Sindicato Nacional de Comisións Obreiras de Galicia | 26 Abril 2025.

Minuto de silencio e concentracións o xoves, diante das Facultades de Educación, en repulsa polo asasinato dunha traballadora

    Mañá xoves, 13 de marzo, ás 12:00 horas, haberá un minuto de silencio e concentracións diante das Facultades de Educación das tres universidades galegas. Baixo o lema «A precariedade laboral mata», reclamaranse medidas para evitar que volta acontecer unha traxedia como a de Badaxoz, onde unha educadora social foi asasinada por tres menores tutelados.

    12/03/2025.
    Concentración diante das Facultades de Educación das tres universidades galegas

    Concentración diante das Facultades de Educación das tres universidades galegas

    As concentracións serán:

    — A Coruña: Campus de Elviña (s/n);

    — Santiago de Compostela: Campus Vida e Campus Norte;

    — Ourense: Campus das Lagoas (Edificio de Ferro).

    Esta protesta conta co apoio dos sindicatos CCOO, UGT, CIG e CSIF, as tres universidades galegas e o Colexio de Educadoras e Educadores Sociais de Galicia.

    Reivindicacións de CCOO

    Ante sucesos tan tráxicos coma este, CCOO reclama diversas medidas. Entre outras, auditorías inmediatas en todos os centros de menores do Estado para verificar o cumprimento de ratios de seguridade e da normativa vixente; reversión das externalizacións dos servizos sociais, suspensión das licitacións á baixa e revisión dos pregos para garantir condicións laborais dignas; protocolos específicos de actuación ante situacións de denuncias previas, así como unha análise exhaustiva e rigorosa do perfil dos menores que son asignados en réxime semiaberto.

    Ligazóns relacionadas

    CCOO amosa a súa consternación polo asasinato dunha traballadora en Badaxoz

      •
    Ligazóns relacionadas

    CCOO amosa a súa consternación polo asasinato dunha traballadora en Badaxoz