Sindicato Nacional de Comisións Obreiras de Galicia | 20 Abril 2024.

CCOO pide reforzar a cobertura ás persoas en situación de pobreza enerxética

    A Federación de Pensionistas e Xubilados de CCOO desenvolveu durante os últimos meses unha campaña denominada ‘A enerxía é o teu dereito. Mobilízate!’, na que recolleu máis de 90.000 firmas esixindo reforzar e ampliar as medidas para protexer ás persoas que seguen pasando  frio no inverno e calor no verán, ou habitan vivendas con humidade, sen auga quente ou con insuficiente iluminación. 

    23/05/2022.
    Concentración Ministerio entrega sinaturas pobreza enerxética

    Concentración Ministerio entrega sinaturas pobreza enerxética

    CCOO fixo entrega destas firmas no Ministerio de Transición Ecolóxica e Reto Demográfico. O secretario confederal de Políticas Públicas e Protección Social, Carlos Bravo, instou a ampliar o bono social, xa que “a inmensa maioría das pensións non contributivas están en situación de pobreza severa con ingresos mensuais por baixo dos 500 euros”.

    🗣 “É unha necesidade que temos que abordar e no pacto de rendas, ademais de falar de rendas salariais, do capital ou das políticas públicas, deberíase falar tamén da loita contra a pobreza enerxética”, segundo Carlos Bravo. 

    Pola súa banda, o secretario confederal de Saúde Laboral e Sustentabilidade Ambiental, Mariano Sanz, alertou de que o bono social non chega a todas as persoas. De feito, afirmou que aproximadamente un 50% das persoas non chegan a ter acceso ao mesmo.

    “É fundamental facer un estudo para valorar a incidencia do bono social, ampliar os criterios para o seu acceso e facilitar os procedementos administrativos. Ademais, é necesario poñer encima da mesa a necesidade de ter unha tarifa social para as persoas vulnerables e moi vulnerables que neste momento están a pasalo moi mal”, destacou Mariano Sanz.

    O RISCO DE POBREZA É UNHA REALIDADE

    Para o colectivo de xubilados é moi importante que se aborde esta situación, xa que o risco de pobreza é unha realidade para 1,7 millóns de maiores de 65 anos. Hai ademais máis mulleres maiores pobres que homes, 1 millón fronte a 700.000 homes, segundo os últimos datos do Instituto Nacional de Estatística (INE). Entre os 1,7 millóns de maiores pobres, unhas 450.000 persoas (27%) viven en pobreza severa, é dicir, cunha renda máxima mensual duns 535 euros para unha persoa que viva soa.

    Aínda que o Goberno puxo en marcha medidas para mellorar a situación, a pandemia do Covid-19 e o aumento disparado dos prezos da enerxía nestes meses agravou aínda máis esta situación. As actuais medidas non cobren a toda a poboación que os necesita. 

    De feito, segundo CCOO, só había 1,2 millóns de beneficiarios do bono social eléctrico en 2021 e co posible aumento dos beneficiarios en 600.000, chegaría a 1,8 millóns, ao estendelo, segundo o novo paquete de axudas do Goberno como consecuencia da guerra, a todos os perceptores do ingreso mínimo vital con contrato de subministración, ao tomar como referencia a unidade de convivencia no canto da unidade familiar. 

    Con todo, aquela cifra está afastada das estimacións que se obteñen a partir dos indicadores da Estratexia Nacional contra a Pobreza Enerxética. Con datos do INE referidos a 2020, hai entre 4,5 e 8 millóns de persoas afectadas pola pobreza enerxética. Segundo o INE, as persoas que non poden manter a súa vivenda cunha temperatura adecuada no inverno pasaron de 3,5 millóns en 2019 a 5,1 millóns en 2020, é dicir, un aumento de 1,6 millóns. 

    Ademais de non cubrir a toda a poboación en situación de pobreza enerxética, o bono social non está configurado como un dereito do consumidor vulnerable e non hai un organismo público encargado de asegurar a súa aplicación. 

      •