Sindicato Nacional de Comisións Obreiras de Galicia | 28 Abril 2024.

CCOO tacha de «inaceptable» a actitude da patronal do Convenio de comercio papel e artes gráficas

    Na reunión da mesa de negociación do Convenio de comercio papel e artes gráficas, celebrada o 2 de outubro, asistimos a outro acto de total irresponsabilidade protagonizado pola patronal FANDE (empresas distribuidoras de libros, prensa e revistas).

    03/10/2023.
    Miles de personas de este sector sin incremento de salario por el bloqueo del convenio

    Miles de personas de este sector sin incremento de salario por el bloqueo del convenio

    Na anterior reunión do 12 de setembro, tras varias propostas e contrapropostas de ambas as partes, quedamos en que as patronais valorarían na seguinte reunión a última proposta sindical.

    Proposta sindical presentada o 12 de setembro:

    • Prorrogar o convenio un ano (2023) cunha suba do 4 %, sen que se poida compensar nin absorber.
    • Estudar a modificación da mobilidade funcional entre áreas funcionais para empresas con menos de cinco traballadores/as, pero percibindo un complemento por esa polivalencia.
    • Estudar tamén a incorporación no artigo de vacacións da exclusión co período que coincida coa feira de libros, a condición de que se aboe unha bolsa vacacional. 

     Reunión do 2 de outubro

    Na reunión celebrada o 2 de outubro, máis de 20 días despois de trasladarmos a proposta e despois de dez meses de negociación, FANDE (Federación de Asociacións Nacionais de Distribuidores de Edicións) non só non responde á proposta sindical, senón que tampouco presenta alternativa ningunha.

    Non é responsable nin serio que FANDE e as empresas que representa bloqueen a negociación; impide así que miles de persoas traballadoras deste sector vexan incrementados os seus salarios, malia que os prezos seguen aumentando, e penaliza o poder adquisitivo de todas as persoas traballadoras.

    FANDE foi creada no ano 1979 e conta na actualidade con máis de 150 empresas distribuidoras asociadas de toda España. As empresas integradas en FANDE a través das tres asociacións que forman parte da Federación (ADILE, ANDP e UDNE) dedícanse á distribución por xunto de libros, revistas, diarios e contidos dixitais, e constitúen o elo da cadea comercial que relaciona a editor e punto de venda.

    A Federación de Servizos de CCOO espera que reflexionen e que na reunión prevista para o 26 de outubro se poida avanzar na negociación.

      •