Sindicato Nacional de Comisións Obreiras de Galicia | 7 Novembro 2025.

Galicia crea máis emprego e reduce o paro, pero medra a temporalidade laboral

    A enquisa de poboación activa (EPA) do terceiro trimestre de 2025, publicada hoxe, reflicte uns datos de emprego e paro positivos para Galicia, «como adoita acontecer neste período do ano», matiza a secretaria de Organizacion de CCOO, Maica Bouza. Os datos desta EPA amosan que en Galicia hai 1179.500 persoas ocupadas (14.000 máis que hai tres meses), e 102.600 persoas desempregadas (-3500). Porén, a sindicalista alerta de que o emprego indefinido se reduce mentres gañan peso os contratos temporais, sobre todo no sector privado.

    24/10/2025.
    Valoración de CCOO sobre os datos da última EPA

    Valoración de CCOO sobre os datos da última EPA

    Un mercado «con luces e sombras»

    O balance do mercado laboral nestes tres meses «ten luces e sombras», indica a secretaria de Organización. No lado positivo, todo o emprego que se crea é a xornada completa, mentres que o de xornada parcial se reduce. O lado negativo é que medra o emprego temporal e redúcese o indefinido.

    Malia que o ritmo de creación de emprego e de redución do paro é mellor en Galicia que no resto do Estado, a taxa de actividade galega segue máis case seis puntos por baixo da estatal e hai seis comunidades autónomas onde se crea máis emprego que en Galicia.

    Análise dos datos

    A EPA do terceiro trimestre do ano en Galicia reflicte a creación de 14.000 empregos e a redución do desemprego en 3500. O emprego medra en Galicia nun 1,2%, mentres que no Estado o fai nun 0,5%. Pola contra, o desemprego cae en Galicia nun 3,3% mentres que no Estado medra nun 2,3% respecto do trimestre anterior.

    A ocupación masculina aumenta en 8600 empregos, pero a feminina faino en 5300. Con estes datos, de cada 100 persoas con emprego, 49 son mulleres. O emprego que se crea é a xornada completa (24.000 novos empregos), mentres que a xornada parcial o emprego diminúe (-10.000). A taxa de parcialidade sitúase no 12,7%.

    A taxa de actividade sitúase no 53,7%, catro décimas máis que hai tres meses pero case seis por debaixo da estatal. En relación ao mesmo período do ano anterior en Galicia temos 20.100 persoas ocupadas mais e o paro redúcese e 9900 persoas. 

    Situación por sectores

    Crease emprego no sector servizos (+27.000 persoas ocupadas) e no primario (+100). Pola contra, pérdense na industria pérdense (-5900) e na construción (-7500). Na desagregación por ramas de actividades, a maior creación de emprego prodúcese no comercio (+25.800) e na Administración pública (+7300); no extremo contrario, a maior destrución de emprego dáse na construción (as mencionadas -7500 persoas ocupadas) e a industria manufactureira (-5100).

    O saldo do emprego asalariado neste trimestre é de 1000 persoas ocupadas máis, resultado do aumento de 4700 empregos asalariados temporais e a perda de 3700 indefinidos. Créanse 4200 empregos asalariados no sector público e pérdense 3200 no sector privado. No sector público medran en 7000 os empregos indefinidos en mentres que o temporal perde en 2800 persoas. No sector privado diminúen en 10.600 os empregos indefinidos, á vez que os temporais medran en 7600.

      •