Sindicato Nacional de Comisións Obreiras de Galicia | 16 Febreiro 2025.

O sector do Mar de CCOO lamenta o falecemento de Evaristo Álvarez, piloto de Salvamento Marítimo en Galicia

    O Sector do Mar de CCOO lamenta o falecemento de Evaristo Álvarez Pareces, piloto de Salvamento Marítimo en Galicia, ocorrido este mes de xaneiro. Evaristo, ademais de ser un profesional «entregado e comprometido» co seu traballo, foi unha persoa «moi querida polos seus compañeiros e compañeiras, recoñecido polo seu carácter afable e a súa constante disposición a axudar», destacan.

    28/01/2025.
    Salvamento marítimo

    Salvamento marítimo

    Desde o Sector do Mar de CCOO destacan o gran labor realizado por Evaristo ao longo da súa carreira, contribuíndo «de forma esencial» á seguridade marítima e ao rescate de persoas en situacións de emerxencia.

    CCOO transmite as súas condolencias e o seu afecto á familia, amizades e compañeiros de Evaristo neste momento tan difícil. Así mesmo, reitera o seu compromiso coa defensa e o recoñecemento do importante papel que desempeña Salvamento Marítimo, «un servizo fundamental para garantir a seguridade nas nosas augas».