Mellor sindicato na Comarca de Pontevedra, empresas + 250 trab.
Arnoia Distribucións de Libros, despois de máis de trinta anos no sector, é unha das principais empresas en España. Iniciou a súa andaina en 1987 en Pontevedra; na actulidade está situada no Polígono da Reigosa cun cadro de persoal de 277 traballadores/as, polo que lle corresponde a elección dun comité de empresa de 13 membros.
Desde 1994, a representación sindical na empresa foi exclusivamente da CIG; CCOO entrou no comité de empresa hai catro anos, con seis representantes. A CIG quedou con tres, dos nove que tiña anteriormente.
Ano 2023
No actual proceso electoral, ano 2023, só CCOO presentou candidaturas nos dous colexios electorais. A CIG non o logrou, xa que o persoal considerou moi positivo o traballo desenvolvido por CCOO nestes últimos catro anos. Así, ao ser a única candidatura formalizada, CCOO faise cos 13 delegados e delegadas que se elixían.
Este resultado electoral consolida a CCOO como o sindicato maioritario nas empresas máis grandes da comarca de Pontevedra.
Delegados/as de empresas de máis de 250 traballadores/as
Delegados/as para elixir nas dez empresas de máis de 250 traballadores/as na comarca de Pontevedra:
Empresas |
N.º deleg |
SERGAS PONTEVEDRA |
27 |
Distribuciones FROIZ |
25 |
ABANCA |
21 |
DEPUTACIÓN PONTEVEDRA |
21 |
María Martínez CONTRACT |
13 |
ENCE |
13 |
CONCELLO DE PONT |
13 |
QUIRONSALUD |
13 |
ARNOIA |
13 |
CAIXABANK |
13 |
Total deleg. para elixir |
172 |
Así, dun total de 172 representantes elixidos nas grandes empresas da comarca, CCOO obtivo 57 , UGT 37, CIG 36 e outros sindicatos 42. Ademais, CCOO é o único sindicato que obtén representantes en todas estas empresas, namentres a UGT non o consegue en dúas e a CIG, en tres.
CCOO agradece a confianza depositada nas nosas candidaturas e na acción sindical desenvolvida polo sindicato na comarca de Pontevedra, que recibe o apoio inequívoco dos sectores máis sindicalizados da clase obreira.