrementar o gasto sanitario público ata o 7,5 % do PIB e o gasto en atención primaria ata o 25 % do total.

    En materia social e económica, Comisións tamén solicita que se baixe o custo dos servizos esenciais, «aprobando medidas eficaces de control de prezos» —especialmente no caso dos alimentos—, seguir garantindo pensións dignas e suficientes —na liña do último acordo na materia—, así como revisar os criterios de acceso ao bono social térmico para que cubra máis colectivos e reducir a burocracia.

    A sociedade tecnolóxica é outra das preocupacións para CCOO. Neste sentido, a súa Federación de Pensionistas esixe que a transformación dixital se faga «de xeito inclusivo, sen deixar ninguén fóra» por falta de recursos económicos ou de capacitación. En particular, insta o Goberno a terminar coa «discriminación» que sofren as persoas maiores no acceso aos servizos bancarios, tanto polos requisitos tecnolóxicos como polas «elevadas comisións» que cobran as entidades.

    Documentación asociada

    Manifesto de CCOO polo Día Internacional das Persoas Maiores 2023

      •
    Documentación asociada

    Manifesto de CCOO polo Día Internacional das Persoas Maiores 2023